Apocalípsis 18:6

Ñanderuete Ñe’ẽ Porã 2015

Pemyengovia ichupe, ha’e ome’ẽ haguéicha peẽme, pejapovai jo’a hese, pe váso ha’e ho’uka haguéicha ambuekuérape pe’uka jo’áke avei ichupe.

Referencias Cruzadas

Salmokuéra 137:8

Nde, Babilónia, nde tavaguasu oñehundíta avei, ovy’ava’erã upe omyengoviáva ne rembiapo vaikue orerehe.

Salmokuéra 28:4

Emyengovia hembiapo vaikue, ha tojehu jevy ichupekuéra ojapo hagueichaite.

Isaías 40:2

Peñe’ẽ Jerusalen py’apýpe ha sapukaipópe peje ichupe og̃uahẽma pe ára ijehasa asy opamaha ha hembiapo vaikue oñemyengoviapamaha ohupity haguére jehavira jo’a Ñanderuetégui, opaite hembiapo vai ojapova’ekue rehe.

Isaías 61:7

Pe ñemotĩ pehasava’ekue oñembojo’ava’erã peẽme vy’a jo’a rupi ha hi’ári oñeme’ẽ jo’áta peẽme pene mba’erepy pevy’a hag̃ua pene retãme opaite árape.

Jeremías 16:18

Che amyengovia jo’a raẽta ichupekuéra hembiapo vai rehe; omongy’apágui che yvy ambue jára ra’ãnga oikove’ỹva rupi, ha omyenyhẽ che retãpy tembiapo chembojeguarúvagui.

Jeremías 17:18

Toñemotĩ umi chemuña muñáva, ha anítei che añemotĩ; ha’ekuéra toñemondýi, ha ani chepy’andýi; egueru hi’arikuéra mba’evai, eipy’apy jo’a jo’a ichupekuéra.

Jeremías 50:15

Opáguio peguerosapukái ñorãirõ sapukái, pejévo: Oñembopoguýma Babilónia, ho’áma hóga yvatekuéra, ojeitýma itáva korapyjere, Ñanderuete omyengoviágui hembiapo vaikue. Pejehepyme’ẽke hese; pejapo hese ha’e ojapo haguéicha penderehe.

Jeremías 50:29

Peñemoĩmba Babilónia rehe, opaite umi oipysokuaáva iguyrapa opoi hag̃ua hu’ykuéra ani hag̃ua avave okañy ichugui; pehepyme’ẽ Babilóniape ha’e voi ojapo haguéicha, peichaite pejapo jevy hese; Babilónia oñemoĩgui Ñanderuetére, pe Heko porãitéva rehe.

Jeremías 51:24

Ko’ág̃a katu amyengoviáta pende resa renondépe opaite mba’evai Babilóniaygua ojapova’ekue ha mayma Caldeaygua rembiapo vai ojapova’ekue Siónpe, he’i pende Ruete.

Jeremías 51:49

Babilónia ho’ava’erã umi Israel retãygua rupi, ho’a haguéicha heta tetã Babilónia rupi.

Lamentaciónes 3:64

Nde, che Ruete, remyengoviáta ichupekuéra ipo rembiapo vaikue hekopete.

Zacarías 9:12

Pejevypa pende táva oñemombaretévape, peẽ peikóva jepokuapyhápe napeha’ãrõ reíri ko ára kóvape g̃uarã, pende jehasa asykue amyengovia jo’áta hetave jehovasápe (ñepytyvõme).

2 Timotéope 4:14

Alejándro, pe omba’apóva hiérro rehe, ojapo heta mba’evai cherehe, Ñanderuete omyengoviáta ichupe pe ojapo vaiva’ekue cherehe.

Apocalípsis 13:10

Upe oporomoingéva cárcelpe, oikeva’erã avei cárcelpe, ha upe oporojukáva, ojejukava’erã avei. Upejave umi heko potĩva oikotevẽ paciéncia ha jerovia mbarete rehe.

Apocalípsis 14:10

upéva ho’uva’erã avei Ñanderuete váso pochy rehegua víno iróva reheve, ha ojehe’a’ỹva mba’eve reheve, ombohasa asyete hag̃ua tata ha azúfrepe, umi yvága rembiguái heko porãva ha Ovechara’y renondépe.

Apocalípsis 16:19

Ha pe tavaguasu (Jerusalen) ningo oñemboja’o mbohapy hendápe ha tetãnguéra tavakuéra ho’apa. Ha Ñanderuete imandu’a Babilónia, pe tavaguasuete rehe ho’uka hag̃ua ichupe iváso pochy reheguáva.

Apocalípsis 17:2

ha hendive oñemoangaipa tetã ruvichakuéra oikóva guive yvy ape ári, ha’e omonga’u yvy tetãyguakuérape ivíno heko vai reheguápe.

Apocalípsis 17:4

Ha upe kuña péva oñemonde ao pytã hepývape ha ao hovy porãvape, ha ojegua óro, ita vera ha ambue ita hepývape, ipópe oguereko peteĩ váso oroguiguáva henyhẽva heko vai ha heko ky’águi.

Apocalípsis 18:20

Pevy’áke, peẽ yvagakuéra, peẽ heko potĩva, peẽ apostolkuéra, peẽ proféta, Ñanderuete ombojovake haguére ko táva kóvape.