Apocalípsis 11:8

Ñanderuete Ñe’ẽ Porã 2015

Hetekuekuéra ojehejáta ojepyso pe távaguasu cállepe, oñembohérava Pytu rehegua ñe’ẽme Sodóma térã Egípto, upépe oñemosãingova’ekue avei kurusúre Ijárape.

Referencias Cruzadas

Genesis 13:13

Ha umi kuimba’e Sodomaygua iñañaiterei ha heko vai Ñanderuete renondépe.

Genesis 19:24

Upévo Ñanderuete oity Sodóma ha Gomórra ári itaysy (azúfre) ha tata ára guive.

Éxodo 20:2

Che ningo Jahve, pende Ruete, poguenohẽva’ekue Egípto retãgui, tembiguái reko poguýgui.

Éxodo 3:7

Upéi Ñanderuete he’i: Ahecha porã Israelguakuéra ojepy’apyetereiha oiko asýgui Egíptope, ha ahendu ipyahẽita imyangekõihára rupi; ha aikuaa ojepy’apy asyetereiha hikuái.

Isaías 3:9

Hova atã oñe’ẽ hesekuéra, Sodóma peguáicha omyasãi hembiapo vai, noñomivéima mba’eve. Angái, angái hi’angakuéra, omono’õ no’õgui ijupe g̃uarã mba’evai.

Jeremías 23:14

Ha umi proféta Jerusalen pegua ojapo avei mba’evaiete: Oporomyakã ratĩ hikuái, oporombotavy hikuái ha omombarete umi iñañávape heko vaípe, ani hag̃ua avave opoi heko ñañágui; ha’ekuéra ha hetãyguakuéra ojogua Sodóma ha Gomorrayguápe.

Jeremías 26:23

ogueru jevy hag̃ua Uríaspe Egíptogui, ha ogueru ichupe tetã ruvicha Joacim rendápe, ha ha’e ojuka ichupe kyse pukúpe, ha hetekue oity umi mboriahu retekue oñeñotỹháme.

Ezequiel 16:46

Ha nde kypy’y Samária imemby kuñakuéra ndive, oikóva nórte gotýo ndehegui; ha Sodóma imemby kuñakuéra ndive, ne ambue ryke oikóva sur gotýo ndehegui.

Ezequiel 16:49

Eikuaa porãke, kóa ningo nde kypy’y Sodóma ñañangue: Oñembotuicháva, ha’énte okaru porãse, ha’e ha imemby kuñakuéra oiko teko reipópe; ha noipytyvõséi pe ojepy’apy vaíva ni imboriahúvape.

Ezequiel 23:19

Ha’e omboheta hetave ikuña reko vai ha imandu’a jevy ikuñataĩ ára rehe, umi ára oiko ramoguare kuña reko vai ramo Egípto retãme.

Ezequiel 23:27

Ha Che aipe’áta ndehegui ne kuña reko vai ha nde reko ky’a rejapóva Egípto retãme; anive hag̃ua rejesarekove hesekuéra ha nanemandu’avéi hag̃ua Egípto rehe.

Ezequiel 23:3

ha mokõivéva oiko kuña reko vai ramo Egípto retãme; ikuñataĩ ára guive oñemongy’a hikuái. Upépe ojepoko ipyti’áre, upépe ojejopy ikuñataĩ káma rehe.

Ezequiel 23:8

Ndopoíri katu heko vaígui Egíptoygua ndive, imitã ára guive oñeno heta ndive, ha’ekuéra ojopy ikuñataĩ pyti’áre ha ha’ekuéra oiko hendivekuéra kuña reko vai ramo.

Ezequiel 37:11

Upéi Ha’e he’i chéve: Kuimba’e ra’y, ko’ã kangue ningo Israel retãyguakuéra voi. Eikuaa porãke, ha’ekuéra péicha he’i: Ore kanguekuéra ikãmba ha ore jerovia opa rei, roñehundipapyréma ore,

Amos 4:11

Sarambi ajapóta pendehegui ku ajapo haguéicha Sodóma ha Gomórrape, ha peikóta ku tata’ýicha hembyva’ekue tatágui, upeichavéramo jepe ndapejevýi che rendápe, he’i pende Ruete.

Matéo 10:15

Añetehápe Che ha’e peẽme upe ñembojovakeha árape ivevuivéta pe jehavira Sodóma ha Gomórra retãme g̃uarã, umi táva umívape g̃uarãgui.

Apostolkuéra 9:4

Ha Sáulo ho’ávo yvýre ohendu peteĩ ñe’ẽ he’íva ichupe: Sáulo, Sáulo mba’érehepa nde chepersegui.

hebreoyguakuerape 13:12

Upéicha avei Hesu Crísto omano pe tavaguasu okárape omopotĩ hag̃ua huguytee rupi tetãyguakuérape.

hebreoyguakuerape 6:6

ha uperire opoi jevýrõ hikuái (Hesu Crístogui); umíva ndaikatumo’ãvéima oñembyasyete jevy ojapo vai haguére, upe hembiapo vai rupi ha’ekuéra omosãingo jevýre Ñanderuete Ra’ýpe ikurusúre ha omotĩre Hesu Crístope.

2 Pédro 2:6

Ñanderuete ombokusuguepava’ekue avei umi táva Sodóma ha Gomórra; péva opyta techaukaha ramo oavisa hag̃ua umi tekove vaívape opoi hag̃ua hembiapo vaígui;

Júdas 1:7

upéicha avei Sodóma, Gomórra ha umi táva oĩva ijerekuévo ho’a teko ky’a vaietépe umi angelkuéraicha, ko’ã angelkuéra omboyke Ñanderuete rembipota, oiko hag̃ua avei tete iñambuéva rapykuéri, ko’ã mba’e ojehechauka ñandéve ñanembo’e hag̃ua, upévagui Ñanderuete oity ichupekuéra pe tataguasu tapia g̃uarãvape.

Apocalípsis 11:13

Ha upejave oiko yvyryryiguasu, ha pe óga atyguasu apytégui cáda óga 10-ha ho’a ha 7.000 hetãygua omano, ambuekuéra ohecháva guive umi mba’e oñemondyiete, ha omomba’eguasu Ñanderuete yvága peguápe.

Apocalípsis 11:9

Ha umi tetã, tribukuéra, opaichagua ñe’ẽ ha yvyariguakuéra oma’ẽ hetekuekuéra rehe mbohapy ára imédio pukukue ha ndohejamo’ãi oñeñotỹ hag̃ua ichupekuéra.

Apocalípsis 14:20

Ha mombyrymi pe tavaguasúgui opyrũ hikuái pe parral’a rehe, ko jehykue’o rendágui osẽ tuguy ohupitýva kavaju juru fréno peve, ha ipuku 307 kilómetro (61,4 légua).

Apocalípsis 14:8

Ha ambue yvága rembiguái mokõiha og̃uahẽvo he’i: Ho’áma, ho’áma Babilónia ndetuicháva, omonga’uva’ekue opaite tetãnguérape ivíno heko pochy reheguápe.

Apocalípsis 16:19

Ha pe tavaguasu (Jerusalen) ningo oñemboja’o mbohapy hendápe ha tetãnguéra tavakuéra ho’apa. Ha Ñanderuete imandu’a Babilónia, pe tavaguasuete rehe ho’uka hag̃ua ichupe iváso pochy reheguáva.

Apocalípsis 17:1

Ha peteĩ umi 7 yvága rembiguái oguerekóva umi 7 ña’ẽmbe ou che rendápe ha he’i: Eju, ahechaukáta ndéve pe kuña reko vai oñembojovakétavape, oisãmbyhýva iguapyhaguasúgui, oñemohendáva yeta rembe’ýpe,

Apocalípsis 17:18

Ha upe kuña reko vai rehecháva ningo upéva ha’e pe tavaguasuete oisãmbyhýva tetãnguéra ruvichakuérape.

Apocalípsis 17:5

Ha isyváre ojehai: Mba’e ñemimby (secréto) Babilónia pe tavaguasuete, pe teko vai ha teko ky’a sy.

Apocalípsis 18:10

Oñemomombyry hikuái ichugui okyhyjégui ijehavirágui ohupitýrõ g̃uarã avei ichupekuéra, ha he’i joa: Angái, angái, pe tavaguasuete, pe Babilónia tuichaitéva, peteĩ hórape reñehundi.

Apocalípsis 18:18

ha ohechávo pe tatatĩ ojupi ohóvo pe távagui he’i joa: Mba’eichagua táva piko ojoguára’e ko tavaguasu kóvape.

Apocalípsis 18:2

Ha’e osapukái ñe’ẽpu mbaretépe, he’ívo: Ho’áma, ho’áma Babilónia, pe tavaguasuete, ko’ág̃a oiko ichugui añanguéra róga, ha opaichagua pytu vai renda ha opaichagua guyra ky’a ha ojepota’ỹva raity.

Apocalípsis 18:21

Ha peteĩ yvága rembiguái mbarete ohupi peteĩ itaguasu, ita molíno reheguávaicha, ha oity yguasúpe, he’ívo: Peichaite, mbaretepópe, oñemombóta Babilónia, pe tavaguasuete, ha mamove ndojejohumo’ãvéima.

Apocalípsis 18:24

Ndepype ojejohu proféta ha heko potĩva ruguykue ha opaite umi ojejukava’ekue yvy ári.