Apocalípsis 13:16

Ñanderuete Ñe’ẽ Porã 2015

Ha opaite tetãyguakuérape ipo térã isyváre omoĩuka peteĩ márca, taha’e michĩva térã tuicháva, mba’eita rerekoha térã mboriahu, tembiguái térã tembiguai’ỹva.

Referencias Cruzadas

2 Crónicas 15:13

ha oimeraẽva oheka’ỹva Ñanderuete, Israel Járape, omanova’erã, taha’e tuicháva térã michĩva, taha’e kuimba’e térã kuña.

Job 34:19

Ñanderuete ndohayhuvéi tetã ruvichápe, omboyke hag̃ua tembiguaikuérape; Ha’e nomomba’eguasuvéi ipirapire hetávape, imboriahúvagui; mayma yvyarigua ningo ipo rembiapokue voi.

Salmokuéra 115:13

Ha’e ohovasáta umi okyhyjéva guive ichugui, michĩva ha tuichávape.

Salmokuéra 49:2

taha’e karai térã tembiguái, ipirapire hetáva térã imboriahúva.

Éxodo 13:9

Ha oikóta peẽme g̃uarã techaukaha ramo ha peteĩ mandu’aha ramo pende resa renondépe, Ñanderuete rembiapoukapy oĩ hag̃ua pende jurúpe, Ha’e ñanerenohẽgui pu’aka mbaretépe Egíptogui.

Ezequiel 9:4

ha he’i ichupe: Ehasa pe táva mbyte rupi, Jerusalen mbyte rupi, ha emoĩ peteĩ techaukaha (márca) umi yvyarigua syva rehe, ojepy’apýva ha ipyahẽ asýva opaite mba’evai ojejapóva rehe ko táva ryepýpe.

Zacarías 13:6

Ha oporanduva’erã ichupe hikuái: Mba’eichagua pere piko oĩ nde retére. Ha ha’e ombohováita: Ko’ãva ojejapo cherehe umi cherayhu’ỹva chenupã hague.

Apostolkuéra 26:22

Ñanderuete oñangareko ha chepytyvõ porã haguére che aikove gueteri ko’ág̃a peve, ha che añembo’y amombe’u hag̃ua umi mba’e ojehechaukava’ekue chéve michĩva ha tuichávape. Añe’ẽvo amombe’u hekópe umi mba’e Moises ha umi proféta he’imava’ekue ojehuva’erãha Hesu Crísto rupi.

1 Corintoyguakuérape 12:13

Pe Pytu Porãmbáva añómente ningo ñande jajebautizava’ekue jaiko hag̃ua peteĩ tete ramo, taha’e Judaygua, térã tetã ambueygua; taha’e tembiguái térã patron; opavave ñande jajebautizava’ekue pe Pytu Porãmbáva rupínte.

Galaciayguakuérape 3:28

Hesu Cristopype ndaiporivéima Judaygua ni Greciaygua, ndaiporivéima tembiguái ni patron, ndaiporivéima kuimba’e ni kuña, opavave peẽ peiko peteĩ tekove pyahu Hesu Cristopype.

Galaciayguakuérape 6:17

Ko’águi rire, anive avave chemyangekõi, che ningo arekóma che retére Hesu Crísto márca.

Efesoyguakuérape 6:8

Peikuaa porãke, opaite pene rembiapo porã Ñanderuete omyengoviataha peẽme g̃uarã, taha’e tembiguái térã patron.

Deuteronómio 11:18

Upévagui pemoĩta ko’ã che ñe’ẽ pende py’a ha pene angapýpe, ha peñapytĩta techaukaha ramo pende po rehe, ha oĩta pende syva rehe pende resa pa’ũme (Deuteronómio 6,7).

Deuteronómio 6:8

Eñapytĩ peteĩ techaukaha apokytã ramo nde pyapy rehe, ha nde syva rehe, nde resakuéra pa’ũme, remomandu’a hag̃ua;

Colosayguakuérape 3:11

Oĩháme ko tekove reko pyahu ndojuavýi ojuehegui Greciaygua ha Judaygua, ipire’i oñekytĩ’óva (oñecircuncidáva) ha noñekytĩ’óiva, tetã ambueygua ha ka’aguygua (escítas), tembiguái ha jára; Hesu Crísto oĩ hag̃ua opaite mba’épe ha opavave rekovépe.

2 Timotéope 3:8

Jánes ha Jámbres (mokõi paje apohára) oñemoĩ haguéicha Moises rehe, péicha umi mbo’ehára japu oñemoĩ avei pe añetegua rehe, hi’ánga rembipota vai katu ojoko hatã ichupekuéra opensa vai hag̃uánte, upévare ha’ekuéra ndikatuvéima ojerovia.

Apocalípsis 11:18

Umi tetã ipochypa joa, ha og̃uahẽma avei ndepochyha ára ha oúma pe ára Nde rembojovake hag̃ua umi omanomava’ekuépe ha remyengovia hag̃ua ne rembiguaikuérape, Nde profetakuéra rembiapo ha umi heko potĩvape, taimichĩ térã taituicha, og̃uahẽmagui avei pe ára Nde rehundi hag̃ua umi ombyaívape ko yvy kóvape.

Apocalípsis 15:2

Ha ahecha peteĩ yguasu ita veráicha ojehe’áva tata reheve, ha hembe’ýpe oñembo’yhína umi ipu’akava’ekue upe mymba rehe, ha’ãnga rehe ha pe mymba número 666 rehe, ha ipópe oguerekopa hikuái Ñanderuete harpakuéra.

Apocalípsis 19:18

pe’u hag̃ua tetã ruvichakuéra ro’o, soldádo aty ruvicha ro’o, imbaretéva ro’o, kavaju ro’o ha hi’ariguakuéra ro’o, tembiguái ha tembiguai’ỹ ro’o, michĩva ha tuicháva ro’o.

Apocalípsis 19:20

Ha ojeapresa pe mymba ha pe proféta japu, pe ojapóva umi mba’e techapyrã (milagrokuéra) ombotavy hag̃ua tetãnguérape, oguerekóva pe mymba márca isyva térã ipóre, ha omomba’eguasuva’ekue pe mymba ra’ãngápe. Ko’ã mokõi oñemombo hekove reheve pe lágo tata ha azúfre hendývape.

Apocalípsis 19:5

Ha pe guapyha guasúguio oñehendu peteĩ ñe’ẽpu he’íva: Pemomba’eguasu Ñanderuetépe, opaite hembiguaikuéra pekyhyjéva guive ichugui, michĩva ha tuicháva.

Apocalípsis 20:12

Upéi ahecha umi omanomava’ekuépe, tuicháva ha michĩvape, oñembo’y hikuái pe guapyhaguasu renondépe, ha ojepe’a umi kuatiañe’ẽ, ojepe’a avei ambue kuatiañe’ẽ, kóva pe tekovete reheguáva, oñembojovake hag̃ua hembiapokuéra rehe, ojehai háicha umi kuatiañe’ẽme.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.

Apocalípsis 6:15

Ha opaite tetã ruvicha, mburuvichakuéra, umi mba’eita rerekoha, soldádo ruvichakuéra, karaiguasukuéra, opaite tembiguaikuéra ha ndaha’éiva guive tembiguái okañymba cerrokuérape oike hag̃ua itakuaguasúpe térã itaguasu pa’ũme,

Apocalípsis 7:3

ha ha’e he’i ichupekuéra: Anítei pejapovai yvy térã yguasu térã yvyra rakã rehe, ñamota’ãngapa (ñamarca) peve Ñanderuete rembiguaikuéra isyva rehe.