Apocalípsis 19:7

Ñanderuete Ñe’ẽ Porã 2015

Javy’a ha ñanderorýke, ñamboete ichupe og̃uahẽháre pe Ovechara’y (Hesu Crísto) omendaha ára, ha hembirekorã (ijiglésia) oñembosako’ipáma.

Referencias Cruzadas

Salmokuéra 107:42

Umi heko potĩva ohechapa ha ovy’a joa, ha mayma tekove vai tomboty ijuru.

Salmokuéra 48:11

Ovy’a Jerusalen cérro ha opaite Juda tavakuéra, horyete opaite ne ñembojovake rehe.

Salmokuéra 9:14

Ikatu hag̃uáicha che amombe’u opaite Jerusalenguápe nde reko mba’e guasueteha, ha chepy’arory hag̃ua ne ñepytyvõ rehe.

Mga Kawikaan 29:2

Umi heko potĩva oisãmbyhy oñemboheko porã aja hetãyguakuéra hory, ha pe iñaña rekóva oisãmbyhy oñembohetahetávo, hetãyguakuéra ipyahẽ asy.

Cantar de los cantáres 3:11

Pesẽna, peẽ Jerusalen rajykuéra, ha pehechami tetã ruvicha Salomónpe, iñakã jeguaka reheve, isy omoĩva’ekue iñakã rehe omendaha árape, ipy’apy ovy’aitereígui.

Isaías 52:1

Epáy, epáy, nde Sion, ha eñemombarete nde Jerusalen, pe táva Ñanderuete oiporavóva; emonde ndejehe nde ao iporãvéva, araka’eve ndoumo’ãvéigui tetã ambueygua ha ipotĩ’ỹva nde táva ryepýpe.

Isaías 62:5

Peteĩ karia’y omenda háicha peteĩ kuñataĩ rehe, péicha nde apohare omendáta nderehe; ha pe ména ovy’a háicha hembireko ndive, péicha avei nde Jára ovy’áta nendive.

Isaías 66:10

Pevy’aitéke Jerusalen ndive, ha penderoryetéke hendive, mayma pehayhúva guive ichupe; tapenerenyhẽke vy’águi hendive, mayma ojahe’omava’ekue hese;

Isaías 66:14

Peẽ pehecháta ha pendepy’a horýta; pende kanguekuéra hoky jevýta kapi’ícha ha pende Ruete pu’aka ojehechaukáta hembiguaikuéra ndive g̃uarã, ha ipochy opytáta hese ija’e’ỹva ndive g̃uarãnte.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Matéo 1:20

Ha Jose ojepy’amongeta jave pévare, peteĩ ángel ou iképe ha he’i ichupe: Jose, David ra’y, aníke repoi ne rembirekórãgui, upe oĩva ipype ou Pytu Porãmbáva pu’aka rupi.

Matéo 22:2

Ñanderuete retãguasu ojoguaite peteĩ tetã ruvichaguasúpe ojapóva vy’aguasu ita’ýra omenda ramoguare.

Lúcas 12:36

peiko katu yvy ári umi oha’ãrõvaicha Ijárape ou jey hag̃ua imendahápe, ha Ha’e ombotávo pende róga rokẽre peẽ peipe’a pya’e hag̃ua ichupe.

Juan 3:29

Pe hembirekorãva, péva pe menarã; pe ohayhúva pe menarãme omoirũ ichupe ha ovy’a ohendu guive iñe’ẽ, ha pe vy’a péva che ahupitýma ko’ág̃a.

2 Corintoyguakuérape 11:2

Cherakate’ỹ ningo penderehe Ñanderuete rakate’ỹ reheve, che pomomenda peteĩ kuñataĩ imarã’ỹvaicha peteĩ ména rehe año: Hesu Crísto rehe.

Efesoyguakuérape 5:23

Pe ména ningo hembireko akã, Hesu Crísto ijiglésia akã ramoguáicha, Ha’e osalvágui hetépe (ijiglésiape).

Efesoyguakuérape 5:32

Ko ñemimby mba’eguasu chéverõ g̃uarã oñe’ẽ Hesu Crísto ha ijiglésia rehe.

Deuteronómio 32:43

Tetãnguéra, perohorýke Israélpe, Ñanderuete omyengoviáta hembiguái ruguykue rehe, Ha’e ohepyme’ẽta hese ija’e’ỹvakuérape, ha omoĩ porã jevýta Israel retã ijyvyteépe.

Filipoyguakuérape 3:3

Ñande ningo umi oñekytĩ’óva añetehápe, ñande jajeroviágui Ñanderuete Pytu Porãite rupi ha ñamomba’eguasúgui Hesu Crísto rembiapo porã ikurusureguare, ha ndajajeroviái kuimba’e rete rembiapóre, ojejapóva kuimba’e rete apérente.

Apocalípsis 11:13

Ha upejave oiko yvyryryiguasu, ha pe óga atyguasu apytégui cáda óga 10-ha ho’a ha 7.000 hetãygua omano, ambuekuéra ohecháva guive umi mba’e oñemondyiete, ha omomba’eguasu Ñanderuete yvága peguápe.

Apocalípsis 19:9

Ha pe yvága rembiguái he’i chéve: Ehai: Ovy’aite umi oñehenóiva (oñeconvidáva), pe Ovechara’y menda karuguasúpe (céna del Señor) g̃uarã. Ha ha’e he’ive chéve: Ko’ã Ñanderuete ñe’ẽ ningo añete ha katuete oikopáta.

Apocalípsis 21:2

Ha pe táva Ñanderuete omboykéva, pe Jerusalen pyahu, ahecha oguejy yvágagui, oñembosako’íva tembirekorã ojeguávaicha imenarãme g̃uarãicha.

Apocalípsis 21:9

Ha ou che rendápe peteĩ yvága rembiguái umi 7 ángel apytégui, ipopekuéra oĩva’ekue umi 7 ña’ẽmbe henyhẽva umi 7 plága pahaguiguáva ha he’i chéve: Eju ahechaukáta ndéve pe tembirekorã, pe Ovechara’y rembireko.

1 Samuel 2:1

Ána oñembo’e ha he’i: Che py’a hory nderupi ore Ruete, che pu’aka okakuaa tuicha nderupi, che Jára; che juru rupi amyasãi cherehe ija’e’ỹvape, che py’a hory nde chepytyvõ porã haguére.