Apocalípsis 2:12

Ñanderuete Ñe’ẽ Porã 2015

Ehai Pérgamo iglésia rembijokuáipe g̃uarã: Péicha he’i pe oguerekóva pe kyse akua pukuete ha hãimbe jováiva ipópe:

Referencias Cruzadas

Isaías 11:4

ombojovakéta hekoitépe umi imboriahúvape, ha ijustíciape ombojovakéta umi tetãygua oñemomirĩvape, oinupãta katu umi iñañávape ha Ipytu Porãitépe ojukáta umi hese ojeroviase’ỹvape.

Isaías 49:2

Che jurúgui ojapo kyse puku hakuávaicha, ipo rupi chemo’ã porã; ha che’apo ihu’y hakuávaicha, ha chemoinge ihu’y ryrúpe;

hebreoyguakuerape 4:12

Ñanderuete ñe’ẽ oikove, ipu’aka ha hakuave opaite kyse haimbe jováivagui, ha oike ánga ha pytu porã pa’ũ meve, omboja’o peve kangue joajuha ha karaku, ombojovake hag̃ua avei ñane pensamientokuéra ha ñande py’apy rembipota.

Apocalípsis 1:11

he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 1:16

Ipo akatúape oguereko 7 jasytata, ha ijurúgui osẽ peteĩ kyse akua pukuete hãimbe jováiva, ha hova ojajái ku kuarahy asajerõguáicha.

Apocalípsis 19:15

Ha ijurúgui osẽ peteĩ kyse puku hakua ha hãimbe jováiva oikutu hag̃ua tetãnguérape (oñemoĩva guive hese), Ha’e (Hesu Crísto) oisãmbyhýta ichupekuéra ivarílla hierroguiguápe. Ha’e voi opyrũ pochypópe pe parral’akuéra rehe Ñanderuete parral jehykue’ohápe, ha Ha’e ho’ukáta ichupekuéra Ñanderuete, pe Ipu’akapáva jehavira ipohyietéva rehegua víno.

Apocalípsis 19:21

Ha umi ambue oñembyatyva’ekue katu ojejuka kyse puku rupi, osẽva pe kavaju arigua jurúgui, ha opaite guyrakuéra hyg̃uatãmba ho’okuéragui.

Apocalípsis 2:1

Ehai Eféso iglésia rembijokuáipe g̃uarã: Péicha he’i pe ojokóva umi 7 jasytata ipo akatúape, ha pe oikóva umi 7 tataindyenda oroguiguáva apytépe.

Apocalípsis 2:16

Upévare eñembyasýke, ha epoi ne angaipágui, upeicha’ỹ ramo, pya’e ajúta ne rendápe ha añorãirõta hendivekuéra che kyse pukuete reheve osẽva che jurúgui.

Juéces 3:16

Ha Eud ojapouka peteĩ kyse puku hãimbe jováiva, ipuku hãimete médio métro; ha omoĩ iku’áre, ijao guýpe, ijakatúa gotýo.