Apocalípsis 2:16

Ñanderuete Ñe’ẽ Porã 2015

Upévare eñembyasýke, ha epoi ne angaipágui, upeicha’ỹ ramo, pya’e ajúta ne rendápe ha añorãirõta hendivekuéra che kyse pukuete reheve osẽva che jurúgui.

Referencias Cruzadas

Isaías 11:4

ombojovakéta hekoitépe umi imboriahúvape, ha ijustíciape ombojovakéta umi tetãygua oñemomirĩvape, oinupãta katu umi iñañávape ha Ipytu Porãitépe ojukáta umi hese ojeroviase’ỹvape.

Isaías 49:2

Che jurúgui ojapo kyse puku hakuávaicha, ipo rupi chemo’ã porã; ha che’apo ihu’y hakuávaicha, ha chemoinge ihu’y ryrúpe;

Efesoyguakuérape 6:17

Pejapyhy avei pene akã mo’ãha, kóva he’ise pejejokóke pende salvacionrã rehe, ha pejapyhy pe kyse puku, kóva he’ise peñemo’ã ha pendyry Ñanderuete ñe’ẽ (Bíblia) reheve umi oñemoĩvare penderehe.

2 Tesalonicayguakuérape 2:8

Uperire ae ojehechaukáta upe oñemoĩva opaichagua tembiapoukapy rehe, Ñandejára Hesu Crísto katu ojukáta ichupe ipytuhẽ pu’aka rupi ha ohundíta ichupe Ha’e ou jevyha árape.

Apocalípsis 1:16

Ipo akatúape oguereko 7 jasytata, ha ijurúgui osẽ peteĩ kyse akua pukuete hãimbe jováiva, ha hova ojajái ku kuarahy asajerõguáicha.

Apocalípsis 16:9

Ha ha’ekuéra okái ramojepe noñembyasýi oiko vai haguére, ha nomomba’eguasuséi Ñanderuetépe, oja’o ha oñe’ẽvai uvei Ñanderuete rehe, oguerekóva pu’aka ko’ã plága rehe.

Apocalípsis 19:15

Ha ijurúgui osẽ peteĩ kyse puku hakua ha hãimbe jováiva oikutu hag̃ua tetãnguérape (oñemoĩva guive hese), Ha’e (Hesu Crísto) oisãmbyhýta ichupekuéra ivarílla hierroguiguápe. Ha’e voi opyrũ pochypópe pe parral’akuéra rehe Ñanderuete parral jehykue’ohápe, ha Ha’e ho’ukáta ichupekuéra Ñanderuete, pe Ipu’akapáva jehavira ipohyietéva rehegua víno.

Apocalípsis 19:21

Ha umi ambue oñembyatyva’ekue katu ojejuka kyse puku rupi, osẽva pe kavaju arigua jurúgui, ha opaite guyrakuéra hyg̃uatãmba ho’okuéragui.

Apocalípsis 2:12

Ehai Pérgamo iglésia rembijokuáipe g̃uarã: Péicha he’i pe oguerekóva pe kyse akua pukuete ha hãimbe jováiva ipópe:

Apocalípsis 2:5

Nemandu’áke mamóguipa re’ára’e ha eñembyasy, rejapo vai haguére, ha ejapo jevy umi tembiapo ñepyrũguaréva, upeicha’ỹrõ ajúta ne rendápe ha aipe’áta ne rataindyenda hendágui, ne rembyasýirõ rejapo vai haguére.

Apocalípsis 22:20

Pe oikuaaukapáva ko’ã mba’e, he’i: Néi, Che aju pya’e (térã pe hóra oñeha’ãrõ’ỹva) Amen, eju ore Jára, Hesu Crísto.

Apocalípsis 22:7

Peikuaa porãke, pya’e Che ajúta, (térã Che ajúta pe ára oñeha’ãrõ’ỹre, Matéo 24,7; Lúcas 17,24). Ovy’aite pe iñe’ẽrendúva ko’ã profecía ko’ãva rehe oĩva ko kuatiañe’ẽ kóvape.

Apocalípsis 3:19

Che ningo ahekombo’e ha ahavira opaite ahayhúvape, upévare eñeha’ãmba reñembyasy hag̃ua rejapo vai haguére.