Apocalípsis 13:5

Ñanderuete Ñe’ẽ Porã 2015

Ha oñeme’ẽ ichupe peteĩ juru oñe’ẽ hag̃ua mba’e ndetuicháva ha oñe’ẽ vaiete hag̃ua Ñanderuete rehe, ha oñeme’ẽ ichupe avei pu’aka oiko vai hag̃ua 42 jasy pukukue (1260 día).

Referencias Cruzadas

Salmokuéra 12:3

Ñanderuete tohundipa mayma ijuruhe’ẽvape, ha upéicha avei umi juru oñembotuicha reívape.

Ezequiel 35:13

Pende jurúpe peñembotuicha ha pepu’ã cherehe, ha heta mba’evai peje cherehe, Che ningo oje’éva guive ahendupa voi.

Daniel 11:36

Ha Síria retã ruvicha ojapóta ojaposéva, ha oñembotuicha ha oñemomba’eguasuva’erã opaichagua jára ári, ha pe Jára ruvichaguasu rehe oñe’ẽvaíta, ha osẽ porãmbáta ichupe g̃uarã Ñanderuete ipochy peve; ha umi mba’e Ñanderuete oipotáva katuete ojehúta avei.

Daniel 12:12

Ovy’aite upe oha’ãrõva ha ohupitýtava 1.335 ára peve.

Daniel 7:11

Ha che ajapysaka jave umi ñe’ẽguasueta pe hatĩ michĩ he’íva rehe, ahecha ojejukaha pe mymbápe, ha hete oñepehe’ãmba, ha upéi oñemombo tatápe okái hag̃ua.

Daniel 7:20

ha aikuaase avei mba’épa he’ise umi 10 hatĩ iñakã rehe oĩva, ha peteĩ osẽ jevyva’ekue iñakãgui ambue mbohapy rendaguépe. Ko hatĩ kóva hesáma, ha avei ijurúma, ha he’íva mba’eguasu, ha ha’ete ituichaveha iñirũnguéragui.

Daniel 7:25

Ha oñe’ẽvaíta pe Ijyvatetéva rehe, ha’e ohundíta umi ojeroviáva Ijyvatetéva rehe, omoambuéta umi arete ára ha tembiapoukapykuéra. Ko tetã ruvicha kóvape oñeme’ẽta pe tetã ruvicha guapyha oisãmbyhy hag̃ua mbohapy áño imédio pukukue (3 tiémpos imédio).

Daniel 7:8

Ha ama’ẽvo hatĩ rehe, péina ápe peteĩ hatĩ michĩva osẽ ambue hatĩnguéra pa’ũme, ha péva omondoro mbohapy hatĩ tenondeveguaréva, ko hatĩ kóva hesa kuimba’éicha, ha peteĩ juru he’íva mba’e tuicháva.

Daniel 8:14

Ha’e ombohovái: Ohasa peve 2.300 ka’aru ha pyhareve, upéi ae oñemopotĩ jevyva’erã Ñanderuete rogaguasúpe.

2 Tesalonicayguakuérape 2:3

Anítei avave penembotavy mba’evéicharõ. Upe ára upéva mboyve oikóta jepoiguasu (Hesu Crísto reheguáva apytégui), ha og̃uahẽ raẽva’erã avei pe kuimba’e ñaña (anticrísto) omboykéva opaichagua tembiapoukapy; Ha’e oporohundíta ha uperire ha’e voi oñehundiva’erã avei.

2 Tesalonicayguakuérape 2:4

Ha’e oñemoĩta Ñanderuete rehe ha oñeha’ãmbáta ombyai hag̃ua Ñanderuete rembiapo ha ndorespetamo’ãi avavépe ni mba’evépe, upévare ha’e voi oguapýta avei Ñanderuete rogaguasúpe (témplope) ha he’íta ijehe ha’e Ñandejaraha.

2 Tesalonicayguakuérape 2:8

Uperire ae ojehechaukáta upe oñemoĩva opaichagua tembiapoukapy rehe, Ñandejára Hesu Crísto katu ojukáta ichupe ipytuhẽ pu’aka rupi ha ohundíta ichupe Ha’e ou jevyha árape.

Apocalípsis 11:7

Ha ha’ekuéra ojapopávo hembiapo, pe mymba vai ojupíta pe yvykua pypukuetégui (yvypore’ỹgui) oñorãirõ hag̃ua hendivekuéra ha ombopoguy rire, ojukáta ichupekuéra.

Apocalípsis 12:14

Ha pe kuñáme oñeme’ẽ mokõi ñapykani pepo tuicháva oveve hag̃ua desiértope, oñembosako’i haguépe hendag̃ua, ha upépe oñemongaru ichupe, mombyry pe mbói rovakégui, peteĩ ára aty ha mokõi ára aty ha peteĩ ára aty mbyte (mbohapy áño imédio).

Apocalípsis 12:6

Ha pe kuña okañy desiértope hendag̃ua Ñanderuete ombosako’i haguépe, upépe Ha’e omongaru ichupe 1260 ára (día) pukukue.

Apocalípsis 13:7

Ha oñeme’ẽ ichupe pu’aka oñorãirõ ha ombopoguy hag̃ua umi heko potĩvape, ha oiko hag̃ua mburuvichaguasu ramo, oisãmbyhývo opaite tetãyguakuéra, ñe’ẽnguéra, tribukuéra ha tetãnguérape.