Apocalípsis 13:12

Ñanderuete Ñe’ẽ Porã 2015

Ko mymba kóva oiporu pe mymba tenondegua pu’aka hesa renondépe ha oñeha’ãmba opaite tetãyguakuéra omomba’eguasu hag̃ua pe mymba tenondeguápe, upe oguerekova’ekue hetére pe jekutu vai omano hag̃uáicha, ha okuera jevyva’ekue.

Referencias Cruzadas

2 Tesalonicayguakuérape 2:4

Ha’e oñemoĩta Ñanderuete rehe ha oñeha’ãmbáta ombyai hag̃ua Ñanderuete rembiapo ha ndorespetamo’ãi avavépe ni mba’evépe, upévare ha’e voi oguapýta avei Ñanderuete rogaguasúpe (témplope) ha he’íta ijehe ha’e Ñandejaraha.

Apocalípsis 13:2

Ha pe mymba che ahecháva ojogua peteĩ jaguarete hũme, ipo ha ipykuéra ojogua óso pykuérape, ijuru ojogua leõ jurúpe. Ha pe tejujaguaguasu (Satana) ome’ẽ ko mymba kóvape ipu’aka ha iguapyha oisãmbyhy hag̃ua.

Apocalípsis 13:8

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

Apocalípsis 14:11

Ha pe jehasa asyguasu ratatĩ ojupiva’erã ára atyguasu guive umi ára atyguasurãme ha umi omomba’eguasúva pe mymba ha ha’ãngápe ha opaite oguerekóva pe mymba réra márca ndopytu’umo’ãvéi ára ni pyharépe.

Apocalípsis 14:9

Upéi og̃uahẽ ambue yvága rembiguái, pe mbohapyha, ha he’i ñe’ẽ hatãme: Oimeraẽ tetãygua ohejáva oñemoĩ isyva térã ipóre pe mymba márca ha omomba’eguasu ichupe térã ha’ãngápe,

Apocalípsis 16:2

Ha oho pe yvága rembiguái peteĩha ha oñohẽvo iña’ẽmbégui yvy ári, (opaite tetãyguakuéra ári) oguerekóva guive pe mymba márca térã omomba’éva ha’ãngápe, osẽ hetére peteĩ ai vaiete ha hasyetéva.

Apocalípsis 17:8

Upe mymba rehecha oikova’ekue ha upéi ndaiporivéima, ojupi jevyva’erã pe yvykua pypukuetégui oñehundi jevy hag̃ua; ha umi tetãygua réra ojehai’ỹva pe tekovete kuatiañe’ẽme ipy’andyipáta ohechávo upe mymbápe, oikómiva ha ndaiporivéima ha upéi ou jevy.

Apocalípsis 19:20

Ha ojeapresa pe mymba ha pe proféta japu, pe ojapóva umi mba’e techapyrã (milagrokuéra) ombotavy hag̃ua tetãnguérape, oguerekóva pe mymba márca isyva térã ipóre, ha omomba’eguasuva’ekue pe mymba ra’ãngápe. Ko’ã mokõi oñemombo hekove reheve pe lágo tata ha azúfre hendývape.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.