Apocalípsis 2:3

Ñanderuete Ñe’ẽ Porã 2015

Nde rejerovia porã cherehe, rehasa asy ramojepe, ha heta remba’apova’ekue cherehehápe nekane’õ’ỹre.

Referencias Cruzadas

Salmokuéra 37:7

Ekirirĩ Ñanderuete renondépe, ha ejerovia hese. Ani ndepochýtei rehecha ramo iñanáva rapére oĩ po’a poty.

Salmokuéra 69:7

Nderehe chemboyke hikuái ha ñemotĩ oñu’ã che rova.

Miquéas 7:9

Ñanderuete pochy agueropu’akáta añemoangaipa haguére henondépe, Ha’e chembojovakéta ha ojapóta chéve pe hekoite peguáva, Ha’e cherenohẽta hesakãháme ha ahecháta ijustícia.

Márcos 15:21

Ha oguerahauka Hesu kurusu peteĩ ohasávape, hérava Simon Cireneygua, Alejándro ha Rúfo ru, ouvahína ikokuégui.

Lúcas 14:27

Ha upe ohupi’ỹva ikurusu ou hag̃ua che rapykuéri, ndaikatúi oiko che remimbo’e ramo.

Lúcas 18:1

Hesu omombe’u ambue ñe’ẽ mbojoja, ohekombo’égui hemimbo’ekuérape ñañembo’e tapiava’erãha, ñañemokangy’ỹre.

Lúcas 21:19

Pene paciéncia rupi pesalvava’erã pende rekove.

Lúcas 5:5

Simon Pédro katu he’i ichupe: Mbo’ehára, romba’apo ningo ange pyhare pukukue ha noronohẽi mba’evete, upéicharamo jepe aitýta che red Nde erégui oréve.

Lúcas 8:15

Umi mba’e ra’ỹi ho’ava’ekue yvy porãme ningo umi ipy’a porãva ha hekopeteguáva, oñongatu porãmba ipy’apýpe ohenduva’ekue guive ha hi’a porã paciéncia reheve.

Juan 15:21

Opaite ko’ã mba’e ojapóta hikuái penderehe che réra rehe, ndoikuaáigui pe chembouva’ekuépe.

Romayguakuérape 12:12

Peha’ãrõ vy’apópe ani penekangy ou ramo pe jepy’ara’ã, peropu’akakuaákena, peñembo’epeína uvei.

Romayguakuérape 16:12

Amomaiteiuka Triféna ha Trifósape, ha’ekuéra oñeha’ãmba Hesu Crísto rembiapópe. Amomaiteiuka avei Pérsidape, pe ojehayhúva ha omba’apo heta Hesu Crístope g̃uarã.

Romayguakuérape 2:7

Ñanderuete voi ningo ome’ẽta tekove opa’ỹva umi ojapóvape tembiapo porã, ha oñeha’ãmbáva ohupity hag̃ua Ñanderuete reko ojajaipáva, tekove opa’ỹva ha ombotuichaséva Ijárapente.

Romayguakuérape 8:25

Ha ñaha’ãrõ ramo ñaína umi mba’e jahecha’ỹva, he’ise ñaha’ãrõhañaína paciéncia reheve.

1 Corintoyguakuérape 13:7

Pe mborayhu añeteguáva ogueropu’aka opaite mba’e ha opaite mba’e oguerovia, opaite mba’e oha’ãrõ ha ogueropu’akapa.

1 Corintoyguakuérape 16:16

Pemoirũ ha peipytyvõ porãke ichupe ha opaichagua hermanokuéra oñeha’ãmbáva Hesu Crísto rembiapópe.

2 Corintoyguakuérape 10:15

Ore noroñembotuichái romba’apo haguére kokue ambuépe ore rembiapórõguáicha, roha’ãrõnte okakuaa porãve hag̃ua pende jerovia ikatu hag̃uáicha peẽ pehechakuaa avei ore rembiapo pende apytépe,

2 Corintoyguakuérape 11:23

Ha’ekuéra piko Hesu Crísto rembiguái, chéma katu hetave, añe’ẽ ramojepe itarovávaicha ko’ã ñe’ẽ ko’ãvare, amba’apo pohyive ichuguikuéra, hetave ára ahasa cárcelpe, hetave añembuepoti, hetave jevy ahasa asy amano hag̃uáicha.

2 Corintoyguakuérape 4:1

Ore romba’apo kyre’ỹme ko tembiapo kóvape, Ñanderuete oremombarete ha oreporiahuverekógui.

2 Corintoyguakuérape 4:16

Upévare ningo ndaorepy’akangýi, omano ramojepe ohóvo ore kuimba’e oka peguáva, ore kuimba’e pypeguáva katu oñembopyahuve ohóvo ko’ẽ ko’ẽ rehe.

2 Corintoyguakuérape 5:9

Upévare ñañeha’ã ñambohory hag̃ua Ñanderuetépe, ñaime ramo ñande retépe térã ñaime’ỹ ramo.

2 Corintoyguakuérape 6:5

taha’e ñenupãme térã cárcelpe, taha’e ñorãirõme térã tembiapo pohýipe, taha’e kera’ỹme térã ñembyahýipe,

Galaciayguakuérape 6:2

Peñopytyvõ pegueraha hag̃ua oñondive pene mba’e pohýi (cárga) ha péicha pejapo ramo pehóvo pejapo hekópe Hesu Crísto rembiapoukapy.

Galaciayguakuérape 6:9

Aníkena ñanekane’õ jajapo hag̃ua ñane rembiapo iporãva, hi’árape ñamono’õva’erã, katuete nañaneate’ỹi ramo.

Filipoyguakuérape 2:16

Pejejokókena Ñanderuete ñe’ẽ oporomoingovéva rehe, ani hag̃ua ojehecha Hesu Crísto árape añani ha amba’apo rei hague pende apytépe, che avy’aite uvei penderehe.

Filipoyguakuérape 4:3

Che ajerure avei ndéve, che irũetéva (Sícigo), eipytyvõ ichupekuéra, ha’ekuéra ningo omba’apo porãva’ekue chendive omyasãi hag̃ua Ñanderuete ñe’ẽ porãite, upéicha avei Cleménte ha ambuekuérape; herakuéra ningo ojehai tekove rehegua kuatiañe’ẽme.

Colosayguakuérape 1:11

Tapeñemombarete opaite Ñanderuete reko jajái pu’akápe, peropu’akapa hag̃ua paciéncia ha vy’a reheve.

1 Tesalonicayguakuérape 1:3

Oremandu’a ore ñembo’épe Ñandejára Ñanderuete renondépe pende jerovia ha pene mborayhu rembiapo rehe ha rovy’a peropu’aka haguére opaite mba’e pene esperánza rupi, peguerekóva Hesu Crísto rehe.

1 Tesalonicayguakuérape 2:9

Peẽ ore hermanokuéra, penemandu’a porã gueteri, ore roñeha’ãmba hague romba’apo hag̃ua (ore pópe) ára ha pyharépe ani hag̃ua orepohýi peẽme, romyasãi aja peẽme Ñanderuete ñe’ẽ.

1 Tesalonicayguakuérape 5:12

Rojerure ningo peẽme, ore hermanokuéra, pehechakuaa hag̃ua umi omba’apóva ha omoakãva pe iglésia rembiapo (ancianokuéra) pende apytépe ha umi penerekombo’évape.

2 Tesalonicayguakuérape 3:13

Peẽ katu, che hermanokuéra, ani penekane’õ pejapo hag̃ua mba’e iporãva.

2 Tesalonicayguakuérape 3:5

Hesu Crísto tapenepytyvõ pehechakuaa porã hag̃ua pende py’apýpe Ñanderuete mborayhu añeteguáva ha peha’ãrõkuaa hag̃ua Hesu Crísto ou jevy peve.

2 Tesalonicayguakuérape 3:8

ore ndoro’úi pene rembi’u jopói ramojepe, ore po rembiapo rupi ore rohupity ore rembi’u repy, ore romba’apo pohýigui ára ha pyharépe rohupity hag̃ua ore remikotevẽ ani hag̃ua orepohýi avavépe pende apytépe.

1 Timotéope 4:10

Upevarã romba’apo ha roñeha’ãmba, romoĩgui ore esperánza Ñanderuete Oikovévare; Ha’e ningo osalváse opavavépe, osalváma katu umi ojeroviávape hese.

1 Timotéope 5:17

Umi omyakã porãva iglesiayguakuérape tojehayhu jo’a, tenonderãme umi oñeha’ãva omyasãi hag̃ua pe evangélio ha oporombo’évagui.

hebreoyguakuerape 10:36

Peikotevẽ paciéncia rehe, pejapo hag̃ua Ñanderuete rembipota ha pehupity hag̃ua Ha’e oprometemava’ekue peẽme.

hebreoyguakuerape 12:1

Ñande jaguerekógui ñande jerekuévo ku araícha heta techahare ojeroviaitéva, upévare jaipe’a ñandejehegui opaite mba’e ñandejopýva ha ñandejokoséva, ha avei pe angaipa ñanemoñuhãséva, ha ñañani paciéncia reheve pe carréra oñemoĩva ñane renonderãme.

hebreoyguakuerape 13:13

Upéicharamo ñasẽ Hesu Crísto rendápe, pe tavaguasu okárape, jahasa asy hag̃ua hendive,

hebreoyguakuerape 6:10

Ñanderuete ndojapói mba’eve hekope’ỹ, upévare Ha’e ndahesaráiri avei pene rembiapo porã ha pene mborayhúgui pehechaukava’ekue héra rehehápe, peipytyvõ ramoguare pene hermanokuérape, ha peipytyvõ gueteri pehóvo ichupekuéra.

hebreoyguakuerape 6:12

Anítei peñemoate’ỹ, peñeha’ãmba uvei pehupity peve jerovia ha paciéncia rupi Ñanderuete me’ẽmby, Ha’e he’imava’ekue ome’ẽtaha.

hebreoyguakuerape 6:15

Ha upéicha Abraham oha’ãrõ pukuete ohupity peve pe mba’e Ha’e he’imava’ekue ome’ẽtaha ichupe.

2 Pédro 1:6

pende kuaapy arandu rehe jejokokuaa, pende jejokokuaa rehe paciéncia, penepaciéncia rehe ñemomirĩ (jejapo’i),

Apocalípsis 1:9

Che, Juan, che avei pene hermáno ha pene irũ umi jepy’ara’ã jahasáva Hesu Crísto ha hetãguasu rehehápe. Ko’ág̃a che aĩ préso pe ypaũ (ísla) Pátmospe, yguasu pa’ũme, ajeroviágui Hesu Crístore ha amyasãi haguére Hesu Crísto evangélio.

Apocalípsis 3:10

Nde rejapo haguére hekoitépe Che ñe’ẽ, Che añangareko porãta nderehe ou vove pe jehasa asyguasu ohupitýtava opaite tetãyguakuérape oikóva guive yvy ape ári, ojepy’ara’ã hag̃ua.