Apocalípsis 16:1

Ñanderuete Ñe’ẽ Porã 2015

Ha ahendu ñe’ẽpuguasu osẽva Ñanderuete rogaguasúgui oñe’ẽva umi 7 yvága rembiguáipe ha he’i: Tapeho ha peñohẽ yvy ári umi 7 ña’ẽmbe henyhẽva Ñanderuete pochýgui.

Referencias Cruzadas

Salmokuéra 79:6

Eñohẽ nde pochy umi tetã ndekuaa’ỹva ári, ha nde réra ohenoi’ỹva ári.

Jeremías 10:25

Eñohẽ nde pochy umi tetã ndekuaa’ỹva ári, ha umi tetã ári ohenoi’ỹva nde réra, ha’ekuéra ombyai haguére Jacóbope oñehundi ha omonandi peve ijyvy.

Ezequiel 10:2

Ha Ñanderuete oñe’ẽ pe kuimba’épe oñemondéva ao linoguiguápe, ha he’i ichupe: Eike umi ruéda mbytépe, umi querubin guýpe; ha emyenyhẽ nde po tatapỹi hendývagui umi querubin apytégui, ha emyasãi Jerusalen ári. Ha ha’e oike che resa renondépe.

Ezequiel 22:31

Upévagui añohẽ hi’arikuéra che pochy; che pochýpe ahundi ichupekuéra; amyengovia hembiapo vai ha aity iñakã ári jehavira, he’i pende Ruete.

Sofonías 3:8

Upévare, pende Ruete he’i: Peha’ãrõnte apu’ãha ára peve pombojovake hag̃ua, Che ningo ha’éma ambyatypataha tetãnguérape, ha tetã atyguasukuéra ári añohẽta che pochy, añohẽmbaitéta che pochy, ahundipáta ko yvy che ratápe.

Apocalípsis 11:19

Ha ojepe’a Ñanderuete rogaguasu oĩva yvágape ha ojehecha pe karameg̃ua, péva rupi ojehechauka Ñanderuete oñembopy’apeteĩ hague Israel retã ndive, ha oiko aratiri, ñe’ẽpu, arasunu, yvyryrýi ha amandauguasu.

Apocalípsis 14:15

Upérõ ambue yvága rembiguái osẽ pe Ñanderuete rogaguasúgui, ha osapukái ñe’ẽpuguasúpe pe oguapývape arai ári ha he’i: Eju nde kyse ty’ãi reheve ha emono’õ pe kóga yvy pegua, hi’ajupaitémagui.

Apocalípsis 14:18

Ha ambue yvága rembiguái osẽ pe kuave’ẽmby renda ypýgui, oñangarekóva tata rehe, ha osapukái pe oguerekóvape pe kyse puku hãimbéva ipópe ha he’i ichupe: Eikytĩ ha emono’õ parral’akuéra oĩva yvy apére, hi’ajupáma ningo.

Apocalípsis 15:1

Ha che, Juan, ahecha ambue techaukaha (señal) ndetuicháva ára rehe: 7 yvága rembiguái ogueraháva umi 7 plága paha, ha umíva oikopa rire opa avei Ñanderuete pochy.

Apocalípsis 16:17

Ha pe yvága rembiguái 7-ha oñohẽvo iña’ẽmbe yvytu rehe osẽ ñe’ẽpu Ñanderuete rogaguasu guapyhaguasúgui he’íva: Oikopáma.

1 Samuel 15:18

Ñanderuete nemondo jokuaipy reheve he’ívo: Tereho, ehundi Amalec angaipavorakuérape ha ejeity hi’ári rehundipaite peve.

1 Samuel 15:3

Tereho katu ha ehundi Amalécpe, ha ejukapa oikovéva guive, ani reiporiahuverekótei; ejuka kuimba’ekuéra, kuñakuéra, mitãkuéra ha okambúvape jepe, ha avei ivaka, ijovecha, icaméllo ha iburrokuérape.