Apocalípsis 2:1

Ñanderuete Ñe’ẽ Porã 2015

Ehai Eféso iglésia rembijokuáipe g̃uarã: Péicha he’i pe ojokóva umi 7 jasytata ipo akatúape, ha pe oikóva umi 7 tataindyenda oroguiguáva apytépe.

Referencias Cruzadas

Ezequiel 46:10

Ha pe tetã ruvicha oikeva’erã ijapytepekuéra oñembyaty rire; ha ha’e osẽvo ohasa pe okẽ oike haguérupi.

Matéo 18:20

Oñembyatyhápe mokõi térã mbohapy che rérape, ijapytepekuéra aĩta Che avei.

Matéo 28:20

Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).

Juan 5:35

Juan oikova’ekue tataindy ramo omimbi hag̃ua ha peẽ pevy’aseva’ekue sapy’amínte jepe hesape rendýpe.

Apostolkuéra 18:19

Ha Páblo og̃uahẽvo Efésope oike Ñanderuete rógape oñemongeta hag̃ua Judayguakuéra ndive, Aquíla ha Priscíla katu opyta Efésope.

Apostolkuéra 18:21

Ojeívo he’i uvei ichupekuéra: Aju jevýne pene rendápe Ñanderuete oipota ramo,

Apostolkuéra 19:1

Apólos oĩ aja Coríntope, Páblo ohasa pe cerrorusu pa’ũ rupi og̃uahẽ meve Efésope ha upépe ojohu umi Apólos ombo’eva’ekuépe,

2 Corintoyguakuérape 6:16

Mba’éicha piko Ñanderuete iglésia oñembopy’apeteĩkuaáta jára ra’ãnga ñemomba’eguasu reheve. Ñande ningo Ñandejára Hesu Crísto iglésia, Ñanderuete kuatiañe’ẽme he’i háicha: Che aiko ha añembohogava’erã che retã apytépe, ha Che ha’éta Ijára, ha ha’ekuéra che retãtee, (Levítico 26,11-12).

Apocalípsis 1:16

Ipo akatúape oguereko 7 jasytata, ha ijurúgui osẽ peteĩ kyse akua pukuete hãimbe jováiva, ha hova ojajái ku kuarahy asajerõguáicha.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 12:1

Ha ojehecha ára rehe, peteĩ techaukaha (señal) ndetuicháva: Peteĩ kuña oñemondéva kuarahýpe ha pe jasy oĩ ipy guýpe, ha iñakã ári oĩ peteĩ akã jeguaka (coróna) oguerekóva 12 jasytata.

Apocalípsis 2:12

Ehai Pérgamo iglésia rembijokuáipe g̃uarã: Péicha he’i pe oguerekóva pe kyse akua pukuete ha hãimbe jováiva ipópe:

Apocalípsis 2:18

Ehai Tiatíra iglésia rembijokuáipe g̃uarã: Péicha he’i Ñanderuete Ra’y, hesa hendýva tata rendýicha ha ipy ojoguáva bróncepe:

Apocalípsis 2:8

Ehai Esmírna iglésia rembijokuáipe g̃uarã: Péicha he’i pe Iñepyrũha ha pe Ipaháva, pe ojejukava’ekue ha oikove jevýva.

Apocalípsis 3:1

Ehai Sárdes iglésia rembijokuáipe g̃uarã: Péicha he’i pe oguerekóva umi 7 Ñanderuete Pytu Porãite ha umi 7 jasytata ipópe: Aikuaa porã ne rembiapokue, oje’e ningo nde reikoveha, remanóma ramojepe.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.

Apocalípsis 3:7

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.