Apocalípsis 12:1

Ñanderuete Ñe’ẽ Porã 2015

Ha ojehecha ára rehe, peteĩ techaukaha (señal) ndetuicháva: Peteĩ kuña oñemondéva kuarahýpe ha pe jasy oĩ ipy guýpe, ha iñakã ári oĩ peteĩ akã jeguaka (coróna) oguerekóva 12 jasytata.

Referencias Cruzadas

2 Crónicas 32:31

Ha umi temimbou, Babilónia ruvichakuéra ombouva’ekue, oikuaase pe techapyrãguasuete ojehuva’ekue hetãpýpe; Ñanderuete katu oheja ichupe ojepy’ara’ã hag̃ua, ha ohechauka hag̃ua umi mba’e oĩva guive ipy’apýpe.

Salmokuéra 104:2

Nde reñeñu’ã tesapépe, ku pónchope oñemonde háicha, ha Nde rejepyso umi yvága ojepyso háicha peteĩ cárpa óga ape ári.

Salmokuéra 84:11

Ñanderuete ñanemo’ã porã ha kuarahýicha ñanderesape. Jeporiahuvereko ha terakuã porã Ñanderuete ome’ẽkuaa. Ha umi heko potĩvape Ha’e ohovasava’erã.

Cantar de los cantáres 6:10

Máva piko ku ko’ẽjúicha iñapysẽva, jasýicha iporãitéva, kuarahýicha oñemyesakãva, ha oporomopy’andýiva ku ñorãirõhára atýicha.

Isaías 61:10

Chepy’aroryetéta Ñanderuete ndive, che ánga ovy’aitéta che Jára ndive, chemonde haguére isalvacion pegua aópe ha cheñuã ijustícia rehegua ahojápe, ku omendátava peguáicha chembojeguaka hikuái, oñembojeguaka háicha kuñataĩ omendátava ijeguaka hepývape.

Isaías 62:3

Ha reikóta Ñanderuete pópe tetã ruvicha akã jeguaka ramo ha tetãnguéra techaukaha ramo nde Jára pópe.

Zacarías 9:16

Ha Ñanderuete oipytyvõta ichupekuéra, upe ára upévape Ha’e oñangarekóta hetãre peteĩ ovecha rerekuáicha oñangarekóva ijovecháre, ha hetãtee omimbíta itaveráicha akã jeguaka peguáicha.

Malaquías 4:2

Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.

Matéo 12:38

Umi kuatia haihára ha fariseokuéra ombohovái ichupe ha he’i: Nde, mbo’ehára, ore rohechase techaukaha (señal) rejapóva nde po rupi.

Matéo 24:30

Ha ojehechaukáta ára rehe pe yvyarigua Ra’y techaukaha; ha opaite yvyariguakuéra oĩva guive yvy apére ojahe’opa joáta oñembyasýgui ha ohechava’erã pe yvyarigua Ra’y oúva arai ári ipu’akaguasu ha heko jajaipa reheve.

Márcos 13:25

Mbyjakuéra ho’áta áragui, ha yvága pu’akakuéra oñemonguepáta.

Lúcas 21:11

Oikova’erã yvy ryryiguasuete ha heta tetãme oĩta ñembyahýi ha mba’asy vai oñemyasãitava ohóvo. Oĩta ñemondyiguasu, ha techaukahaguasu ojehechaukáta ára yvate rehe.

Lúcas 21:25

Upérõ ojehechava’erã techaukaha (señal) kuarahy, jasy ha jasytata rehe, ha yvy apére oñemyasãita ohóvo kyhyjeguasu tetãnguéra apytépe pe yguasu ipochyetégui ha umi yapenúgui ijyvate.

Juan 3:29

Pe hembirekorãva, péva pe menarã; pe ohayhúva pe menarãme omoirũ ichupe ha ovy’a ohendu guive iñe’ẽ, ha pe vy’a péva che ahupitýma ko’ág̃a.

Apostolkuéra 2:19

Ha ahechaukáta milagrokuéra yvate ára rehe ha yvy apére oikóta techaukahakuéra: Tuguy, tata ha tatatĩ,

Romayguakuérape 13:14

Upéva rãngue peñemonde Hesu Crísto mborayhúpe, ha peñeñangarekóke ani hag̃ua peñeme’ẽ jevy pende rete rembipota vaípe.

Romayguakuérape 3:22

Ha pe tape pyahu rupínte ojehupity Ñanderuete justícia. Ha Hesu Crísto voi ningo Ñanderuete rape pyahu, ambue tape ndaipórigui.

2 Corintoyguakuérape 11:2

Cherakate’ỹ ningo penderehe Ñanderuete rakate’ỹ reheve, che pomomenda peteĩ kuñataĩ imarã’ỹvaicha peteĩ ména rehe año: Hesu Crísto rehe.

Galaciayguakuérape 3:27

Opaite peẽ pejebautizaukáma Hesu Cristopype, peñemondéma Hesu Crístogui (oñembohekóma Crísto rekógui).

Galaciayguakuérape 4:26

Pe Jerusalen yvategua katu, peteĩ kuña isãsóva, upéva ningo ñande sy.

Galaciayguakuérape 6:14

Mba’evéicharamo ndaijái che ajererovu hag̃ua, Hesu Crísto kurusúrente uvei. Ha’érupi che amanóma ko yvy rekópe g̃uarã, ha ko yvy reko omanóma avei chéve g̃uarã.

Efesoyguakuérape 5:32

Ko ñemimby mba’eguasu chéverõ g̃uarã oñe’ẽ Hesu Crísto ha ijiglésia rehe.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 11:19

Ha ojepe’a Ñanderuete rogaguasu oĩva yvágape ha ojehecha pe karameg̃ua, péva rupi ojehechauka Ñanderuete oñembopy’apeteĩ hague Israel retã ndive, ha oiko aratiri, ñe’ẽpu, arasunu, yvyryrýi ha amandauguasu.

Apocalípsis 12:3

Ha ojehecha ambue techaukaha ára rehe. Peteĩ tejujaguaguasu pytãva, 7 iñakã ha 10 hatĩva, ha umi 7 iñakã ári oĩ 7 akã jeguaka (coróna).

Apocalípsis 15:1

Ha che, Juan, ahecha ambue techaukaha (señal) ndetuicháva ára rehe: 7 yvága rembiguái ogueraháva umi 7 plága paha, ha umíva oikopa rire opa avei Ñanderuete pochy.

Apocalípsis 21:14

Pe tavaguasu tápia oguapy 12 itaguasu ári, peteĩteĩ ko’ã itaguasúre ojehai peteĩ apóstol réra.

Apocalípsis 21:23

Ha pe tavaguasu noikotevẽi kuarahy térã jasy rehe ohesape hag̃ua ipype, Ñanderuete reko jajaipa, ohesape ipype, ha péva ningo pe Ovecha Ra’y voihína.