Apocalípsis 11:5

Ñanderuete Ñe’ẽ Porã 2015

Ha oimeraẽva ojapo vaiséva hesekuéra ohasa asýta, osẽgui tata ko’ã techahare jurúgui ohapypáva hesekuéra ija’e’ỹvape. Ha oimeraẽ ohundiséva ko’ã techaharépe omanova’erã.

Referencias Cruzadas

Salmokuéra 18:8

Tatatĩ ojupi itĩgui ha tata oporombokusuguepáva osẽ ijurúgui, tatapỹi omyendýva oñemyasãi upérupi.

Isaías 11:4

ombojovakéta hekoitépe umi imboriahúvape, ha ijustíciape ombojovakéta umi tetãygua oñemomirĩvape, oinupãta katu umi iñañávape ha Ipytu Porãitépe ojukáta umi hese ojeroviase’ỹvape.

Jeremías 1:10

Ha ema’ẽ porãke, ko ára kóvape Che romoĩmaha tetã ha tetãguasukuéra ári, ha remondo rembyai hag̃ua, rehundi ha reity hag̃ua, remopu’ã ha reñotỹ hag̃ua.

Jeremías 5:14

Ñanderuete, Yvága Atykuéra Jára katu, he’i: Ha’ekuéra he’i haguére ko’ã mba’e, péina ápe Che amoĩta che ñe’ẽ nde jurúpe tatáicha, ko tetã kóvape amoĩta jepe’a ramo, ha ahapypáta ichupekuéra.

Ezequiel 43:3

Ha ko’ã mba’e ahecháva ojogua umi ambue mba’épe ojehechaukamava’ekue chéve payetépe Ha’e ou ramoguare ohundi hag̃ua Jerusalénpe; ko ahecháva payetépe ojogua avei pe ahechava’ekue payetépe Quebar ysyry rembe’ýpe; ha ajeity che rova yvýre.

Oséas 6:5

Upévagui Che poinupãta che proféta rupi, ha che juru ñe’ẽ rupi pojuka ha che pohavira ojehecha porãta ku tesape osẽvaicha.

Zacarías 1:6

Ha che ñe’ẽ ha che rembiapoukapykuéra ha’eva’ekue che rembiguái profetakuérape, ndohupitýipara’e pende rukuérape. Upévare ojevýkuri hikuái ha he’i: Ñanderuete ningo ojapopa hekoitépe, he’i haguéicha ñanderehe, ñande rapekuéra ha ñane rembiapokuéra rehe.

Zacarías 2:8

Péicha he’iuka ángel atykuéra Jára: Che añorãirõta che reko jajaipa rehehápe, ha Ha’e chemondóta umi tetã nemondapava’ekuépe, ha’e hag̃ua: Umi opokóva che retãyguakuéra rehe, opoko hesa ra’ỹitee rehe.

Apocalípsis 13:13

Ha ha’e ojapokuaa mba’e techapyrãva (milagrokuéra), oity tata jepe áragui yvýpe, yvyariguakuéra renondépe

Apocalípsis 9:17

Ha techapaýpe ahecha ikavajukuéra ha hi’ariguakuérape, ha’ekuéra omonde ipyti’a mo’ãha pytãva, hovýva ha sa’yjúva. Umi kavaju akãnguéra ningo ku leõ akãicha, ijurukuéragui osẽ tata, tatatĩ ha azúfre (ojogua fósforope).