Apocalípsis 18:2

Ñanderuete Ñe’ẽ Porã 2015

Ha’e osapukái ñe’ẽpu mbaretépe, he’ívo: Ho’áma, ho’áma Babilónia, pe tavaguasuete, ko’ág̃a oiko ichugui añanguéra róga, ha opaichagua pytu vai renda ha opaichagua guyra ky’a ha ojepota’ỹva raity.

Referencias Cruzadas

Isaías 14:23

Ha ajapóta ichugui kui’ĩ raity ha karugua (estéro vaiete); aitypeíta hese typycha ñehundívape, he’i pende Ruete, yvága atykuéra Jára.

Jeremías 25:30

Ha nde katu reprofetiza ichupekuéra ko ñe’ẽ kóva ha eréta ichupekuéra: Ñanderuete oñe’ẽta ára sunúicha yvate guive, hekoha potĩete guive; hatã oñe’ẽta hogaguasu rehe; umi parral’a rykue’oha purahéi ombohasáta mayma yvy ape arigua rehe.

Jeremías 51:37

Ha Babilóniagui oikóta tapere, jagua saite raity, ha ñeporomongyhyjeha ha toryjárõ, avave oiko’ỹ hag̃ua ipype.

Jeremías 51:8

Sapy’aitépe Babilónia ho’a ha oñepehe’ãmba, pejahe’o hese, pejapyhy pohã hyakuã porãva ijekutukuépe g̃uarã ha jahecha okueránepa.

Joel 3:16

Ñanderuete okororõta Sion guive, ha Jerusalen guive oñe’ẽ hatãta, ha oryryipáta yvága ha yvy, Ñanderuete katu omo’ã ha osalváta hetãme.

Sofonías 2:14

Hymbakuéra aty opytu’úta itavakuépe ha opaichagua mymba ñu rupigua oikóta ipype, pe tukã ypegua ha pe kui’ĩ oke joava’erã itaperekuépe, guyrakuéra opuraheiva’erã hovetãnguépe, yryvu oikóta hokẽnguéra oĩ haguépe ha umi tábla porãita ojepe’áta ikotykuéragui.

Apocalípsis 1:15

Ipy ojogua brónce porãme, oñembohykuva’ekue tatakuápe, ha iñe’ẽ katu ipu hatã ku yguasu ryapúicha.

Apocalípsis 10:3

ha’e osapukái ñe’ẽpuguasúpe leõ okororõvaicha, ha péicha osapukáivo umi 7 arasunu ombohasa iñe’ẽpu.

Apocalípsis 11:8

Hetekuekuéra ojehejáta ojepyso pe távaguasu cállepe, oñembohérava Pytu rehegua ñe’ẽme Sodóma térã Egípto, upépe oñemosãingova’ekue avei kurusúre Ijárape.

Apocalípsis 14:15

Upérõ ambue yvága rembiguái osẽ pe Ñanderuete rogaguasúgui, ha osapukái ñe’ẽpuguasúpe pe oguapývape arai ári ha he’i: Eju nde kyse ty’ãi reheve ha emono’õ pe kóga yvy pegua, hi’ajupaitémagui.

Apocalípsis 14:8

Ha ambue yvága rembiguái mokõiha og̃uahẽvo he’i: Ho’áma, ho’áma Babilónia ndetuicháva, omonga’uva’ekue opaite tetãnguérape ivíno heko pochy reheguápe.

Apocalípsis 16:13

Ha che, Juan, ahecha osẽha tejujagua jurúgui, upe mymba jurúgui ha upe mymba proféta jurúgui mbohapy pytu vai, ojoguáva kururúpe.

Apocalípsis 16:19

Ha pe tavaguasu (Jerusalen) ningo oñemboja’o mbohapy hendápe ha tetãnguéra tavakuéra ho’apa. Ha Ñanderuete imandu’a Babilónia, pe tavaguasuete rehe ho’uka hag̃ua ichupe iváso pochy reheguáva.

Apocalípsis 17:18

Ha upe kuña reko vai rehecháva ningo upéva ha’e pe tavaguasuete oisãmbyhýva tetãnguéra ruvichakuérape.

Apocalípsis 17:5

Ha isyváre ojehai: Mba’e ñemimby (secréto) Babilónia pe tavaguasuete, pe teko vai ha teko ky’a sy.

Apocalípsis 18:10

Oñemomombyry hikuái ichugui okyhyjégui ijehavirágui ohupitýrõ g̃uarã avei ichupekuéra, ha he’i joa: Angái, angái, pe tavaguasuete, pe Babilónia tuichaitéva, peteĩ hórape reñehundi.

Apocalípsis 18:21

Ha peteĩ yvága rembiguái mbarete ohupi peteĩ itaguasu, ita molíno reheguávaicha, ha oity yguasúpe, he’ívo: Peichaite, mbaretepópe, oñemombóta Babilónia, pe tavaguasuete, ha mamove ndojejohumo’ãvéima.

Apocalípsis 5:2

Ha ahecha peteĩ yvága rembiguái imbaretéva hatã oporandu: Mávapepa ija oipe’a hag̃ua ko kuatiañe’ẽ kóva ha ojora hag̃ua umi 7 ta’ãnga jopyha.