Apocalípsis 17:4

Ñanderuete Ñe’ẽ Porã 2015

Ha upe kuña péva oñemonde ao pytã hepývape ha ao hovy porãvape, ha ojegua óro, ita vera ha ambue ita hepývape, ipópe oguereko peteĩ váso oroguiguáva henyhẽva heko vai ha heko ky’águi.

Referencias Cruzadas

1 Réyes 14:24

Ha oĩ avei Sodomaygua rembiapo vaiete Israel retãme ha ojapo hikuái opaichagua tembiapo ahẽva ambue tetãnguéra ojapo háicha, umi tetã umía Ñanderuete ohundiva’ekue Israelguakuéra renondégui.

2 Réyes 21:2

Ha ojapo mba’evai Ñanderuete resa renondépe; oiko teko añáme, oiko haguéicha umi tetã Ñanderuete omosẽva’ekue Israel ñemoñare renonderãgui.

Ésdras 9:11

Nde voi ereva’ekue oréve ne rembiguái profetakuéra rupi: Pe yvy mamo peikehápe peñemomba’e hag̃ua hese; umi tetã oikova’ekue ko yvy kóvape oñemongy’apa, omyenyhẽ ko yvy kóvape heko vaietereígui nórte guive sur peve.

Isaías 66:3

Heta yvyariguápe g̃uarã peteĩchante oikuave’ẽ ramo peteĩ tóro térã ojuka ramo hapichápe, oikuave’ẽ ramo peteĩ ovecha térã omopẽ ramo jagua ajúra, oikuave’ẽ ramo tembi’u térã kure ruguykue, ohapy ramo mba’e ryakuã porã térã omomba’eguasu ramo jára gua’u ra’ãngápe. Ha’ekuéra voi oiporavo hapekuéra, ha hi’angapýpe ohayhu voi ko’ã mba’evai.

Jeremías 51:7

Babilónia oiko Ñanderuete pópe, peteĩ váso oroguiguáva ramo omonga’uva’ekue opaite tetãnguérape; tetãnguéra ho’u ivíno; upévagui itarovapa hikuái.

Lamentaciónes 1:9

Heko ky’a oja isái rehe, ha ndoikeiva’ekue iñakãme mba’épa ikatu ojehu henonderãme, péicharupi ha’e ho’a oimo’ã’ỹ hag̃uáicha, ha ndaipóri omoangapyhýva ichupe. Ema’ẽmína, Nde, che Ruete, che jepy’apy rehe, cherehe ija’e’ỹva oñembotuichaitereígui.

Ezequiel 20:30

Upévare ere Israel retãme: Péicha he’i pende Ruete, mba’érehepa peñemongy’a pende ypykuéraicha, ha pejapo jevy avei hembiapo vaikuerakue.

Ezequiel 24:11

Uperire emboguapy pe japepo nandi pe tatapỹi ári, ha upépe ta’ipytã ha tokái, ha tahyku ichugui iky’akue, ha to’a ichugui iky’akue.

Ezequiel 24:13

Nde reko ky’a rupi reñehundíta, añeha’ãgui romopotĩ hag̃ua, ha nde nereñemopotĩséi nde reko ky’águi; upévare araka’evéma nereñemopotĩmo’ãvéi, ambogue peve che pochy nderehe.

Ezequiel 28:13

Reikova’ekue Edénpe, Ñanderuete ka’avotýpe, reñemondeva’ekue opaichagua ita vera hepývape: Ita vera pytã (rubi), itajuve (topácio), itatĩverasakã hovy kangy (jáspe), ita vera hovy ha sa’yju (crisólito), itaparasaky (berílo), ita vera morotĩ hũ (ónice), ita vera hovyũ (zafíro), ita vera pytãvy (carbúnclo), ita vera hovy (esmerálda) ha óro porãvévagui ojejapopa ne mba’e pu pararãnguéra ha ne mimbykuéra, ko’ãva oñembosako’íra’e ndéve reje’apo ypyha árape.

Ezequiel 36:25

Ahypýita pendeári y potĩ porãitéva penepotĩ hag̃ua opaite pende reko vaikuégui; ha Che pomopotĩta mayma pende jára gua’úgui.

Daniel 11:38

Hendaguépe ha’e oñepyrũta omomba’eguasu pe táva oñemombaretéva jára, peteĩ jára ituvakuéra ndoikuaaiva’ekue. Ha’e omomba’eguasúta ijára pyahúpe, óro ha pláta, ita vera ha mba’erepy reheve.

Oséas 9:10

Yma Che ajohu Israélpe ku parral’áicha ojejohúva desiértope ha ku higo’a tenondevévaicha ombovy’áva upe ojohúvape. Og̃uahẽ rire katu pende rukuéra Baal-peórpe, oñemomombyry hikuái chehegui ha oñeme’ẽ Baálpe ha hembiapo ky’ápe ijára pyahu iky’a háicha.

Deuteronómio 29:17

ha pehechákuri umi mba’evai ombopy’aróva Ñanderuetépe: Jára ra’ãngakuéra yvyra ha itágui, pláta ha órogui ojejapova’ekue, ha mba’éichapa omomba’eguasu hikuái umíape.

Apocalípsis 14:8

Ha ambue yvága rembiguái mokõiha og̃uahẽvo he’i: Ho’áma, ho’áma Babilónia ndetuicháva, omonga’uva’ekue opaite tetãnguérape ivíno heko pochy reheguápe.

Apocalípsis 18:12

Óro, pláta, ita vera, ambue ita hepýva (pérla), aorã linoguiguáva, séda, aorã pytã asýva, yvyra hyakuã porãva, opaichagua tembiporu ojejapova’ekue elefánte ratĩnguégui ha yvyra hepyetévagui, brónce, hiérro ha itatĩ (mármol),

Apocalípsis 18:16

Angái, angái, pe tavaguasu oñemondémiva ao hepývape, ao pytã ha pytã asývape, ha ojeguáva ningo óro, ita vera ha ambue jeguaka hepývape.

Apocalípsis 19:2

Ha’émante ombojovake hekoitépe ha añetehápe. Ha’e voi ombojovakeva’ekue upe kuña reko vaípe, ombyaiva’ekue ko yvy heko ky’a rupi. Ñanderuete omyengovia hembiapo vai, ipo rupi oñohẽva’ekue Ñanderuete rembiguaikuéra ruguy.

Apocalípsis 21:21

Ha umi 12 táva rokẽguasu ojejapo ita vera hepyetévagui (itakytãtĩ, pérla), peteĩteĩ okẽguasu ogueraha peteĩ ita vera hepyetéva. Ha pe tavaguasu cálle ojejapo órogui, vídrio hepyete resakãicha.

Apocalípsis 9:21

Noñembyasýi oporojuka haguére, ni ombopaje haguére, ni oñemboheko vai haguére ambue kuña ndive, ni omonda haguére ha ndojevyséi Ñanderuete rendápe.