Apocalípsis 13:18

Ñanderuete Ñe’ẽ Porã 2015

Ojekuaa hag̃ua upe mba’e upéva oñekotevẽ arandu rehe. Upe iñakã porãva toheka ko mymba número héra letrakuéra rupi, ko mymba kóva número ningo 666.

Referencias Cruzadas

Salmokuéra 107:43

Umi iñarandúva toma’ẽ porã ko’ã mba’e ko’ãva rehe ha tohechakuaa Ñanderuete oporoporiahuverekoha.

Daniel 12:10

Heta ojeporavóva oñemopotĩuka ha oñemomorotĩuka hag̃ua; umi iñaña rekóva katu oikovéta iñaña rekópe, ijapytépe avave nahesakãmo’ãi; umi heko potĩva katu oikuaáta ha hesakã porãta umi mba’e ojehúva rupi.

Oséas 14:9

Iñarandu ha iñakã porãva toikuaa ko’ã mba’e. Pende Ruete rapekuéra naikarẽi, heko potĩva oguatahína che rape rupi, umi heko ñañáva katu oñepysãngáta upérupi.

Márcos 13:14

Pehecha ramo upe porombyaihára tie’ỹ oñembo’yhína pe tenda oĩ’ỹ hag̃uáme, upe omoñe’ẽva ko ñe’ẽ kóva tohechakuaa porã, ha umi oĩva Judéape tokañy cérro gotýo.

Romayguakuérape 3:5

Ha ñande reko vai ohechauka ramo Ñanderuete reko iporãha, mba’ére piko upéicharamo ja’e Ñanderuete nombojovake porãiha ñandehavira ramo iñembojovakeha árape. Che ningo aporandu kuimba’ekuéra ojepokuaa háichante.

Deuteronómio 3:11

Og, Basan retã ruvicha añoite hembyva’ekue umi kuimba’e ijyvateitereígui (gigántegui). Hupa hierroguigua, oĩ gueteri Rabápe, Amon ñemoñarenguéra távape; hupa ipuku 3,94 métro ha ipe 1,75 métro.

Apocalípsis 1:3

Ovy’aite upe omoñe’ẽva ha umi ohendúva ko Hesu Crísto ñe’ẽ kóva, ha oñongatúva ipy’apýpe opaite ñe’ẽ oĩva guive ko kuatiañe’ẽ kóvape, upe ára upéva hi’ag̃uímagui.

Apocalípsis 15:2

Ha ahecha peteĩ yguasu ita veráicha ojehe’áva tata reheve, ha hembe’ýpe oñembo’yhína umi ipu’akava’ekue upe mymba rehe, ha’ãnga rehe ha pe mymba número 666 rehe, ha ipópe oguerekopa hikuái Ñanderuete harpakuéra.

Apocalípsis 17:9

Ojekuaa porã hag̃ua ko’ã mba’e oñekotevẽ arandu rehe (akãporã rehe). Umi 7 akã ningo 7 cérro, ha hi’ári ningo oguapy pe kuña reko vai.

Apocalípsis 21:17

Upéi oha’ã pe tavaguasu tápia, ha ojohu 67,70 métro (ijyvate), pe medída yvyariguakuéra oiporúva, péva pe yvága rembiguái oiporu avei.