Apocalípsis 17:5

Ñanderuete Ñe’ẽ Porã 2015

Ha isyváre ojehai: Mba’e ñemimby (secréto) Babilónia pe tavaguasuete, pe teko vai ha teko ky’a sy.

Referencias Cruzadas

Isaías 3:9

Hova atã oñe’ẽ hesekuéra, Sodóma peguáicha omyasãi hembiapo vai, noñomivéima mba’eve. Angái, angái hi’angakuéra, omono’õ no’õgui ijupe g̃uarã mba’evai.

Ezequiel 16:35

Upévare nde, kuña heko vaíva, ehendúke pende Ruete ñe’ẽ,

Filipoyguakuérape 3:19

Ipahápe katuete ha’ekuéra oñehundiva’erã, hye ningo ijára, ha’ekuéra oñembotuicha ramojepe, oiko ñemotĩme, ha’ekuéra opensánte umi mba’e yvy arigua rehe.

2 Tesalonicayguakuérape 2:7

Upe mba’evai ñemi oñemoĩva opaichagua tembiapoukapy rehe omba’apomahína, upe ojokóva (ichupe) katu ojepe’a mbarete raẽva’erã imbytégui.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 11:8

Hetekuekuéra ojehejáta ojepyso pe távaguasu cállepe, oñembohérava Pytu rehegua ñe’ẽme Sodóma térã Egípto, upépe oñemosãingova’ekue avei kurusúre Ijárape.

Apocalípsis 14:8

Ha ambue yvága rembiguái mokõiha og̃uahẽvo he’i: Ho’áma, ho’áma Babilónia ndetuicháva, omonga’uva’ekue opaite tetãnguérape ivíno heko pochy reheguápe.

Apocalípsis 16:19

Ha pe tavaguasu (Jerusalen) ningo oñemboja’o mbohapy hendápe ha tetãnguéra tavakuéra ho’apa. Ha Ñanderuete imandu’a Babilónia, pe tavaguasuete rehe ho’uka hag̃ua ichupe iváso pochy reheguáva.

Apocalípsis 17:1

Ha peteĩ umi 7 yvága rembiguái oguerekóva umi 7 ña’ẽmbe ou che rendápe ha he’i: Eju, ahechaukáta ndéve pe kuña reko vai oñembojovakétavape, oisãmbyhýva iguapyhaguasúgui, oñemohendáva yeta rembe’ýpe,

Apocalípsis 17:2

ha hendive oñemoangaipa tetã ruvichakuéra oikóva guive yvy ape ári, ha’e omonga’u yvy tetãyguakuérape ivíno heko vai reheguápe.

Apocalípsis 17:7

Ha pe yvága rembiguái oporandu chéve: Mba’érehepa nepy’andýi repytávo. Che voi ningo amombe’úta ndéve upe kuña reko vai ha upe mymba mba’e ñemimbýgui. Kuña oguapýva pe mymba ári, ha upe mymba oguerekóva 7 akã ha 10 hatĩ.

Apocalípsis 18:2

Ha’e osapukái ñe’ẽpu mbaretépe, he’ívo: Ho’áma, ho’áma Babilónia, pe tavaguasuete, ko’ág̃a oiko ichugui añanguéra róga, ha opaichagua pytu vai renda ha opaichagua guyra ky’a ha ojepota’ỹva raity.

Apocalípsis 18:21

Ha peteĩ yvága rembiguái mbarete ohupi peteĩ itaguasu, ita molíno reheguávaicha, ha oity yguasúpe, he’ívo: Peichaite, mbaretepópe, oñemombóta Babilónia, pe tavaguasuete, ha mamove ndojejohumo’ãvéima.

Apocalípsis 19:2

Ha’émante ombojovake hekoitépe ha añetehápe. Ha’e voi ombojovakeva’ekue upe kuña reko vaípe, ombyaiva’ekue ko yvy heko ky’a rupi. Ñanderuete omyengovia hembiapo vai, ipo rupi oñohẽva’ekue Ñanderuete rembiguaikuéra ruguy.

Apocalípsis 7:3

ha ha’e he’i ichupekuéra: Anítei pejapovai yvy térã yguasu térã yvyra rakã rehe, ñamota’ãngapa (ñamarca) peve Ñanderuete rembiguaikuéra isyva rehe.