Apocalípsis 14:2

Ñanderuete Ñe’ẽ Porã 2015

Ha ahendu ñe’ẽpu yvágaguio, yguasu pochy térã arasunu ryapúicha, ha pe ñe’ẽpu, che, Juan, ahendúva ha’ete ku harpaita púicha.

Referencias Cruzadas

2 Samuel 6:5

Ha David ha opaite Israelguakuéra rogaygua ojeroky joa Ñanderuete renondépe opaichagua mba’epu reheve: Árpa, mbaraka, mba’e pararã, mimby ha platillokuéra reheve.

2 Crónicas 20:28

Ha ou hikuái Jerusalénpe, mbaraka, árpa ha trompéta púpe, Ñanderuete rogaguasúpe.

Salmokuéra 147:7

Puraheipópe pemomba’eguasu Ñanderuetépe, árpa púpe pepurahéi Ñanderuetépe.

Salmokuéra 149:3

Pemomba’eguasu héra jerokypópe, mba’epu pararãme ha árpa púpe pepurahéi ichupe.

Salmokuéra 33:2

Pemomba’eguasu Ñanderuetépe mbaraka púpe, pepurahéi avei ichupe árpa púpe.

Salmokuéra 43:4

Upéramo aháta Ñanderuete kuave’ẽmby rendápe, Ñanderuete chembohory ha chembovy’a jevy hag̃ua, ha romomba’eguasúta árpa púpe, Nde ningo, che Ruete ha che Jaratee.

Salmokuéra 57:8

Epáy che ánga, epáy che mbaraka ha che árpa pu rupi amombayséma pe ko’ẽtĩ.

Salmokuéra 92:3

Umi mbaraka 10 isãva, arpaguasu ha árpa michĩ púpe romomba’eguasúta.

Salmokuéra 93:4

Ñanderuete katu ijyvatehágui ipu’akapa umi yeta ryapu ha pe y pochy imbaretetéva rehe.

Salmokuéra 98:5

Pepurahéi pemomba’eguasúvo Ñanderuetépe, mbaraka ha árpa púpe ha pepurahéi hatãkena.

Éxodo 19:16

Ha ojehu pe ára mbohapyhápe, ko’ẽ jave, oiko arasunu, aratiri ha arai iñanambusúva ojaho’ipáva pe cérro ru’ã, trompéta ipu hatãitereíva, omboryryipáva mayma tetãygua ijatývape.

Éxodo 20:18

Tetãygua maymáva oma’ẽ mombyry joa arasunu ha aratiri rehe, ha trompéta pu ha pe cérro hatatĩva rehe; ha tetãyguakuéra ohechávo upéva oryryipa ha oñemomombyry.

Isaías 17:13

Umi tetã hyapu ramojepe ku yeta hyapu háicha, Ñanderuete oja’o ramo ichupekuéra mombyry okañýta; oñembovevepáta ku yvyra rogue pirukuéicha yvytu oguerovevérõ guáicha térã ku yvy timbóicha yvytu jepoka renonderãme ohórõ guáicha.

Ezequiel 43:2

ha péina ápe Israel Jára reko jajaipa ouhína kuarahyresẽ guio ha hyapu ha’ete ku yeta ryapúicha, ha pe yvy omimbi heko jajaipápe.

Zacarías 9:14

Upéramo Jahve ojehechaukáta, hu’y osẽta aratirícha. Ñandejára, Jahve, ombopúta ituru, ha oipeju hatãta ijyvytu yvy gotyoyguápe.

1 Corintoyguakuérape 13:1

Che añe’ẽ ramojepe opaichagua tetãyguakuéra ñe’ẽme térã yvága remimbou ñe’ẽme jepe, ha ndaporohayhúi ramo, che ningo brónce opararãva térã ña’ẽmbe pararã reínte.

Apocalípsis 1:10

Hesu Crísto árape (domíngo) ahendu che rapykuépe peteĩ oñe’ẽ hatãva ku turu puguasúicha,

Apocalípsis 1:15

Ipy ojogua brónce porãme, oñembohykuva’ekue tatakuápe, ha iñe’ẽ katu ipu hatã ku yguasu ryapúicha.

Apocalípsis 11:12

Ha ko’ã techahare ohendu peteĩ ñe’ẽpu he’íva ichupekuéra: Pejupi ko’ápe. Ha ojupi hikuái yvágape peteĩ araípe, ha hesekuéra ija’e’ỹva oma’ẽ hesekuéra.

Apocalípsis 11:15

Ha pe yvága rembiguái 7-ha ombopúvo ituru oiko peteĩ ñe’ẽpu tuicháva yvágape he’íva: Yvy arigua tetãnguéra opytáma Ñanderuete ha Icrístope g̃uarã, Ha’e oisãmbyhy hag̃ua tapia g̃uarã.

Apocalípsis 15:2

Ha ahecha peteĩ yguasu ita veráicha ojehe’áva tata reheve, ha hembe’ýpe oñembo’yhína umi ipu’akava’ekue upe mymba rehe, ha’ãnga rehe ha pe mymba número 666 rehe, ha ipópe oguerekopa hikuái Ñanderuete harpakuéra.

Apocalípsis 18:22

Noñehendumo’ãvéi ndepype hárpa, purahéi, mimby ni turupu; ha opaite umi ikatupyrýva omba’apóva opaichagua tembiporu rehe, ndaiporimo’ãvéi ndepype, ni pe angu’a (molíno) ryapu noñehendumo’ãvéi ndepype,

Apocalípsis 5:8

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.

Apocalípsis 6:1

Ha ahecha pe Ovechara’y oñepyrũ ramo oipe’a pe ta’ãnga jopyha peteĩha, ha upevove ahendu peteĩva umi irundy tekove oikovéva apytégui he’írõ arasunu ñe’ẽpúpe: Eju.

Apocalípsis 8:7

Ha pe yvága rembiguái peteĩha ombopúvo ituru ho’a yvy ári amandáu ha tata ojehe’áva tuguy reheve, ha okái pe yvy párte mbohapyha (vore mbohapyha) yvy apégui, ha pe yvyra párte mbohapyha ha opaichagua kapi’i hovýva okái avei.