Apocalípsis 13:3

Ñanderuete Ñe’ẽ Porã 2015

Upéi ahecha pe mymba akã peteĩva ojekutu vai omano hag̃uáicha, ha’e okuera jevy katu, upévare tetãyguakuéra ohecharamóva omoirũ pe mymbápe (pe anticrístope).

Referencias Cruzadas

Ezequiel 30:24

Ha amombaretéta Babilónia retã pyapy, ha ipópe amoĩta che kyse puku; Che amopẽta faraon jyva ha ipyahẽ asýta ha’e ku omanombotáva ipyahẽ háicha, hese ija’e’ỹva renondépe.

Lúcas 2:1

Ha ojehu ningo Róma retã ruvicha Augústo árape, ha’e oipapauka opavavépe (cénso árape), opavave oikóva guive hetãguasuetépe, ohaiuka herakuéra peteĩ kuatiañe’ẽme ojepaga hag̃ua impuésto.

Juan 12:19

Upéramo umi fariséo he’i ojupe: Pehechápa, ndaikatúi jajapo mba’evete. Opavave ningo omoirũ ichupe ha oho hapykuéri.

Apostolkuéra 8:13

Ha ko Simon ojerovia avei, ha ojebautizauka rire omoirũ Felípepe, ha ohechávo mba’e techaukaha ha milagrokuéra, ohecharamoite ha’e.

Apocalípsis 13:12

Ko mymba kóva oiporu pe mymba tenondegua pu’aka hesa renondépe ha oñeha’ãmba opaite tetãyguakuéra omomba’eguasu hag̃ua pe mymba tenondeguápe, upe oguerekova’ekue hetére pe jekutu vai omano hag̃uáicha, ha okuera jevyva’ekue.

Apocalípsis 13:14

ombotavy hag̃ua ichupekuéra umi mba’e techapyrã rupi, oñeme’ẽgui ichupe pu’aka ojapo hag̃ua ko’ã mba’e techapyrãva pe mymba tenondegua resa renondépe, oguerekova’ekue pe jekutu vai kyse pukuetégui ha oikove jevy, upévare upe mymba mokõiha ojapouka peteĩ ta’ãnga tuicháva upe mymba tenondeguápe g̃uarã.

Apocalípsis 17:10

Umi 7 akã ningo 7 tetã ruvicha, 5 ichuguikuéra okúima, peteĩ oĩ gueteri ha upe ambue ne’ĩra gueteri ou, ha ou ramo ndahi’aremo’ãi.

Apocalípsis 17:11

Ha upe mymba oikómiva ha ndaiporivéima, upéva ningo pe tetã ruvicha 8-ha, ha’e ramojepe peteĩ umi 7 reheguáva apytépe, ha ha’e ou jevy ramojepe, oúta oñehundi hag̃uántema.

Apocalípsis 17:13

Umi 10 tetã ruvicha oñembopy’apeteĩ ombohasa hag̃ua ipu’aka ha isãmbyhy upe mymbápe g̃uarã.

Apocalípsis 17:17

Ñanderuete omoinge ipy’apypekuéra ojapopa hag̃ua pe Ha’e oipotáva, upévare ha’ekuéra oñemoĩ avei peteĩ ñe’ẽme upe mymba ndive, ombohasávo ichupe ipu’aka ha isãmbyhy oikopa peve Ñanderuete he’iukava’ekue.

Apocalípsis 17:6

Ha che, Juan, ahecha pe kuña reko vai oka’u opytávo umi ojeroviáva Hesu Crísto rehe ha heko potĩva ruguykuépe. Ha che py’andýi apytávo.

Apocalípsis 17:8

Upe mymba rehecha oikova’ekue ha upéi ndaiporivéima, ojupi jevyva’erã pe yvykua pypukuetégui oñehundi jevy hag̃ua; ha umi tetãygua réra ojehai’ỹva pe tekovete kuatiañe’ẽme ipy’andyipáta ohechávo upe mymbápe, oikómiva ha ndaiporivéima ha upéi ou jevy.