Apocalípsis 18:9

Ñanderuete Ñe’ẽ Porã 2015

Ha umi tetã ruvicha, oikova’ekue pe kuña reko vai ndive ha okaru porãseva’ekue, hasẽta ha ojahe’o soróta hese, ohecha ramo hatatĩ rendy.

Referencias Cruzadas

Genesis 19:28

Ha oma’ẽ Sodóma, Gomórra ha iñunguéra rehe; ha péina pe tatatĩ opu’ã yvýgui tatakuaguasu ratatĩcha.

Salmokuéra 58:10

Ovy’aite pe heko potĩva ohechávo mba’éichapa Ñanderuete omyengovia iñañáva rembiapokue ha Ha’e voi ojepyhéita iñañáva ruguykuépe.

Isaías 13:19

Upéicha Babilónia, oikovahína tetãnguéra jeguaka ramo, ha Caldéa iverapy ramo, opytáta ku Sodóma ha Gomórraicha, Ñanderuete ohundipava’ekue.

Isaías 30:33

Aremíma oñembosako’i Asíria retã ruvichápe g̃uarã pe tenda’ípe ha hypýva ojehapy hag̃ua, ha oñembyatýma jepe’a aty ndetuicháva Ñanderuete omyendy hag̃ua ipytuhẽ hendýva ku fósforoicha.

Jeremías 50:40

Ko ñehundi ojogua pe ñehundi Ñanderuete ojapo haguéicha Sodóma, Gomórra ha ambue tavakuéra ijerekuévo oĩva’ekue rehe, upéicha ipype ndoikomo’ãvéi kuimba’e, ni mba’eveichagua yvyarigua ñemoñare jepe, he’i pende Ruete.

Jeremías 50:46

Babilónia ho’a vove ojesapukái hatã itereíta, pe yvy oryrýi peve, ha isapukái oñehendúta ambue tetãnguéra rupi jepeve.

Jeremías 51:8

Sapy’aitépe Babilónia ho’a ha oñepehe’ãmba, pejahe’o hese, pejapyhy pohã hyakuã porãva ijekutukuépe g̃uarã ha jahecha okueránepa.

Ezequiel 27:35

Mayma umi y rembe’y rupi oikóva ipy’andýi joáta ohechávo reñehundimaha, ha hetã ruvichakuéra oryryipáta kyhyjégui ha hovakuéra iñambuepáta.

Daniel 4:14

Ha péva osapukái hatã he’ívo: Peity pe yvyra, peikytĩ hakãnguéra, pehogue’o ha pemosarambi hi’akue, tokañymba umi mymba oĩva iguýpe ha guyrakuéra tovevepa hakãnguéragui.

Deuteronómio 29:23

ohechava’erã azúfre ha juky, ha pende yvy kaipapyre noñeñemitỹiva, ndahi’áiva ha nopu’ãiva ipype mba’eveichagua ka’avo ku ojehu haguéicha Sodóma ha Gomórra oñehundi ramoguare, upéicha ojehuva’ekue avei Adma ha Zeboim, umía Ñanderuete ohundiva’ekue ipochy rupi.

1 Timotéope 5:11

Emboyke katu umi kuña imenave’ỹva imitãvévape, ndojokoséiva hete ha heko rembipota ha oñemoĩ Ñanderuete rehe, omendaseitereígui,

Apocalípsis 14:11

Ha pe jehasa asyguasu ratatĩ ojupiva’erã ára atyguasu guive umi ára atyguasurãme ha umi omomba’eguasúva pe mymba ha ha’ãngápe ha opaite oguerekóva pe mymba réra márca ndopytu’umo’ãvéi ára ni pyharépe.

Apocalípsis 17:2

ha hendive oñemoangaipa tetã ruvichakuéra oikóva guive yvy ape ári, ha’e omonga’u yvy tetãyguakuérape ivíno heko vai reheguápe.

Apocalípsis 18:18

ha ohechávo pe tatatĩ ojupi ohóvo pe távagui he’i joa: Mba’eichagua táva piko ojoguára’e ko tavaguasu kóvape.

Apocalípsis 18:20

Pevy’áke, peẽ yvagakuéra, peẽ heko potĩva, peẽ apostolkuéra, peẽ proféta, Ñanderuete ombojovake haguére ko táva kóvape.

Apocalípsis 18:3

Opaite tetãnguéra oka’upa ivíno oporomboheko ky’ávape, tetã ruvichakuéra oiko upe kuña reko vai ndive, ha ñemuhára yvy pegua oñembopirapire heta hendive.

Apocalípsis 18:7

Ha’e oñembotuicha ha ha’enteséva, peichaite pembohasa asy ha peipy’apy ichupe, he’ígui ha’e ipy’apýpe: Che aiko’aína tetã ruvicha ramo, ha ndaikomo’ãi kuña imenave’ỹvaicha (viúdaicha) ha jahe’o nog̃uahẽmo’ãi che rendápe.

Apocalípsis 19:3

Ha he’i jevy: Alelúia. Ha pe kuña vai ratatĩngue ojupi ára atyguasukuéra guive umi ára atyguasurã meve.

Apocalípsis 2:22

Eikuaa porãke, Che aitýta ichupe tupápe ha ambohasa asyetéta ichupe ha avei umi oñemongy’ava’ekuépe hendive, opoi’ỹ ramo hembiapo vaígui.