Apocalípsis 16:8

Ñanderuete Ñe’ẽ Porã 2015

Ha pe yvága rembiguái irundyha oñohẽvo iña’ẽmbe kuarahy ári, pe kuarahy rata ohapy tetãyguakuérape.

Referencias Cruzadas

Isaías 24:23

Pe jasy ha pe kuarahy otĩta yvága atykuéra Járagui, ou vove Ha’e oiko hag̃ua tetã ruvichaguasu ramo Sion cérrope ha Jerusalénpe. Upérõ Ha’e oisãmbyhýta ha umi karai ancianokuéra ohecháta heko jajaipa.

Jonas 4:8

ha ojehu osẽvo kuarahy, Ñanderuete ombou peteĩ yvytu hakúva oipejúva kuarahyresẽguio, ha Jonáspe ojope rasy kuarahy iñakãme ha ombopy’amano ichupe, ha’e ningo omanoseiterei ha he’i: Iporãve chéve amano aikove rãngue.

Matéo 13:6

ha osẽvo pe kuarahy okaipa, ha ndahapo pukúigui ipirupa.

Lúcas 21:25

Upérõ ojehechava’erã techaukaha (señal) kuarahy, jasy ha jasytata rehe, ha yvy apére oñemyasãita ohóvo kyhyjeguasu tetãnguéra apytépe pe yguasu ipochyetégui ha umi yapenúgui ijyvate.

Apostolkuéra 2:20

pe kuarahy oñemoambuéta iñypytũmba peve, ha jasýgui oikóta tuguy, ko’ã mba’e oikóta Hesu Crísto ára ojajaipáva og̃uahẽ mboyve.

Apocalípsis 14:18

Ha ambue yvága rembiguái osẽ pe kuave’ẽmby renda ypýgui, oñangarekóva tata rehe, ha osapukái pe oguerekóvape pe kyse puku hãimbéva ipópe ha he’i ichupe: Eikytĩ ha emono’õ parral’akuéra oĩva yvy apére, hi’ajupáma ningo.

Apocalípsis 6:12

Ha ahechávo ojepe’aha pe ta’ãnga jopyha 6-ha oiko peteĩ yvyryrýi ndetuicháva, ha pe kuarahy oñemohũmbaite pyhare pytéicha, ha pe jasy oñemopytã tuguýicha.

Apocalípsis 7:16

Naiñembyahyimo’ãvéima, ndaijy’uheimo’ãvéima, pe kuarahy ndohapymo’ãvéima ichupekuéra ha noñandumo’ãvéima mbyry’ái.

Apocalípsis 8:12

Ha pe yvága rembiguái irundyha ombopúvo ituru pe kuarahy párte mbohapyha ha pe jasy párte mbohapyha ha umi jasytata párte mbohapyha iñypytũmba ha ndohesapevéi pe ára, ha upéicha avei pe pyhare párte mbohapyha.

Apocalípsis 9:2

Ha ha’e oipe’ávo pe yvykua pypukuete (yvypore’ỹ) rokẽ ojupi tatatĩ ha omoypytũmba pe kuarahy ha pe ára.