Apocalípsis 11:3

Ñanderuete Ñe’ẽ Porã 2015

ha Che ame’ẽta che mokõi techaharépe pu’aka omyasãi hag̃ua Che ñe’ẽ, 1260 ára (día), oñemondepyréva hikuái vosa sorópe (ñandéve g̃uarã he’ise ao hũme).

Referencias Cruzadas

Genesis 37:34

Upémaramo Jacóbo omondoro ijao, ha omoĩ ijehe ao vosápe, ha ombyasy ita’ýrape heta ára pukukue.

2 Samuel 3:31

Upémaramo David he’i Joábpe ha mayma tetãygua hendive oĩvape: Pemondoro pende aokuéra, ha pemonde ao hũ ha peñemomba’embyasy Abner omano haguére. Ha pe tetã ruvicha David oho Abner re’õngue oĩháme (oñotỹ hag̃ua).

1 Réyes 21:27

Ha ojehu, Acab ohendúvo ko’ã ñe’ẽ, omondoro ijao ha oñemonde ao vosakuépe ha ohasa karu’ỹ rehe, ha oñeno oke hag̃ua ijao reheve, oñembyasyetégui.

2 Réyes 19:1

Tetã ruvicha Ezequías ohendupávo omondoro ijao ha oñemonde ao vosákuépe ha oike Ñanderuete rógape.

1 Crónicas 21:16

Ha David ohupívo hesa ohecha peteĩ yvága rembiguái oñembo’ýva yvága ha yvy pa’ũme, ha peteĩ kyse puku nandi ipópe, oipysóva Jerusalen gotýo. Upémaramo David ha umi karai ancianokuéra ojeity yvy rehe ha oñemonde ao vosápe.

Nehemías 9:1

Pe jasy pévape, pe ára 24-hápe oñombyaty Israel ra’ykuéra karu’ỹ rehe, ao vosakue reheve ha omboja iñakã yvy rehe.

Job 16:15

Añembyasýgui añemonde ao vosakuépe ha amoinge che akã yvy timbópe.

Salmokuéra 69:11

Ha añemonde ao vosakuépe, ahechauka hag̃ua añembyasyeteha, ha’ekuéra katu oñembohory cherehe.

Isaías 22:12

Upévare Ñanderuete, yvága atykuéra Jára he’iva’ekue peẽme pe ára pévape pejahe’o ha peñembyasy, peñemyakã perõ ha peñemonde ao vosakuépe;

Jeremías 1:10

Ha ema’ẽ porãke, ko ára kóvape Che romoĩmaha tetã ha tetãguasukuéra ári, ha remondo rembyai hag̃ua, rehundi ha reity hag̃ua, remopu’ã ha reñotỹ hag̃ua.

Lamentaciónes 2:10

Umi omoakãva Siónpe oguapy yvýpe ha okirirĩmba. Omombo hikuái yvy timbo iñakã rehe, oñemonde hikuái vosakuépe, umi kuñataĩ pyahu Jerusalen peguáva omoĩ iñakãnguéra yvy rehe.

Ezequiel 4:6

Ko’ã mba’e rire, reñenóta nde yke akatúape ha regueraháta nde ári Juda retã ñañangue 40 ára pukukue; peteĩ ára amoĩ ndéve peteĩ áño rehe.

Daniel 12:7

Ha ahendu pe ángel oñemondéva ao línope, oĩva pe ysyry ári, omopu’ã jave ijakatúa ha ijasu yvága gotýo, ha ome’ẽ iñe’ẽ omoañetéva Ñanderuete renondépe, pe Oikove tapia g̃uarãva, he’i: Hi’aréta mbohapy áño imédio. Upe ára upévape opava’erã pe mbyaihára pu’aka Israel retãme.

Daniel 7:25

Ha oñe’ẽvaíta pe Ijyvatetéva rehe, ha’e ohundíta umi ojeroviáva Ijyvatetéva rehe, omoambuéta umi arete ára ha tembiapoukapykuéra. Ko tetã ruvicha kóvape oñeme’ẽta pe tetã ruvicha guapyha oisãmbyhy hag̃ua mbohapy áño imédio pukukue (3 tiémpos imédio).

Daniel 8:14

Ha’e ombohovái: Ohasa peve 2.300 ka’aru ha pyhareve, upéi ae oñemopotĩ jevyva’erã Ñanderuete rogaguasúpe.

Joel 1:13

Peẽ pa’ikuéra pejeku’a jopy ha pejahe’o joáke, penepyahẽ asy joáke, peẽ kuave’ẽmby renda rembiguaikuéra. Peju ha peke ao vosakue reheve, che Jára rembiguaikuéra, ojepe’a haguére pe kuave’ẽmby tembi’u ha víno rehegua pende Ruete rogaguasúgui.

Jonas 3:5

Ha umi Niniveygua oguerovia Ñanderuetépe, ha ohechauka oñembyasyha hikuái, upévare ndokaruvéi ha oñemonde ao vosakuépe, itujavéva guive imitãvéva peve.

Jonas 3:8

toñemondénte ao vosakuépe kuimba’ekuéra, kuñakuéra ha tymbakuéra, ha tojerure asy Ñanderuetépe, Ha’e oiporiahuvereko hag̃ua; ha oimeraẽva topoi heko vaígui, ha tome’ẽ jevy imondapyre oguerekóva ipópe ijarateépe.

Números 11:26

Mokõi kuimba’e, umi 70 apytépe, hérava Eldad ha Medad, umía ári oguejy avei pe pytu porã nog̃uahẽséi ramo jepe pe óga jojohuhápe, ha’ekuéra oprofetiza avei pe tekohápe, pe pytu porã oguejýgui avei hi’arikuéra.

Matéo 11:21

Angái nde Corazin, angái nde Betsáida, Tíro ha Sidónpe ojejapo rire umi tembiapo techapyrãva, ojejapova’ekue pende apytépe, ymáma oñembyasyva’erãmo’ã oiko vai haguére, ao vosakuépe ha tanimbupápe oikova’erãmo’ã hikuái.

Matéo 18:16

Ha nanerendúi ramo katu, egueraha nendive peteĩ térã mokõi hermánope, ikatu hag̃uáicha mokõi térã mbohapy techahare rupive ojekuaa opaite mba’e oje’eva’ekue guive.

Lúcas 10:13

Angái nde Corazin, angái nde Betsáida. Tíro ha Sidónpe ojejapo rire umi milágro ojejapova’ekue pende apytépe, ymáma oñembyasyva’erãmo’ãha, ao vosakue reheve, oguapyva’erãmo’ã tanimbúpe ha opoiva’erãmo’ã hape vaígui.

Lúcas 24:48

Ha peẽ voi peikóta techahare ramo tetãnguérape g̃uarã.

Juan 15:27

Ha peẽ avei pepytáta che rechahare ramo ha moherakuãhára ramo, peikógui chendive ñepyrũ guive.

Juan 3:27

Ha Juan ombohovái ichupekuéra ha he’i: Avave ndohupitýi mba’eve noñeme’ẽi ramo ichupe yvágagui.

Apostolkuéra 1:8

Opáichavo oñeme’ẽta peẽme pu’aka, ou vove pende’ári pe Pytu Porãmbáva, ha peẽ peikóta che rechaharekuéra ramo Jerusalénpe, opaite Juda departaméntope, Samáriape ha yvy rugua pahaite peve.

Apostolkuéra 13:31

Ha uperire Hesu ojehechauka heta ára umi omoirũva’ekuépe ichupe Galiléa guive Jerusalen peve, umíva ko’ág̃a Hesu rechahare hetãyguakuérape g̃uarã.

Apostolkuéra 2:32

Ñanderuete voi omoingove jevy Hesu Crístope, ha ore roikóma opaite ko’ã mba’e techahare ramo.

Apostolkuéra 3:15

ha pejuka pe tekove Járape, Ñanderuete katu omoingove jevy ichupe omanova’ekue apytégui, ha ore ningo opaite ko’ã mba’e rechaharekuéra.

1 Corintoyguakuérape 12:28

Ñanderuete voi omoĩma ijiglésiape: Tenonderãme apostolkuéra (temimondo), mokõiháme katu proféta, mbohapyhápe mbo’ehára, ambuépe ome’ẽ pu’aka ojapo hag̃ua milágro, upéi me’ẽmby oporomongueráva, me’ẽmby oporopytyvõva (diácono), me’ẽmby oporomoakãva (oporosambyhykuaáva), me’ẽmby oñe’ẽva hetaichagua ñe’ẽ ojekuaa’ỹva.

2 Corintoyguakuérape 13:1

Ko’ã mba’e ha’ese aha ramo mbohapyha jevy pene rendápe. Mokõi térã mbohapyha techahare ñe’ẽ rupi oñemoañetéta opaite mba’e.

Efesoyguakuérape 4:11

Hesu Crísto voi ome’ẽ ime’ẽmbykuéra (dónes) ijiglesiayguakuéra apytépe oiko hag̃ua: Apostolkuéra ramo, ambuekuéra proféta ramo, ambuekuéra omyasãi hag̃ua pe evangélio (evangelísta ramo), ambuekuéra pastor ramo (iglésia rerekua ramo) ha ambuekuéra mbo’ehára ramo,

Deuteronómio 17:6

Mokõi térã mbohapy techahare ñe’ẽ rupi omanova’erã pe ojapóva pe mba’evaiete, ndojejukaiva’erã peteĩ techahare ñe’ẽ rupínte.

Deuteronómio 19:15

Ndapejapyhymo’ãi añetegua ramo peteĩ techahare ñe’ẽ rupínte, oimeraẽ tembiapo vai térã angaipa térã jejuka oikotevẽ mokõi térã mbohapy techahare rehe pembojovake hag̃ua.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 11:2

pe korapy oka gotýo oĩva katu anítei reha’ã, oñeme’ẽmagui tetãyguakuéra ojerovia’ỹvape oñemomba’e hag̃ua hikuái Jerusalen rehe 42 jasy javeve,

Apocalípsis 11:6

Ko’ã techahare ipu’aka ojoko hag̃ua araikuéra ani hag̃ua oky, umi ára ha’ekuéra oprofetiza (omomarandu) aja, ha’ekuéra ipu’aka avei y rehe ojapo hag̃ua ichugui tuguy, ha ipu’aka avei hikuái ombohasa asy hag̃ua heta jevy tetãyguakuérape opaichagua plága rupi, ha’ekuéra oipotaha peve.

Apocalípsis 12:6

Ha pe kuña okañy desiértope hendag̃ua Ñanderuete ombosako’i haguépe, upépe Ha’e omongaru ichupe 1260 ára (día) pukukue.

Apocalípsis 13:5

Ha oñeme’ẽ ichupe peteĩ juru oñe’ẽ hag̃ua mba’e ndetuicháva ha oñe’ẽ vaiete hag̃ua Ñanderuete rehe, ha oñeme’ẽ ichupe avei pu’aka oiko vai hag̃ua 42 jasy pukukue (1260 día).

Apocalípsis 19:10

Ha che ajeity pe yvága rembiguái renondépe amomba’eguasu hag̃ua ichupe, ha’e katu he’i chéve: Cháke, che ningo tembiguáinte avei, nendive ha ne hermanokuéra ndive, ha opaite umi ambue omyasãi avei Hesu Crístope (ijuru ha hekove rupi). Pe Pytu Añeteguáva ombohasa Hesu Crísto ñe’ẽ ijiglésiape.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.