Apocalípsis 12:3

Ñanderuete Ñe’ẽ Porã 2015

Ha ojehecha ambue techaukaha ára rehe. Peteĩ tejujaguaguasu pytãva, 7 iñakã ha 10 hatĩva, ha umi 7 iñakã ári oĩ 7 akã jeguaka (coróna).

Referencias Cruzadas

Isaías 27:1

Upe ára upévape Ñanderuete ohaviráta ikyse puku hãimbépe pe leviatan tuicha (tejujaguaguasuete nunga) ha imbaretévape, pe mbói ipya’etévape (Asíriape); ha leviatan, pe mboiguasuete okañývape (Babilóniape); Ha’e ojukáta pe tejujaguápe oikóva yguasúpe (Egíptope).

Isaías 51:9

Epaymi, ore Ruete, epaymi, eiporúna nde pu’aka, epáy ku ára ohasa ramoguaréicha, ore ypykuéra oiko ramoguaréicha. Nandéi piko ra’e Rahab kytĩhare, ha pe tejujagua kutuhare.

Isaías 9:15

Israel akã ningo umi karai anciáno ha mbo’ehára, huguái katu karai umi proféta japu.

Daniel 2:41

Nde rehecha ipy ha ipysãnguéra ojejapo ñay’ũ jypyre ha hiérrogui, péva he’ise upe tetãguasu ndojojamo’ãi, oñemboja’óta uvei, oĩgui ipype hiérro ojehe’áva ñay’ũ jypyre reheve rehecha haguéicha.

Daniel 2:42

Nde rehecha pe hiérro ojehe’a ñay’ũ jypyre reheve, upéva he’ise: Oñombyatyva’erã tetãnguéra menda rupi; ndojoajumo’ãi katu añetehápe ojuehe, pe hiérro ndojehe’ái háicha avei ñay’ũ jypyre rehe.

Daniel 7:20

ha aikuaase avei mba’épa he’ise umi 10 hatĩ iñakã rehe oĩva, ha peteĩ osẽ jevyva’ekue iñakãgui ambue mbohapy rendaguépe. Ko hatĩ kóva hesáma, ha avei ijurúma, ha he’íva mba’eguasu, ha ha’ete ituichaveha iñirũnguéragui.

Daniel 7:24

Ha umi 10 hatĩ he’ise pe tetãguasúgui opu’ãta 10 tetã ruvicha; ha upéi opu’ãta ambue tetã ruvicha iñambuéva umi 10 tetã ruvicha apytégui, ha upéva oitýta mbohapy tetã ruvichápe.

Apocalípsis 12:1

Ha ojehecha ára rehe, peteĩ techaukaha (señal) ndetuicháva: Peteĩ kuña oñemondéva kuarahýpe ha pe jasy oĩ ipy guýpe, ha iñakã ári oĩ peteĩ akã jeguaka (coróna) oguerekóva 12 jasytata.

Apocalípsis 12:13

Ha pe tejujagua ohechávo oñemombo hague yvy ári omuña pe kuñáme, imembyva’ekue peteĩ mitãkuimba’épe.

Apocalípsis 12:17

Ipochyeterei pe tejujagua pe kuña ndive, upévare oho oñorãirõ hag̃ua ambue iñemoñare ndive, umi ojapóva Ñanderuete rembiapoukapykuéra ha ojeroviáva Hesu Crísto rehe.

Apocalípsis 12:4

Huguáipe ombotyryry jasytata apytégui mbohapyha párte (vore) ha oity yvy ári. Ha pe tejujagua oñembo’y pe kuña imembymbotáva renondépe, ha imembývo omokõ hag̃ua imembýpe.

Apocalípsis 12:7

Ha oiko peteĩ ñorãirõguasu yvágape, pe yvága rembiguaiguasu Miguel hi’angelkuéra ndive oñorãirõ pe tejujaguaguasu ndive ha hi’angelkuéra omoirũ avei ichupe,

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.

Apocalípsis 13:1

Ha che, Juan, añembo’ývo pe yguasu rembe’ýpe ahecha peteĩ mymba ñarõ ojupíva yguasúgui, oguerekóva 7 akã ha 10 hatĩ, umi 10 hatĩ ári oĩ 10 akã jeguaka (coróna), ha peteĩteĩ hatĩ jeguaka rehe ojehai peteĩ téra ivaietéva, oñe’ẽvaíva Ñanderuete rehe.

Apocalípsis 13:2

Ha pe mymba che ahecháva ojogua peteĩ jaguarete hũme, ipo ha ipykuéra ojogua óso pykuérape, ijuru ojogua leõ jurúpe. Ha pe tejujaguaguasu (Satana) ome’ẽ ko mymba kóvape ipu’aka ha iguapyha oisãmbyhy hag̃ua.

Apocalípsis 13:4

Umi tetãyguakuéra omomba’eguasu pe tejujaguápe ome’ẽ haguére ko mymbápe pu’aka ha omomba’eguasu hikuái avei ko mymba kóvape ha he’i hikuái: Mávapa ojogua ko mymba kóvape, ha mávapa ikatu oñorãirõ hendive.

Apocalípsis 15:1

Ha che, Juan, ahecha ambue techaukaha (señal) ndetuicháva ára rehe: 7 yvága rembiguái ogueraháva umi 7 plága paha, ha umíva oikopa rire opa avei Ñanderuete pochy.

Apocalípsis 16:13

Ha che, Juan, ahecha osẽha tejujagua jurúgui, upe mymba jurúgui ha upe mymba proféta jurúgui mbohapy pytu vai, ojoguáva kururúpe.

Apocalípsis 17:12

Umi 10 tatĩ rehecháva ningo 10 tetã ruvicha, ha’ekuéra noisãmbyhýi gueteri, oisãmbyhýta upe mymba oñepyrũvo oisãmbyhy.

Apocalípsis 17:16

Ha umi 10 hatĩ rehecháva upe mymba rehe, umíva ndaija’emo’ãvéi upe kuña reko vai rehe ha opoíta ichugui, ombo’opívota ichupe, omokõta upe kuña reko vai ro’o ha ipahápe ohapýta ichupe.

Apocalípsis 17:7

Ha pe yvága rembiguái oporandu chéve: Mba’érehepa nepy’andýi repytávo. Che voi ningo amombe’úta ndéve upe kuña reko vai ha upe mymba mba’e ñemimbýgui. Kuña oguapýva pe mymba ári, ha upe mymba oguerekóva 7 akã ha 10 hatĩ.

Apocalípsis 19:12

Hesakuéra tatarendýicha ha iñakã ári oĩ heta akã jeguaka (coróna), ha héra ojehaíma, avave ndoikuaái katu, Ha’e añoitémante.

Apocalípsis 20:2

ha ha’e ojapyhy pe tejujaguaguasúpe, pe mbói ymaitegua, pe aña, pe mba’epochy térã Satanáme, ha oñapytĩ ichupe 1.000 áño pukukue.