Apocalípsis 14:3

Ñanderuete Ñe’ẽ Porã 2015

Ha opurahéi hikuái peteĩ purahéi pyahu pe guapyhaguasu renondépe ha umi irundy tekove ha umi karai ancianokuéra renondépe, ha avave ambuekuéra apytégui ndaikatúi oikuaa ko purahéi kóva, umi 144.000 mante, ha’ekuéra ojejoguava’ekue tetãyguakuéra apytégui.

Referencias Cruzadas

Salmokuéra 144:9

Nde, che Ruete, ndéve apurahéita sálmo ipyahúva, ambopuse che árpa ndéve g̃uarã.

Salmokuéra 149:1

Pepurahéi Ñanderuetépe sálmo pyahu reheve, pemomba’eguasu ichupe, peẽ heko potĩva aty.

Salmokuéra 25:14

Ñanderuete ohayhuhína umi okyhyjévape ichugui ha umi mba’e ha’ekuéra oikuaa’ỹva Ha’e omoarandúta ichupekuéra omoirũ porã guive ichupe.

Salmokuéra 33:3

Pepurahéi ichupe purahéi pyahu, pembopu hatãkéna ha vy’apópe pene mba’epu.

Salmokuéra 40:3

Ha upéi omoĩ che jurúpe peteĩ purahéi pyahu, amomba’eguasu hag̃ua che Ruetépe. Heta oĩta ohechátava ko’ã mba’e, okyhyjéta Ñanderuetégui ha ojeroviáta hese.

Salmokuéra 96:1

Pepurahéi joa Ñanderuetépe peteĩ purahéi ipyahúva, opaite tetã pepurahéi Ñanderuetépe.

Salmokuéra 98:1

Pepurahéi joáke Ñanderuetépe peteĩ purahéi pyahu, Ha’e ojapo haguére mba’e techapyrãva, ipu’aka imbarete iterei ombopoguypa hag̃ua.

Isaías 42:10

Pepurahéi Ñanderuetépe peteĩ purahéi pyahu, pemomba’eguasu ichupe yvy apýra paha guive; peẽ pehóva yguasúpe, ha peñemomba’e opaite mba’e rehe pejohúva guive ipype, umi yguasu mboypyrigua oikóva guive pemomba’eguasu ichupe.

1 Corintoyguakuérape 1:18

Umi oñehundívape g̃uarã, Hesu Crísto ñemano ñe’ẽ výro rei, ñande jajesalvávape g̃uarã katu Ñanderuete ñe’ẽ ipu’akapa.

1 Corintoyguakuérape 2:14

Kuimba’e ha kuñakuéra ojepy’apýnte ko yvy arigua mba’e rehe, noñemomba’eséi Ñanderuete Pytu Porãite rehegua mba’e rehe, ichupe g̃uarã ningo ko’ã mba’e Pytu Porã reheguáva výro rei.

Apocalípsis 14:1

Ha ama’ẽvo, péina ahecha pe Ovechara’y oñembo’ýva cérro Sion ári ha hendive oĩ 144.000 yvyarigua oguerekóva pe Ovechara’y ha Ñanderuete réra isyva rehe.

Apocalípsis 15:3

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.

Apocalípsis 2:17

Pe ijapysáva tohendu pe Pytu Porãmbáva he’íva ijiglesiakuérape: Pe ombopoguýva pe mba’evai, Che ame’ẽta ichupe pe mana ñemimby ha ame’ẽta avei ichupe peteĩ ita morotĩ ojehaihápe héra pyahu avave oikuaa’ỹva, pe ohupitývamante.

Apocalípsis 5:9

Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.

Apocalípsis 7:4

Ha ahendu oñemota’ãnga 144.000 Israelguakuérape, opaite itríbu apytégui: