Apocalípsis 12:7

Ñanderuete Ñe’ẽ Porã 2015

Ha oiko peteĩ ñorãirõguasu yvágape, pe yvága rembiguaiguasu Miguel hi’angelkuéra ndive oñorãirõ pe tejujaguaguasu ndive ha hi’angelkuéra omoirũ avei ichupe,

Referencias Cruzadas

Salmokuéra 78:49

Hi’angelkuéra rupi Ha’e oity hi’ári ipochy, iñeko’õi, ipy’aro ha ijejopy vai.

Isaías 34:5

Che pochy henyhẽma ku víno omyenyhẽ háicha oka’úvape, ha che kyse puku oguejýta yvágagui Edom ári ohundi hag̃ua ichupekuéra.

Isaías 55:4

Peikuaa porãke, Che ahenoi ha amoĩkuri ichupe techahare ramo, mburuvicha guasu ha mbo’ehára ramo tetãnguérape g̃uarã.

Daniel 10:13

Pe Pérsia retã ruvicha pytu vai katu oñemoĩ cherehe ha chejoko 21 ára pukukue; upéi Miguel, yvága rembiguaiguasu ou chepytyvõ hag̃ua, ha opyta Pérsia retã ruvicha ndive (che aju hag̃ua ne rendápe),

Daniel 10:21

Che amombe’use raẽ ndéve umi mba’e oĩva pe kuatiañe’ẽ añeteguápe, avave katu nachepytyvõi añorãirõ hag̃ua hendivekuéra, pende yvága rembiguaiguasu Miguel añoiténte.

Daniel 12:1

Umi ára umívape opu’ãva’erã Miguel, peteĩ yvága rembiguái ruvicha, oñangarekóva ne retã ra’ykuéra rehe ha umi árape og̃uahẽta jehasa asyguasuete araka’eve oiko’ỹ haguéicha, oĩ guive tapichakuéra ko yvy apére, ha umi árape ojesalváta ne retãyguakuéra, opaite téra ojehaíva guive pe kuatiañe’ẽme.

Matéo 13:41

Yvyarigua Ra’y omondóta ijyvága rembiguaikuérape ombyaty ha omosẽ hag̃ua Ñanderuete retãguasúgui opaite umi oporomoñepysãngava’ekue ha hembiapo vaívape,

Matéo 16:27

Yvyarigua Ra’y ningo ouva’erã Itúva reko jajaipápe hi’angelkuéra ndive, ha upépe ohepyme’ẽta peteĩteĩvape hembiapokue repy.

Matéo 24:31

Ha Ha’e omondóta yvága rembiguaikuéra turupuguasu reheve, ombyaty hag̃ua iporavopyrekuérape umi irundyve yvytúguio, pe ára apýra peteĩguio ambue ára apýra peve.

Matéo 25:41

Upéi pe Tetã Ruvicha he’íta umi ijasu gotyoguápe: Pejei che ypýgui peẽ tekove ñañaita ha tapeho pe tata rendy apyre’ỹme oñembosako’imava’ekue pe aña ha umi aña retã rembiguaikuérape g̃uarã.

Matéo 26:53

Térãpa reimo’ã ndaikatuiha añembo’e che Ruetépe, ha katuete Ha’e ombo’úta ko’ag̃aite che rendápe hetave 72.000 yvága rembiguaikuéragui.

2 Corintoyguakuérape 12:7

Ha ani hag̃ua che añembotuichaiterei pe ojehechaukava’ekue rehe chéve, oñemoĩ che retépe peteĩ ñuatĩ hakua chekutúva, peteĩ Satana ángel cherovapeteva’erã, ani hag̃ua che añembotuichaiterei.

Efesoyguakuérape 6:12

Ñande ningo nañañorãirõi tuguy ha to’o ndive (ñande rapicha ndive), ñande ñañorãirõ uvei umi mburuvichaguasu yvategua ndive (Satana ndive), umi mburuvichaguasu hesaitéva ndive, umi oisãmbyhýva ko múndo pytũ meguápe, umi pytu ñaña mba’epochy yvága pegua ndive.

2 Tesalonicayguakuérape 1:7

Ha’e ñanembopytu’úta ñandéve upe jehasa asýgui, Hesu Crísto ouha ára yvágagui hembiguái (hi’ángel) atyguasu ndive,

hebreoyguakuerape 2:10

Ñanderuetépe g̃uarã ojejapo opaite mba’e ha Ha’érupi opaite mba’e oikohína avei. Ñanderuete ogueru heta ta’ýra ha tajýra isalvacion rapépe Hesu Crísto ñemano rupi. Hesu Crísto ohasa asyetégui hekovépe heko oĩ porãmba hag̃ua.

2 Pédro 2:4

Ñanderuete noperdonaiva’ekue umi yvága rembiguaikuéra (angelkuéra) oñemohembiapo vaiva’ekuépe, oity uvei ichupekuéra pe tenda pypukuetépe (infiérnope) oñembosako’imava’ekue Satanáme g̃uarã, ha upépe Ha’e oñongatu ichupekuéra pe ñembojovakeha árape g̃uarã.

Júdas 1:9

Miguel, pe yvága rembiguái ruvicha, oñorãirõ ramoguare Moises retekue rehe Satana ndive noñe’ẽvaíri ni nombojovakeséi ichupe, he’ínte: Ñanderuete tandeja’o.

Apocalípsis 12:8

pe tejujaguaguasu katu ndaipu’akái Miguel rehe ha pe tejujaguaguasúpe g̃uarã ndojejohuvéima hendag̃ua yvágape.

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.

Apocalípsis 13:7

Ha oñeme’ẽ ichupe pu’aka oñorãirõ ha ombopoguy hag̃ua umi heko potĩvape, ha oiko hag̃ua mburuvichaguasu ramo, oisãmbyhývo opaite tetãyguakuéra, ñe’ẽnguéra, tribukuéra ha tetãnguérape.

Apocalípsis 20:2

ha ha’e ojapyhy pe tejujaguaguasúpe, pe mbói ymaitegua, pe aña, pe mba’epochy térã Satanáme, ha oñapytĩ ichupe 1.000 áño pukukue.