Apocalípsis 12:4

Ñanderuete Ñe’ẽ Porã 2015

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Referencias Cruzadas

Éxodo 1:16

Umi kuña Israelgua imemby ramo mitãkuimba’e pejuka ha kuña ramo peheja toikove.

Isaías 27:1

Upe ára upévape Ñanderuete ohaviráta ikyse puku hãimbépe pe leviatan tuicha (tejujaguaguasuete nunga) ha imbaretévape, pe mbói ipya’etévape (Asíriape); ha leviatan, pe mboiguasuete okañývape (Babilóniape); Ha’e ojukáta pe tejujaguápe oikóva yguasúpe (Egíptope).

Juan 8:44

Peẽ ningo Satana ra’ykuéra, Satana pende ru ha pejaposénte pende ru rembipota vai. Ha’e ningo oporojuka ñepyrũ guive, ha’e ndoguatái añetegua rapére, ipype ningo noĩri voi pe añetegua. Oñe’ẽ guive ijapu, ipy’apýgui osẽ pe japu, ha’e ningo pe japu ruvicha voi.

1 Pédro 5:8

Peñemoakãguapy ha peñeñangarekóke, pe mba’epochy (Satana) penerãirõséva oikógui pende jerekuévo, leõ okororõvaicha, ha oheka mavapépa ho’úta.

Apocalípsis 12:7

Ha oiko peteĩ ñorãirõguasu yvágape, pe yvága rembiguaiguasu Miguel hi’angelkuéra ndive oñorãirõ pe tejujaguaguasu ndive ha hi’angelkuéra omoirũ avei ichupe,

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.

Apocalípsis 13:2

Ha pe mymba che ahecháva ojogua peteĩ jaguarete hũme, ipo ha ipykuéra ojogua óso pykuérape, ijuru ojogua leõ jurúpe. Ha pe tejujaguaguasu (Satana) ome’ẽ ko mymba kóvape ipu’aka ha iguapyha oisãmbyhy hag̃ua.

Apocalípsis 13:4

Umi tetãyguakuéra omomba’eguasu pe tejujaguápe ome’ẽ haguére ko mymbápe pu’aka ha omomba’eguasu hikuái avei ko mymba kóvape ha he’i hikuái: Mávapa ojogua ko mymba kóvape, ha mávapa ikatu oñorãirõ hendive.

Apocalípsis 16:13

Ha che, Juan, ahecha osẽha tejujagua jurúgui, upe mymba jurúgui ha upe mymba proféta jurúgui mbohapy pytu vai, ojoguáva kururúpe.

Apocalípsis 17:18

Ha upe kuña reko vai rehecháva ningo upéva ha’e pe tavaguasuete oisãmbyhýva tetãnguéra ruvichakuérape.

Apocalípsis 20:2

ha ha’e ojapyhy pe tejujaguaguasúpe, pe mbói ymaitegua, pe aña, pe mba’epochy térã Satanáme, ha oñapytĩ ichupe 1.000 áño pukukue.

Apocalípsis 8:10

Ha pe yvága rembiguái mbohapyha ombopúvo ituru peteĩ jasytata ndetuicha hendýva tata rendýicha ho’a áragui ha ho’a opaite ysyry ha yvu párte mbohapyha ári.

Apocalípsis 8:11

Ha upe jasytata réra ningo ajénjo (ka’avo iroitéva) ha pe párte (vore) mbohapyha ýgui opyta iropa, ha heta tetãyguakuéra omano pe y rupi, iroitégui.

Apocalípsis 8:12

Ha pe yvága rembiguái irundyha ombopúvo ituru pe kuarahy párte mbohapyha ha pe jasy párte mbohapyha ha umi jasytata párte mbohapyha iñypytũmba ha ndohesapevéi pe ára, ha upéicha avei pe pyhare párte mbohapyha.

Apocalípsis 8:7

Ha pe yvága rembiguái peteĩha ombopúvo ituru ho’a yvy ári amandáu ha tata ojehe’áva tuguy reheve, ha okái pe yvy párte mbohapyha (vore mbohapyha) yvy apégui, ha pe yvyra párte mbohapyha ha opaichagua kapi’i hovýva okái avei.

Apocalípsis 8:8

Ha pe yvága rembiguái mokõiha ombopúvo ituru ho’a peteĩ mba’e ndetuichaitéva yguasúpe, peteĩ mba’e ojoguáva cérro hendývape, ha pe yguasu pegua párte mbohapyhágui oiko tuguy.

Apocalípsis 8:9

Ha pe párte mbohapyha umi yvyarigua oikóva guive yguasúpe omano, ha pe párte mbohapyha barcokuéra apytégui oñehundipa avei.

Apocalípsis 9:10

Huguái alacran popĩaicha térã ñuatĩcha ombohasy hag̃ua tetãyguakuérape 5 jasy pukukue rupi.

Apocalípsis 9:19

Umi kavaju pu’aka ningo oĩ ijurúpe ha huguáipe; huguaikuéra ningo ojogua mbói akãme, ha umíva rupi oporombyai.