Apocalípsis 13:1

Ñanderuete Ñe’ẽ Porã 2015

Ha che, Juan, añembo’ývo pe yguasu rembe’ýpe ahecha peteĩ mymba ñarõ ojupíva yguasúgui, oguerekóva 7 akã ha 10 hatĩ, umi 10 hatĩ ári oĩ 10 akã jeguaka (coróna), ha peteĩteĩ hatĩ jeguaka rehe ojehai peteĩ téra ivaietéva, oñe’ẽvaíva Ñanderuete rehe.

Referencias Cruzadas

Jeremías 5:22

Ndapekyhyjemo’ãi piko chehegui, he’i pende Ruete, ndaperyryimo’ãi piko che renondépe, amoĩma yvyku’i yguasu rembe’ýpe, hi’y ani hag̃ua ohasa upeguive, oñemopu’ã yvate ha okororõ vai ramojepe ndaikatúi ohasa upégui.

Daniel 11:36

Ha Síria retã ruvicha ojapóta ojaposéva, ha oñembotuicha ha oñemomba’eguasuva’erã opaichagua jára ári, ha pe Jára ruvichaguasu rehe oñe’ẽvaíta, ha osẽ porãmbáta ichupe g̃uarã Ñanderuete ipochy peve; ha umi mba’e Ñanderuete oipotáva katuete ojehúta avei.

Daniel 2:41

Nde rehecha ipy ha ipysãnguéra ojejapo ñay’ũ jypyre ha hiérrogui, péva he’ise upe tetãguasu ndojojamo’ãi, oñemboja’óta uvei, oĩgui ipype hiérro ojehe’áva ñay’ũ jypyre reheve rehecha haguéicha.

Apocalípsis 11:7

Ha ha’ekuéra ojapopávo hembiapo, pe mymba vai ojupíta pe yvykua pypukuetégui (yvypore’ỹgui) oñorãirõ hag̃ua hendivekuéra ha ombopoguy rire, ojukáta ichupekuéra.

Apocalípsis 12:3

Ha ojehecha ambue techaukaha ára rehe. Peteĩ tejujaguaguasu pytãva, 7 iñakã ha 10 hatĩva, ha umi 7 iñakã ári oĩ 7 akã jeguaka (coróna).

Apocalípsis 13:11

Ha ahecha ambue mymba ojupíva yvýgui, hatĩ mokõiva Ovechara’y ratĩcha, ha oñe’ẽ tejujaguaguasúicha.

Apocalípsis 13:14

ombotavy hag̃ua ichupekuéra umi mba’e techapyrã rupi, oñeme’ẽgui ichupe pu’aka ojapo hag̃ua ko’ã mba’e techapyrãva pe mymba tenondegua resa renondépe, oguerekova’ekue pe jekutu vai kyse pukuetégui ha oikove jevy, upévare upe mymba mokõiha ojapouka peteĩ ta’ãnga tuicháva upe mymba tenondeguápe g̃uarã.

Apocalípsis 13:15

Ha oñeme’ẽ ichupe pu’aka omombytu hag̃ua upe mymba ra’ãngápe, kóva oñe’ẽ ha ojukauka hag̃ua opaite yvyariguápe omomba’eguasu’ỹva upe mymba tenondeguávape.

Apocalípsis 15:2

Ha ahecha peteĩ yguasu ita veráicha ojehe’áva tata reheve, ha hembe’ýpe oñembo’yhína umi ipu’akava’ekue upe mymba rehe, ha’ãnga rehe ha pe mymba número 666 rehe, ha ipópe oguerekopa hikuái Ñanderuete harpakuéra.

Apocalípsis 16:13

Ha che, Juan, ahecha osẽha tejujagua jurúgui, upe mymba jurúgui ha upe mymba proféta jurúgui mbohapy pytu vai, ojoguáva kururúpe.

Apocalípsis 17:16

Ha umi 10 hatĩ rehecháva upe mymba rehe, umíva ndaija’emo’ãvéi upe kuña reko vai rehe ha opoíta ichugui, ombo’opívota ichupe, omokõta upe kuña reko vai ro’o ha ipahápe ohapýta ichupe.

Apocalípsis 17:3

Ha pe yvága rembiguái chegueraha che pytúpe desiértope, upépe che ahecha pe kuña reko vai oguapyvahína peteĩ mymba pytãva ári, henyhẽ heta ñe’ẽvaígui ha oñemoĩva Ñanderuete rehe. Upe mymba 7 iñakã ha 10 hatĩ.

Apocalípsis 17:5

Ha isyváre ojehai: Mba’e ñemimby (secréto) Babilónia pe tavaguasuete, pe teko vai ha teko ky’a sy.

Apocalípsis 19:19

Ha ahecha pe mymba, tetã ruvichakuéra ha isoldádo atykuérape, oñembyatýma ojeity hag̃ua pe oguapýva kavaju morotĩ ári ha isoldádo aty ári.