Apocalípsis 2:10

Ñanderuete Ñe’ẽ Porã 2015

Anítei rekyhyje rehasa asyvétavagui. Eikuaa porãke, Satana oitýta cárcelpe hermanokuéra pende apytégui ohasa asy hag̃ua 10 ára (día) pukukue pendepy’ara’ã hag̃ua. Ejeroviaite, remano meve ha Che ame’ẽta ndéve pe tekove rehegua akã jeguaka.

Referencias Cruzadas

Salmokuéra 31:23

Pehayhúke Ñanderuetépe, opavave peẽ hekopotĩva, Ñanderuete oñangareko porã umi hese ojeroviávare, omyengovia uvei umi oñembotuichaséva rembiapo vai.

Lamentaciónes 3:57

Ha upéi reñemboja cherehe rohenoiha árape, ha ere: Ani rekyhyjétei.

Daniel 1:12

Ajerure ndéve reha’ã hag̃ua ne rembiguaikuéra rehe 10 ára pukukue, ha toñeme’ẽ oréve koga’ánte ro’u hag̃ua ha y roy’u hag̃ua.

Daniel 1:14

Ha ha’e omoneĩ ichupekuéra ko’ã mba’épe, ha omongaru ichupekuéra 10 ára aja, ha’ekuéra ojerure hagueichaite.

Habacuc 2:3

Umi mba’e nde rehechátava katuete ojehúta hi’araitépe, oñembopya’e pya’e ojehu hag̃ua, ha ndaijapumo’ãi, hi’aréta ramojepe ojehu hag̃ua, eha’ãrõ, katuete oúta, ndahi’areitereivéima oiko hag̃ua ko’ã mba’e ko’ãva.

Matéo 10:22

Ha opavave ndaija’eiva’erã penderehe che réra rayhupápe, ha upe ogueropu’akáva ipahaite peve, upéva ojesalvava’erã.

Matéo 10:28

Aníke pekyhyje umi ojukávagui pende rete, ndaikatúigui ojuka pene ánga; pekyhyjeva’erã uvei pe ikatúvagui ohundi aña retãme pende rete ha pene ánga.

Matéo 24:13

Ha upe ogueropu’akáva ipahaite peve, péva ojesalvava’erã katuete.

Márcos 13:13

Opavave oñemoĩta penderehe che réra rehehápe, upe ojeroviavahína ára pahaite peve katu ojesalvava’erã.

Márcos 8:35

Opavave osalvaséva hekove, ohundiva’erã, ha umi ohundíva hekove cherehehápe ha evangélio rehehápe katu, ojesalvava’erã katuete.

Lúcas 21:12

Ko’ã mba’e ko’ãva ojehupa mboyve katu, ha’ekuéra penemuñáta Ñanderuete rogapýpe jepe ha penemoingéta cárcelpe, ha’ekuéra pendegueraháta tetã ruvicha ha mburuvichakuéra rendápe, ha peẽ pehasa asyva’erã che réra rehehápe.

Juan 12:25

Upéicha avei opavave hakate’ỹva hekovére ningo oñehundiva’erã, ha pe nomomba’éiva hekove ko yvy apére katu oñongatu hi’ánga tekove tapia g̃uarãme.

Juan 13:2

Ha ocena jave hikuái, aña omoingéma Júdas Iscarióte, Simon ra’y py’apýpe otraiciona hag̃ua Hesúpe.

Juan 13:27

Ha Júdas ho’u rire pe pan pehẽnguemi, Satana oike Júdas py’apýpe. Upérõ Hesu he’i ichupe: Umi mba’e rejapótava, ejapo pya’e.

Apostolkuéra 20:24

Che nambyasýi ahundíta ramojepe che rekove ko yvy ári, pe che aipotavéva katu: Ahupity hag̃ua pe tekove opa’ỹva ha che ajapopa pe tembiapo Hesu Crísto ome’ẽmava’ekue chéve, péva he’ise che amyasãi hag̃ua Hesu Crísto evangélio ha Ñanderuete mborayhu.

Apostolkuéra 21:13

Upérõ Páblo he’i: Mba’e piko pejapo, pene rasẽ rupi peẽ chembopy’a kangy. Che ningo aĩmba (lísto) ndaha’éi añeñapytĩ hag̃uáichante, amano hag̃uáicha avei Jerusalénpe, Hesu Crísto rehehápe.

1 Corintoyguakuérape 9:25

Umi oñeha’ãmbáva ojejoko heta mba’égui ohupity hag̃uánte peteĩ yvyra rogue ñopẽmbyre iñakã rehegua jeguaka ramo, ha pya’e oñembyaíva; ñandéve g̃uarã katu oñembosako’i peteĩ akã rehegua ñopẽmbyre jeguaka oñembyai’ỹva araka’eve.

Efesoyguakuérape 2:2

peikova’ekue pene rembipota vai poguýpe, ojeiko háicha ko ára atyguasúpe ha pejapova’ekue ko múndo jára rembipota vai, ha’e ningo pe pytu vai (Satana) omba’apovahína avei opavave oñemoĩvape guive Ñanderuete rehe.

Efesoyguakuérape 6:12

Ñande ningo nañañorãirõi tuguy ha to’o ndive (ñande rapicha ndive), ñande ñañorãirõ uvei umi mburuvichaguasu yvategua ndive (Satana ndive), umi mburuvichaguasu hesaitéva ndive, umi oisãmbyhýva ko múndo pytũ meguápe, umi pytu ñaña mba’epochy yvága pegua ndive.

Tiágo 1:12

Ovy’aite pe kuimba’e ogueropu’akáva kirirĩháme ijepy’ara’ã, osẽ porã rire ohupitýta pe tekove opa’ỹva, Ñanderuete ome’ẽtava oimeraẽvape ohayhúva guive ichupe.

1 Pédro 5:4

Ha Hesu Crísto ningo pe ovecha rerekuaguasu, ojehechaukaha árape oñeme’ẽta peẽme peteĩ akã jeguaka (coróna) heko jajaipa reheguáva oñembyai’ỹva máramo.

1 Pédro 5:8

Peñemoakãguapy ha peñeñangarekóke, pe mba’epochy (Satana) penerãirõséva oikógui pende jerekuévo, leõ okororõvaicha, ha oheka mavapépa ho’úta.

Apocalípsis 13:14

ombotavy hag̃ua ichupekuéra umi mba’e techapyrã rupi, oñeme’ẽgui ichupe pu’aka ojapo hag̃ua ko’ã mba’e techapyrãva pe mymba tenondegua resa renondépe, oguerekova’ekue pe jekutu vai kyse pukuetégui ha oikove jevy, upévare upe mymba mokõiha ojapouka peteĩ ta’ãnga tuicháva upe mymba tenondeguápe g̃uarã.

Apocalípsis 13:2

Ha pe mymba che ahecháva ojogua peteĩ jaguarete hũme, ipo ha ipykuéra ojogua óso pykuérape, ijuru ojogua leõ jurúpe. Ha pe tejujaguaguasu (Satana) ome’ẽ ko mymba kóvape ipu’aka ha iguapyha oisãmbyhy hag̃ua.

Apocalípsis 13:7

Ha oñeme’ẽ ichupe pu’aka oñorãirõ ha ombopoguy hag̃ua umi heko potĩvape, ha oiko hag̃ua mburuvichaguasu ramo, oisãmbyhývo opaite tetãyguakuéra, ñe’ẽnguéra, tribukuéra ha tetãnguérape.

Apocalípsis 17:14

Ha’ekuéra oñorãirõta pe Ovechara’y ndive, Ha’e katu ombopoguýta ichupekuéra, Ha’e voi ningo jarakuéra Jára, ha mburuvichakuéra Ruvichaguasuete, ha umi hendive oĩva, Ñanderuete ohenoimava’ekue, Ha’e oiporavova’ekue avei ha oha’ãrõva mborayhupópe Ha’e ou jevy peve.

Apocalípsis 2:13

Che aikuaapa nde rejapóva guive ha nde róga oĩha Satana oisãmbyhyhápe, nde katu rejerovia porã cherehe ha nderepoíri chehegui ojejuka ramojepe umi árape Antípas, che rechahare heko peguáva.

Apocalípsis 2:9

Che ningo aikuaa porã ne rembiapokue, nde jehasa asy ha ne mboriahukue (ne mba’eita ramojepe) ha umi Judayguakuéra oñe’ẽvaiha nderehe, ndaha’éi ramojepe Judaygua añeteguáva, Satana iglesiaygua uvei katu.