Apocalípsis 13:8

Ñanderuete Ñe’ẽ Porã 2015

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

Referencias Cruzadas

Genesis 22:7

Upéramo Isaac oñe’ẽ itúva Abrahámpe, he’ívo: Nde, che ru, ha ha’e he’i ichupe: Mba’épa, che ra’y. Ha ha’e he’i: Kóina ápe tata ha jepe’a, ha mamo piko oime pe ovecha ra’yrusu reikuave’ẽséva.

Salmokuéra 69:28

Tojepe’apa herakuéra pe jeikove kuatiañe’ẽgui, ha herakuéra ani ojehai umi heko potĩva apytépe.

Éxodo 32:32

eperdonamína ichupekuéra, ha ndaupéichai ramo, eipe’a avei che réra nde kuatiañe’ẽ rehaiva’ekuégui (oĩháme opaite téra oikoveva’erãva tapia g̃uarã).

Isaías 4:3

Ha ojehuva’erã umi hembýva Siónpe, ha umi ohasámava jehasa asy rupi ha oikove gueteri Jerusalénpe, oñehenóita heko potĩva ramo; ha Jerusalénpe ojehaíta herakuéra peteĩ kuatiañe’ẽme.

Daniel 12:1

Umi ára umívape opu’ãva’erã Miguel, peteĩ yvága rembiguái ruvicha, oñangarekóva ne retã ra’ykuéra rehe ha umi árape og̃uahẽta jehasa asyguasuete araka’eve oiko’ỹ haguéicha, oĩ guive tapichakuéra ko yvy apére, ha umi árape ojesalváta ne retãyguakuéra, opaite téra ojehaíva guive pe kuatiañe’ẽme.

Matéo 25:34

Upéramo pe tetã ruvicha he’íta umi ijakatúa gotyoguápe: Peju peẽ che Ruete jehovasápe ha peñemomba’e pe tetãre oñembosako’imava’ekue peẽme g̃uarã ko múndo ñepyrũmby guive.

Lúcas 10:20

Ani pevy’aite pemosẽ haguére umi mba’epochýpe, pevy’a uvei pende réra ojehai haguére yvágape.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Efesoyguakuérape 1:4

Ñanderuete ñandeporavomava’ekue Hesu Crísto rupi ko yvy ha yvagakuéra oiko mboyve. Ha’e ñanemboyke jaiko hag̃ua heko potĩva ramo henondépe mborayhu añeteguapýpe.

Filipoyguakuérape 4:3

Che ajerure avei ndéve, che irũetéva (Sícigo), eipytyvõ ichupekuéra, ha’ekuéra ningo omba’apo porãva’ekue chendive omyasãi hag̃ua Ñanderuete ñe’ẽ porãite, upéicha avei Cleménte ha ambuekuérape; herakuéra ningo ojehai tekove rehegua kuatiañe’ẽme.

Títope 1:2

Ñaha’ãrõñaína pe tekove tapia g̃uarãva, Ñanderuete ndaikatúi ijapu, oprometeva’ekuégui umi ára atyguasu mboyve.

Apocalípsis 12:15

Ha pe mbói opoi ijurúgui pe kuña rapykuéri peteĩ ysyry ndetuichaitévaicha, oguerosyry hag̃ua pe kuñáme,

Apocalípsis 13:12

Ko mymba kóva oiporu pe mymba tenondegua pu’aka hesa renondépe ha oñeha’ãmba opaite tetãyguakuéra omomba’eguasu hag̃ua pe mymba tenondeguápe, upe oguerekova’ekue hetére pe jekutu vai omano hag̃uáicha, ha okuera jevyva’ekue.

Apocalípsis 17:8

Upe mymba rehecha oikova’ekue ha upéi ndaiporivéima, ojupi jevyva’erã pe yvykua pypukuetégui oñehundi jevy hag̃ua; ha umi tetãygua réra ojehai’ỹva pe tekovete kuatiañe’ẽme ipy’andyipáta ohechávo upe mymbápe, oikómiva ha ndaiporivéima ha upéi ou jevy.

Apocalípsis 21:27

Ha ndoikemo’ãi ipype mba’eve iky’áva, hembiapo vaíva térã ijapúva, umi héra ojehaívante pe Ovechara’y tekovete rehegua kuatiañe’ẽmente oikéta ipype.

Apocalípsis 3:10

Nde rejapo haguére hekoitépe Che ñe’ẽ, Che añangareko porãta nderehe ou vove pe jehasa asyguasu ohupitýtava opaite tetãyguakuérape oikóva guive yvy ape ári, ojepy’ara’ã hag̃ua.

Apocalípsis 3:20

Ema’ẽ porãke, Che añembo’yha’aína ne rokẽme ha ambota’aína (aikeségui). Oimeraẽ ohendúva Che ñe’ẽ ha oipe’áva hokẽ, aikéta hendápe akaru hag̃ua hendive, ha ha’e chendive.

Apocalípsis 3:5

Upe ombopoguýva mba’evai oñemondéta ao morotĩme; ha ndaipe’amo’ãi héra pe tekovete rehegua kuatiañe’ẽgui, amombe’uva’erã uvei héra che Ruete ha ijyvága rembiguaikuéra renondépe.

Apocalípsis 5:12

umía hatã he’i: Pe Ovechara’y ojejukamava’ekuépe ija ohupity hag̃ua pu’aka ha mba’eita arandu ha mbarete, ñemboete, teko jajaipa ha ñemomba’eguasu.

Apocalípsis 5:13

Uperire ahendu opaite oikóva yvágape, yvýpe, yvy guýpe ha yguasu ári ha hyepýpe he’ívo: Pe guapyhaguasúpe Oguapývape ha pe Ovechara’ýpe toñemomba’eguasu, toñemombe’u porã, toñemboete ha toñeme’ẽ pu’aka ára atyguasukuéra guive umi ára atyguasurãme g̃uarã.

Apocalípsis 6:1

Ha ahecha pe Ovechara’y oñepyrũ ramo oipe’a pe ta’ãnga jopyha peteĩha, ha upevove ahendu peteĩva umi irundy tekove oikovéva apytégui he’írõ arasunu ñe’ẽpúpe: Eju.