Apocalípsis 19:4

Ñanderuete Ñe’ẽ Porã 2015

Upéramo umi 24 karai ancianokuéra ha umi irundy tekove ojeity ovapývo omomba’eguasu hag̃ua Ñanderuetépe, oguapýva iguapyhaguasúpe, ha he’i hikuái: Amen, alelúia.

Referencias Cruzadas

1 Crónicas 16:36

Toñemomba’eguasu Ñanderuete, Israel Jára, ára atyguasu guive ára atyguasurã meve. Ha opaite tetãnguéra te’i: Taupéicha, toñemomba’eguasu Ñanderuetépe.

Nehemías 5:13

Upéi che aityvyro che ao, ha ha’e ichupekuéra: Péicha Ñanderuete toityvyro hógagui ha imba’apohágui opaite kuimba’ekuéra ko’ã mba’e ndojaposéivape, ha péicha tojetyvyro ichupe ha tainandi ha’e. Ha opavave ijatýva guive ombohovái: Taupéicha, ha omomba’eguasuete hikuái Ñanderuetépe. Ha opaite tetãyguakuéra ojapopa hekópe he’i hagueichaite.

Nehemías 8:6

Upéramo Ésdras omomba’eguasu Ñanderuete, Ijára tuichaitévape. Ha opaite hetãyguakuéra ombohovái: Taupéicha, taupéicha, (amen, amen) omopu’ãvo ipokuéra; ha oñemomirĩete hikuái ha omomba’eguasu hikuái Ñanderuetépe oñakãity joávo yvy peve.

Salmokuéra 104:35

Toñehundipa umi tekove ñaña oikóva guive ko yvy apére ha tomanomba umi heko vaíva. Nde, che ánga, emomba’eguasu Ñanderuetépe. Alelúia (hebréo ñe’ẽme he’ise: pemomba’eguasu Ñanderuetépe).

Salmokuéra 106:48

Toñemomba’eguasu Ñanderuete, Israel Járape, peteĩ ára atyguasu guive ambue ára atyguasu peve, ha mayma tetã te’i joaite: Taupéicha, amen, alelúia.

Salmokuéra 41:13

Toñemomba’eguasu ore Ruete, Israel Járape, ára atyguasu guive ára atyguasu peve, amen (taupéicha).

Salmokuéra 72:19

Upévare toñemomba’eguasu héra opaite árape, ha yvy tuichakue tahenyhẽ heko jajaipágui. Taupéicha, taupeichaite.

Salmokuéra 89:52

Toñemomba’eguasu tapia g̃uarã Ñanderuetépe. Taupéicha, taupéichakena (Amen).

Jeremías 28:6

Ha pe proféta Jeremías he’i: Taupéicha, péicha tojapo Ñanderuete. Ñanderuete tomoañete ne ñe’ẽ, nde remomaranduva’ekue ha ere: Hogaguasu rembiporu ha umi tetãygua ojeguerahava’ekue guive oupa jevýta Babilóniagui ko táva kóvape.

Matéo 28:20

Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).

Matéo 6:13

Ha ani reheja rojepy’ara’ã, orepe’a uvei mba’evaígui (añágui).

1 Corintoyguakuérape 14:16

Ne ñembo’épe remomba’eguasu ramo Ñanderuetépe nde pytu porãmante, mba’eichaitépa upérõ nde rapicha nerendúva ha ndoikuaáiva upe mba’e nde eréva, ikatu he’i: Amen (taupéicha).

Apocalípsis 15:7

Ha peteĩ umi irundy tekove (apytégui) ome’ẽ umi 7 yvága rembiguáipe 7 ña’ẽmbe oroguiguáva, henyhẽva Ñanderuete pochýgui, Ha’e ningo pe oikovéva ára atyguasu guive umi ára atyguasurãme g̃uarã.

Apocalípsis 19:1

Ko’ã mba’e rire ahendu tetãygua atyguasurõguáicha yvágape he’íva: Alelúia (pemomba’eguasu), pe salvacion reko jajái ha pu’aka oúva Ñanderuetégui.

Apocalípsis 19:3

Ha he’i jevy: Alelúia. Ha pe kuña vai ratatĩngue ojupi ára atyguasukuéra guive umi ára atyguasurã meve.

Apocalípsis 19:6

Upérõ ahendu tetãygua atyguasu ñe’ẽpúicha, ku yguasu ryapúicha ha arasunu mbarete ryapúicha, he’íva: Alelúia! Oisãmbyhýma Ñandejára, Ñanderuete, pe Ipu’akapáva.

Apocalípsis 5:14

Ha umi irundy tekove he’i: Amen (taupéicha). Ha umi 24 karai anciáno ojeity omomba’eguasu hag̃ua Ñanderuetépe, pe Oikovéva tapia g̃uarã renondépe.