Apocalípsis 15:3

Ñanderuete Ñe’ẽ Porã 2015

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.

Referencias Cruzadas

Genesis 17:1

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

1 Crónicas 6:49

Aaron ha ita’yrakuéra oikuave’ẽ kuave’ẽmby ojehapypáva kuave’ẽmby renda ári, ha pe kuave’ẽmby renda mohyakuãha ári ohapy mba’e ryakuã porã ha ojapo opaichagua tembiapo ojejapova’erãva guive pe tenda oñemboykéva Ñanderuetépe g̃uarã, ha oikuave’ẽ avei hikuái kuave’ẽmby angaipa reheguáva Israel rehe, Moises, Ñanderuete rembiguái, he’i haguéicha ojejapo hag̃ua.

2 Crónicas 24:6

Upévagui tetã ruvicha ohenói pa’iguasu Joiadápe ha he’i ichupe: Mba’érehepa nereñeha’ãmbáira’e umi Levigua ogueru hag̃ua Juda ha Jerusalenguakuéragui pe kuave’ẽmby Moises, Ñanderuete rembiguái, omoĩva’ekue Israelguakuéra ome’ẽ hag̃ua pe óga jojohuhápe g̃uarã.

Nehemías 9:14

Nde remoĩ ichupekuéra pe pytu’uha ára omboarete hag̃ua ndéve g̃uarã, ha Moises ne rembiguái po rupi reme’ẽ ichupekuéra ne kuatiañe’e ojehaihápe ne rembiapoukapykuéra.

Job 36:24

Nemandu’ákena Ñanderuete rembiapokue rehe, ha emomba’eguasu ichupe umi ambue kuimba’e ha kuñakuéra ojapo háicha ipuraheikuéra rupi.

Job 5:9

Ha’e ojapo tembiapo tuichaitereíva ikatu’ỹva ojekuaapa, ha hembiapo techapyrãva (milagrokuéra) ndojepapakuaái.

Salmokuéra 100:5

Ñanderuete ipy’a porãite, opaite árape oiporiahuvereko, ha iñe’ẽ añeteguáva oiko tapia ñande tuvakuéra ára guive iñemoñarenguéra jevy jey peve.

Salmokuéra 105:5

Peñemomandu’áke umi tembiapo Ha’e ojapova’ekue rehe, umi mba’e techapyrã rehe ha mba’éichapa Ha’e ombojovake porãite.

Salmokuéra 111:2

Ñanderuete rembiapokue tuichaite mba’e, ha upe ohayhúva hembiapokuéra iporã ojepy’amongeta avei hesekuéra.

Salmokuéra 111:7

Hembiapo añete ha iñembojovake oiko hekoitépe. Ha’e nomoambuemo’ãi hembiapoukapykuéra.

Salmokuéra 139:14

Che romomba’eguasu Nde cheapo porãitégui, ne rembiapokuéra mba’e techapyrãva, ha che ánga oikuaa porã voi ko’ã mba’e.

Salmokuéra 145:17

Ñanderuete oisãmbyhy hekoitépe ha heko poriahuvereko ojehechakuaa hembiapokuéra rupi.

Salmokuéra 145:6

Toñe’ẽ ne rembiapokue porãite ipu’akapáva ha toikuaauka ne rembiapo tuichaitéva,

Salmokuéra 18:30

Ñanderuete rape katu iporãite, Ñanderuete ñe’ẽ ipotĩmbyre opaite hese ojeroviávape g̃uarã, Ha’e ningo che mo’ãha.

Salmokuéra 78:12

Ituvakuéra renondépe Ñanderuete ojapova’ekue mba’e techapyrãva Egípto retãme, Zoan ñúme.

Salmokuéra 92:5

Ituicha iterei ningo ne rembiapokue, Nde, ore Ruete, hypyete ningo umi nde py’apýpe heñóiva (pensamiénto).

Salmokuéra 99:4

Umi ohayhúva guive ichupe tomomba’eguasu ñane Mburuvichaguasu pu’aka. Ha’e oisãmbyhy hekoitépe, ijustícia ha iñembojovake porã rupi.

Isaías 33:22

Ñanderuete voi ñane mbojovakehára, Ha’e ñane sãmbyhyhára, Ha’e ñane Retã Ruvicha, Ha’e ñandesalváta.

Isaías 45:21

Peñemboja pemombe’u ha peñemongeta oñondive mávapa omombe’u raẽ ko’ã mba’e ko’ãva oiko mboyve; Chénte, pende Ruete, poikuaaukapáma voi, che ykére ndaiporivéima ambue Jára; Che ykére ndaipóri ambue jára hekojojáva ha oporopytyvõkuaáva añetehápe.

Daniel 6:20

Ha oñembojávo pe yvykua ypýpe ohenói Daniélpe ha ñe’ẽ ñembyasypópe he’i: Daniel, Yvága Jára oikovéva rembiguái, nde Jára piko, ikatúra’e ndesalva umi leõgui.

Daniel 9:11

Mayma Israelgua omboyke ne rembiapoukapy ha ndojapói ne ñe’ẽ, upévare ho’a oreári pe maldicion, ne rembiguái Moises kuatiañe’ẽme oĩva, ore Ruete, ore roñemoangaipa ne renondépe.

Oséas 14:9

Iñarandu ha iñakã porãva toikuaa ko’ã mba’e. Pende Ruete rapekuéra naikarẽi, heko potĩva oguatahína che rape rupi, umi heko ñañáva katu oñepysãngáta upérupi.

Miquéas 7:20

Nde remoañete pe ñe’ẽ reme’ẽva’ekue ymaguare ore rukuérape, Abraham ha Jacóbope, ha rehechauka jevýta ne mborayhu ha nde jeporiahuvereko.

Sofonías 3:5

Pende Ruete oiko ijapytepekuéra ijustíciape, ndojapomo’ãi mba’e ivaíva, meme pyharevépe ohechauka ijustícia, ha araka’eve ndojavymo’ãi hembiapópe, pe iñaña rekóva katu notĩséi.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Juan 1:17

Umi tembiapoukapykuéra oñeme’ẽva’ekue Moises rupi, pe jeporiahuvereko ha pe añetegua katu oñeme’ẽ Hesu Crísto rupi.

Deuteronómio 31:30

Upéramo Moises ombohasa Israel atyguakuéra apysápe ko purahéi kóva:

Deuteronómio 32:3

Amyasãise Ñanderuete réra, pemomba’eguasu ichupe.

Deuteronómio 34:5

Ha upépe omano Moises, Ñanderuete rembiguái, Moab yvýpe, Ha’e he’i haguéicha.

1 Timotéope 1:17

Toñemomba’eguasu pe ára atyguasukuéra Járape, Ha’e voi ningo Ñanderuete peteĩetéva ha tapia oikóva, ha ndojehechái ramojepe ichupe toñemboete ichupe ára atyguasukuéra rupi, taupéicha (amen).

hebreoyguakuerape 3:5

Moises ojapo hekoitépe opaite Ñanderuete rembipota, opaite ojeroviáva apytépe ha’e oikova’ekue uvei tembiguái ramo, oikuaauka hag̃ua Ñanderuete rembipota ha hembiapoukapy, ojehai háicha Moises kuatiañe’ẽme.

Josué 22:5

Peñangarekóke pejapo hag̃ua kyre’ỹpópe, Ñanderuete ñe’ẽ ha hembiapoukapykuéra Moises, hembiguái, he’iva’ekue peẽme pejapo hag̃ua: Pehayhu Ñanderuete, pende Járape, peiko mayma hapekuéra rehe, pejapopa hembiapoukapykuéra, peiko hapykuéri, pejerovia hese pende py’aite ha pene ánga mbytete guive.

Apocalípsis 1:8

Che ningo pe “a” ha pe “zéta” he’iséva iñepyrũmby ha ipaha, he’i Ñanderuete pe yvága Jára, pe Oikovahína, pe Oikova’ekue ha pe Ouva’erãva, pe Ipu’akapáva.

Apocalípsis 11:17

ha he’i hikuái: Ore roagradece ndéve, ore Jára Ndepu’akapáva, Nde reikovevareína, reikomava’ekue ha rejuva’erãva, nde reñepyrũma reisãmbyhy hag̃ua nde pu’akapa rupi.

Apocalípsis 14:3

Ha opurahéi hikuái peteĩ purahéi pyahu pe guapyhaguasu renondépe ha umi irundy tekove ha umi karai ancianokuéra renondépe, ha avave ambuekuéra apytégui ndaikatúi oikuaa ko purahéi kóva, umi 144.000 mante, ha’ekuéra ojejoguava’ekue tetãyguakuéra apytégui.

Apocalípsis 14:8

Ha ambue yvága rembiguái mokõiha og̃uahẽvo he’i: Ho’áma, ho’áma Babilónia ndetuicháva, omonga’uva’ekue opaite tetãnguérape ivíno heko pochy reheguápe.

Apocalípsis 17:14

Ha’ekuéra oñorãirõta pe Ovechara’y ndive, Ha’e katu ombopoguýta ichupekuéra, Ha’e voi ningo jarakuéra Jára, ha mburuvichakuéra Ruvichaguasuete, ha umi hendive oĩva, Ñanderuete ohenoimava’ekue, Ha’e oiporavova’ekue avei ha oha’ãrõva mborayhupópe Ha’e ou jevy peve.

Apocalípsis 19:16

Ha ipóncho ha iku’a jokuahápe ojehai héra: Mburuvichakuéra Ruvicha ha karaiguasukuéra Jára.

Apocalípsis 19:2

Ha’émante ombojovake hekoitépe ha añetehápe. Ha’e voi ombojovakeva’ekue upe kuña reko vaípe, ombyaiva’ekue ko yvy heko ky’a rupi. Ñanderuete omyengovia hembiapo vai, ipo rupi oñohẽva’ekue Ñanderuete rembiguaikuéra ruguy.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.