Apocalípsis 19:2

Ñanderuete Ñe’ẽ Porã 2015

Ha’émante ombojovake hekoitépe ha añetehápe. Ha’e voi ombojovakeva’ekue upe kuña reko vaípe, ombyaiva’ekue ko yvy heko ky’a rupi. Ñanderuete omyengovia hembiapo vai, ipo rupi oñohẽva’ekue Ñanderuete rembiguaikuéra ruguy.

Referencias Cruzadas

2 Réyes 9:7

Reikutúta opaite nde jára Acab rogayguápe, Che añevenga hag̃ua che rembiguái profetakuéra ruguykue rehe, opaite ambue che rembiguái ruguykue rehe, Jezabel po oñohẽmava’ekue.

Salmokuéra 19:9

Pe kyhyje Ñanderuetégui ipotĩ, ha péva oikóta opaite ára peve g̃uarã, Ñanderuete ombojovake hekoitépe, hendive ndaipóri jejavy.

Isaías 25:1

Ore Ruete, Nde, che Jára: Che amomba’eguasúta ha amboetéta nde réra, rejapo haguére tembiapo ndetuicháva; ymaite guive Nde rehekombo’e hekoitépe ha añetehápe.

Daniel 7:26

Uperire oguapýta umi mbojovakehára oipe’a hag̃ua ichugui ipu’aka ha ohundíta avei ichupe.

Deuteronómio 32:35

Che ahepyme’ẽ (avenga) ha amyengovia tetãyguakuéra rembiapokue rehe; hi’araitépe ipysyrýiva’erã, hi’ag̃uíma ijepy’apy ára, ha umi mba’e oñembosako’íva ichupe g̃uarã og̃uahẽmbotáma.

Deuteronómio 32:4

Ha’e ningo pe Itaguasu (Salvador), hembiapo iporãiterei, mayma hapekuéra hekoite peguáva; Ñanderuete ndive oĩ añetegua meme ha ipype noĩri mba’eveichagua aña reko, Ha’e heko porã ha ombojovake hekoitépe.

Deuteronómio 32:43

Tetãnguéra, perohorýke Israélpe, Ñanderuete omyengoviáta hembiguái ruguykue rehe, Ha’e ohepyme’ẽta hese ija’e’ỹvakuérape, ha omoĩ porã jevýta Israel retã ijyvyteépe.

Apocalípsis 15:3

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.

Apocalípsis 18:20

Pevy’áke, peẽ yvagakuéra, peẽ heko potĩva, peẽ apostolkuéra, peẽ proféta, Ñanderuete ombojovake haguére ko táva kóvape.

Apocalípsis 18:3

Opaite tetãnguéra oka’upa ivíno oporomboheko ky’ávape, tetã ruvichakuéra oiko upe kuña reko vai ndive, ha ñemuhára yvy pegua oñembopirapire heta hendive.

Apocalípsis 6:10

Ha ãva osapukái ñe’ẽpuguasúpe, ha he’i: Araka’e peve piko Nde, ore Jára heko porã ha añeteguáva reha’ãrõseve rembojovake ha remyengovia hag̃ua ore jukahára rembiapo vai, oikóva gueteri hikuái py’aguapýpe yvy apére.