Apocalípsis 12:8

Ñanderuete Ñe’ẽ Porã 2015

pe tejujaguaguasu katu ndaipu’akái Miguel rehe ha pe tejujaguaguasúpe g̃uarã ndojejohuvéima hendag̃ua yvágape.

Referencias Cruzadas

Job 20:9

Umi tesa ohechava’ekue ichupe, ndohechaveiva’erã ichupe, ha hogayguakuéra ndoikuaavéima ichupe.

Job 7:10

Ndojevymo’ãi hógape, ha hogayguakuéra hesaráita ichugui.

Job 8:18

Oñemondoro ramo hendágui, hendague ombotovéta ichupe ha he’íta: Araka’eve ndorohechaiva’ekue.

Salmokuéra 129:2

Che mitãrusu ára guive chejopyeterei hikuái, ha’ekuéra katu ndaipu’akái cherehe (Jerusalen rehe).

Salmokuéra 13:4

Ani hag̃ua cherayhu’ỹva he’i: Chepu’aka hese. Anítei ovy’aite umi cherehe ija’e’ỹva, che añepysãnga ramo.

Salmokuéra 37:10

Ndahi’aremo’ãvéima ha umi iñañáva ndoikomo’ãvéi, ha rema’ẽ jevy ramo ha’ekuéra oiko haguépe ndaiporimo’ãvéima avave.

Jeremías 1:19

Ha’ekuéra oñemoĩta nderehe, ndaipu’akamo’ãi katu nderehe; Che voi aĩgui nendive roguenohẽ jevy hag̃ua ipoguykuéragui, he’i nde Jára.

Jeremías 5:22

Ndapekyhyjemo’ãi piko chehegui, he’i pende Ruete, ndaperyryimo’ãi piko che renondépe, amoĩma yvyku’i yguasu rembe’ýpe, hi’y ani hag̃ua ohasa upeguive, oñemopu’ã yvate ha okororõ vai ramojepe ndaikatúi ohasa upégui.

Matéo 16:18

Ha Che ha’e ndéve, nde ha’eha Pédro, ha ko itaguasu kóva ári amopu’ãta che iglésia ha pe aña retã ndaipu’akamo’ãi hese.

Apostolkuéra 1:25

oiko hag̃ua ore apostolkuéra apytépe ha oñeme’ẽ hag̃ua avei ichupe pe apóstol rembiaporã Júdas rendaguépe, ha’e ojeímagui ore apytégui oho hag̃ua hendag̃uáme.

Júdas 1:6

Ha umi yvága rembiguaikuéra (angelkuéra) oiko’ỹva’ekue heko ypykuépe, ha opoi haguére heko ypykuégui Ha’e oñapytĩ ha oñongatu tapia g̃uarã pytũmbýpe (infiérnope) oñembojovake hag̃ua pe ára pahápe,

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.

Apocalípsis 12:7

Ha oiko peteĩ ñorãirõguasu yvágape, pe yvága rembiguaiguasu Miguel hi’angelkuéra ndive oñorãirõ pe tejujaguaguasu ndive ha hi’angelkuéra omoirũ avei ichupe,

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.

Apocalípsis 20:11

Ha che, Juan, ahecha pe guapyhaguasu morotĩ ha pe oguapýva hi’ári, ha hovakégui okañy pe yvy ha pe ára, ha ndojejohuvéima mamove.