Apocalípsis 15:4

Ñanderuete Ñe’ẽ Porã 2015

Máva piko ndokyhyjemo’ãi ndehegui ha nanemomba’eguasumo’ãi. Nde añómante ningo nde reko porãite, upévare opaite tetãnguéra oúta nemomba’eguasu hag̃ua ojehechauka haguére Nde rembojovake porã ha hekoitépe.

Referencias Cruzadas

Salmokuéra 105:7

Ha’ehína Ñanderuete, Ñandejára, Ha’e ombojovake opaite kuimba’e ha kuñakuérape oĩva guive ko yvy apére.

Salmokuéra 111:9

Tekove añeteguáva ombouva’ekue hetãme, opaite ára peve omoĩva’ekue iñe’ẽme’ẽ, Ñanderuete réra porãite ha jakyhyjeva’erã ichugui.

Salmokuéra 22:23

Peẽ pekyhyjéva Ñanderuetégui, pemomba’eguasúke ichupe, pembotuichákena héra peẽ mayma Israel ñemoñarenguéra, ha peñemomirĩ henondépe, opaite peẽ Israel ñemoñarenguéra.

Salmokuéra 22:27

Oikovéva guive imandu’a joáta ha oupa jevýta Ñanderuete rendápe ha opaite tetãnguéra yvy paha guive oúta omomba’eguasu hag̃ua ichupe.

Salmokuéra 22:3

Nde reko porãite ningo, ne rendápe Israelguakuéra omog̃uahẽ ipuraheikuéra nembotuicha hag̃ua.

Salmokuéra 86:9

Opaite tetã ne rembiapokue voi ha oupava’erã oñesũ ha omomba’eguasu hag̃ua nde réra porãite.

Salmokuéra 89:7

Ojekyhyje Ñanderuetégui heko potĩva apytépe, ituichaiterei ningo ipu’aka opaite ijerekue rehe oĩva guive.

Salmokuéra 97:8

Jerusalen ohendúta vy’apópe ko’ã mba’e ha Juda tavakuéra nemomba’eguasúta; Nde, ore Ruete, ipy’a rory joa hikuái Nde rembojovake haguére hekoitépe.

Salmokuéra 99:5

Pemboyvatéke Ñanderuete, Ñandejárape, ha peñesũ joáke iguapyhaguasu renondépe, Ha’e heko porãitégui.

Salmokuéra 99:9

Pemomba’eguasúke Ñanderuete, Ñandejárape, ha peñesũ icérro porãme, Ñanderuete heko porãitégui.

Isaías 24:15

Upévare pemomba’eguasu Ñanderuetépe umi tetã kuarahyresẽme ha umi tetã yguasu rembe’ýpe peikóva guive, pehenói Ñanderuete, Israel Jára rérape.

Isaías 25:3

Upévare peteĩ tetã tuicháva nemomba’eguasúta ha umi táva tuichaitéva okyhyjéta ndehegui,

Isaías 26:9

Che py’aite guive roheka pyharekuépe, ha che pytu porã chepype oĩva oikose nendive, upévare apu’ã ko’ẽ mboyve aiko hag̃ua nendive; yvyariguakuéra ohendúva guive ne rembiapoukapy oikuaa voi mba’éichapa oiko porã hag̃ua oñondive.

Isaías 45:23

Chejehénte añe’ẽme’ẽkuaa, che jurúgui osẽ ñe’ẽ hekoite peguáva ha ndopa reimo’ãi araka’eve; Che renondépe oñesũta opaite yvyariguakuéra ha mayma juru chemomba’eguasúta.

Isaías 57:15

Péicha he’i pe Ijyvatetéva, pe oisãmbyhypáva tapia g̃uarã iguapyhágui ha hérava Heko porãitéva: Che aisãmbyhy ijyvatehágui ha aiko ikane’õva ha ojepy’apýva ndive, amokyre’ỹ jevy hag̃ua umi ikane’õva ha oñemomirĩvape.

Isaías 6:3

Ha osapukái joa hikuái ojopekuéra: Heko porã, heko porã, heko porã, ñande yvága atykuéra Jára; pe yvy tuichakue oñemyenyhẽ heko jajaipágui.

Isaías 60:5

Upevove rehechapáta, ha remimbíta ha nde py’a otytýita revy’aitereígui, ne rendápe og̃uahẽta hetaiterei yguasu rupigua, ha tetãnguéra mba’erepyeta ojeguerúta ne rendápe.

Jeremías 10:7

Mávapa ndokyhyjeichéne ndehegui, Nde voi ha’égui tetãnguéra ruvichaguasu. Ndehegui añoiténte ojekyhyjeva’erã; Ndeichagua ndaipóri mayma iñarandúva térã tetã ruvichakuéra apytépe.

Jeremías 16:19

Nde, che Ruete, chembopu’akáva ha chemombaretéva, Nde ningo che mo’ãha pe jepy’apy vaiha árape, heta tetã ou joava’erã ne rendápe yvy apýra guive ha he’i joava’erã hikuái: Añetehápe ore rukuéra orembo’e roporombotavy hag̃ua ha ijára gua’u noipytyvõkuaái ichupekuéra.

Jeremías 5:22

Ndapekyhyjemo’ãi piko chehegui, he’i pende Ruete, ndaperyryimo’ãi piko che renondépe, amoĩma yvyku’i yguasu rembe’ýpe, hi’y ani hag̃ua ohasa upeguive, oñemopu’ã yvate ha okororõ vai ramojepe ndaikatúi ohasa upégui.

Oséas 3:5

Uperirémante Israelguakuéra ojevýta oheka hag̃ua Ituvateépe, Ijárape ha David, imburuvichaguasúpe, ha umi ára pahápe ha’ekuéra kyhyjepópe og̃uahẽ ha ohayhu jevýta Ijarateépe.

Habacuc 1:12

Nandéi piko ijypyete guive che Ruete, che Jára heko porãva. Noromanombaichéne, Nde orehavira hag̃uánte rembou ichupekuéra, ha Nde, ore Salvador remoĩkuri ichupekuéra orenupã hag̃uánte.

Zacarías 14:16

Ha umi tetãygua hembýva pe ñorãirõguasúgui og̃uahẽta Jerusalénpe, ou joava’erã opaite áño omomba’eguasu hag̃ua Jerusalen ruvichaguasuetépe, ángel atykuéra Járape, omboarete hag̃ua pe arete róga yvyra rakãguiguáva (enramáda).

Zacarías 2:11

Ha heta tetã ojoajuva’erã pende Ruete ndive upe ára upévape, ha oikóta hikuái avei che retã ramo, ha Che aikóta ijapytepekuéra, upéramo peikuaáta ángel atykuéra Jára chembou hague pene rendápe.

Malaquías 1:11

Kuarahyresẽ guive oikeha peve oñemomba’eguasuhína che réra opaite tetãnguéra apytépe, ha oparupiete oñekuave’ẽ che rérape g̃uarã mba’e ryakuã porã ha kuave’ẽmby ipotĩva, mba’eguasúgui che réra tetãnguéra apytépe, he’i ángel atykuéra Jára.

Romayguakuérape 15:9

ha umi tetã ambueyguakuéra omomba’eguasu hag̃ua avei Ñanderuetépe, Ha’e ohechaukágui imborayhu ha iporiahuvereko opavavépe; ojehai háicha avei: Upévare che romomba’eguasu tetã ambueyguakuéra apytépe ha aropurahéita nde Réra, (Salmokuéra 18,50).

1 Pédro 1:16

Ñanderuete kuatiañe’ẽme he’i voi: Pende reko porãke; Che, chereko porãgui, (Levítico 11,44).

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.

Apocalípsis 14:7

hatã oñe’ẽ ha he’i: Pekyhyje Ñanderuetégui ha pemomba’eguasu ichupe, Ha’e voi ningo ojapova’ekue pe ára ha yvy, yvukuéra ha yguasu.

Apocalípsis 16:5

Ha ahendu pe yvága rembiguái opytáva y rerekua ramo he’i: Nendivémante oĩ ñembojovake hekópe, Nde ningo, heko porãitéva, Nde reikovevareína, Nde rembojovake hekoitépe ichupekuéra.

Apocalípsis 16:7

Ha che, Juan, ahendu pe kuave’ẽmby renda he’i: Néi, Nde ore Jára, ore Ruete, rembojovake hekópe ha añetehápe.

Apocalípsis 19:2

Ha’émante ombojovake hekoitépe ha añetehápe. Ha’e voi ombojovakeva’ekue upe kuña reko vaípe, ombyaiva’ekue ko yvy heko ky’a rupi. Ñanderuete omyengovia hembiapo vai, ipo rupi oñohẽva’ekue Ñanderuete rembiguaikuéra ruguy.

Apocalípsis 19:8

Ha ome’ẽ ichupe oñemonde hag̃ua ao líno hepyvévape, imorotĩ asy ha omimbipávape. Pe líno ningo imorotĩ asy, (he’ise) umi heko potĩva justícia.

Apocalípsis 3:7

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.

Apocalípsis 6:10

Ha ãva osapukái ñe’ẽpuguasúpe, ha he’i: Araka’e peve piko Nde, ore Jára heko porã ha añeteguáva reha’ãrõseve rembojovake ha remyengovia hag̃ua ore jukahára rembiapo vai, oikóva gueteri hikuái py’aguapýpe yvy apére.

1 Samuel 2:2

Ndaipóri hekoporãva Ñanderuetéicha; ndaipóri voínte avave ndejoguáva, ha ndaipóri ambue mo’ãha renda.