Apocalípsis 19:5

Ñanderuete Ñe’ẽ Porã 2015

Ha pe guapyha guasúguio oñehendu peteĩ ñe’ẽpu he’íva: Pemomba’eguasu Ñanderuetépe, opaite hembiguaikuéra pekyhyjéva guive ichugui, michĩva ha tuicháva.

Referencias Cruzadas

Salmokuéra 115:13

Ha’e ohovasáta umi okyhyjéva guive ichugui, michĩva ha tuichávape.

Salmokuéra 134:1

Peñembosako’íke pemomba’eguasu hag̃ua Ñanderuetépe, peẽ mayma hembiguaikuéra, peẽ peiméva pyharekuépe Ñanderuete rógape.

Salmokuéra 135:1

Pemomba’eguasu Ñanderuete réra, peẽ hembiguaikuéra pemomba’eguasu ichupe.

Salmokuéra 150:6

Mayma oikovéva guive tomomba’eguasu Ñanderuetépe. Alelúia, pemomba’eguasu Ñanderuetépe.

Salmokuéra 22:23

Peẽ pekyhyjéva Ñanderuetégui, pemomba’eguasúke ichupe, pembotuichákena héra peẽ mayma Israel ñemoñarenguéra, ha peñemomirĩ henondépe, opaite peẽ Israel ñemoñarenguéra.

Apocalípsis 13:16

Ha opaite tetãyguakuérape ipo térã isyváre omoĩuka peteĩ márca, taha’e michĩva térã tuicháva, mba’eita rerekoha térã mboriahu, tembiguái térã tembiguai’ỹva.

Apocalípsis 16:17

Ha pe yvága rembiguái 7-ha oñohẽvo iña’ẽmbe yvytu rehe osẽ ñe’ẽpu Ñanderuete rogaguasu guapyhaguasúgui he’íva: Oikopáma.

Apocalípsis 19:18

pe’u hag̃ua tetã ruvichakuéra ro’o, soldádo aty ruvicha ro’o, imbaretéva ro’o, kavaju ro’o ha hi’ariguakuéra ro’o, tembiguái ha tembiguai’ỹ ro’o, michĩva ha tuicháva ro’o.

Apocalípsis 20:12

Upéi ahecha umi omanomava’ekuépe, tuicháva ha michĩvape, oñembo’y hikuái pe guapyhaguasu renondépe, ha ojepe’a umi kuatiañe’ẽ, ojepe’a avei ambue kuatiañe’ẽ, kóva pe tekovete reheguáva, oñembojovake hag̃ua hembiapokuéra rehe, ojehai háicha umi kuatiañe’ẽme.

Apocalípsis 7:15

Upévare ningo oĩ hikuái Ñanderuete guapyhaguasu renondépe, oservi hag̃ua ichupe ára ha pyharépe hogaguasúpe, ha pe Oguapýva guapyhaguasúpe oñangareko hesekuéra.