Apocalípsis 11:12

Ñanderuete Ñe’ẽ Porã 2015

Ha ko’ã techahare ohendu peteĩ ñe’ẽpu he’íva ichupekuéra: Pejupi ko’ápe. Ha ojupi hikuái yvágape peteĩ araípe, ha hesekuéra ija’e’ỹva oma’ẽ hesekuéra.

Referencias Cruzadas

2 Réyes 2:1

Ojehu ningo Ñanderuete ohupiséma ramo Elíaspe yvágape peteĩ yvytu atã reheve, Elías ouhína Eliséo ndive Gilgálgui.

2 Réyes 2:11

Ha ojehu oñemongeta jave hikuái, péina ápe peteĩ cárro ha ikavajukuéra tata hendýva ou oipe’a Elíaspe, Eliséo resa renondégui; ha Elías ojehupi yvágape peteĩ yvytu jere atã reheve.

2 Réyes 2:5

Ha oñemboja Eliséo rendápe umi proféta remimbo’e oĩva Jericópe ha he’i ichupe: Reikuaa piko Ñanderuete ko ára kóvape oipe’ataha nde járape yvy árigui; ha ha’e he’i jevy: Upéicha, che aikuaa voi, pekirirĩ katu.

2 Réyes 2:7

Ha ou 50 proféta remimbo’e ha oñembo’y mombyryhápe hovaikuéra, Elías ha Eliséo oñembo’y jave Jordan rembe’ýpe.

Salmokuéra 112:10

Upe tekove ñaña ohecha ramo upéva ipochyetereíta, omopururũta hãinguéra ha ikusuguepáta. Umi tekove ñaña rembipota katuete opa reiva’erã.

Salmokuéra 15:1

Ñanderuete, mávapa oikokuaa nde reikohápe, mávapa oikóta nde cérro porãite rupi.

Salmokuéra 24:3

Mávapa ojupikuaáne Ñanderuete cérrore. Ha mávapa oĩkuaáne hekoha porãite.

Salmokuéra 86:17

Ehechaukamína nde pu’aka che rekovépe, upéva ohecha hag̃ua cherayhu’ỹva, ha toñemotĩ joa hikuái, Nde ningo, che Ruete, chepytyvõva ha chemoangapyhýva.

Éxodo 14:25

ohekýivo icárro ruedakuéra. Upémaramo Egiptoyguakuéra he’i: Ñakañy Israel renonderãgui, Ijára oñorãirõ hesehapekuéra ha oñemoĩ ñanderehe.

Isaías 14:13

Nde eremíva nde py’apýpe: Yvágape ajupíta, yvága Jára mbyjakuéra ári amopu’ãta che mburuvicha guapyha, ha jarakuéra oñembyatyhápe pe cérro guapyhápe opytáva nórtepe upépe aguapýta che,

Isaías 40:31

Umi ojeroviáva Ñanderuete rehe katu oñemombarete jevýta, oveve yvateva’erã ku ñapykanícha, oñaniva’erã hikuái ha ndaijuku’amo’ãi, ha oguata pukuva’erã hikuái ha naikane’õmo’ãi.

Isaías 60:8

Máva piko umi ovevéva ibarcoguasúpe ku araícha ha pykasúicha ohóva ikehápe.

Malaquías 3:18

Ha upépe ae pehecha porã jevýta oĩha juavy heko potĩva ha heko ky’áva apytégui, umi omomba’eguasúva Ñanderuetépe ha umi omomba’eguasu’ỹva ichupe.

Lúcas 16:23

Ha’e ohasa asyete aja aña retãme, ojesaupi ha ohecha mombyryete Abrahámpe, ha hendive ohecha avei Lázarope.

Apostolkuéra 1:9

Ha Hesu he’ipávo ko’ã ñe’ẽ kóva, ojehupi ichupe yvágape hemimbo’ekuéra resa renondégui ha peteĩ arai omo’ã ichupe ojupívo.

1 Tesalonicayguakuérape 4:17

ha uperire ñande jaikovéva ha japytáva gueteri, jajehupíta avei hendivekuéra araipýpe, jajojohu hag̃ua Hesu Crísto ndive (yvate yvytúpe), arai apytépe, japyta hag̃ua tapia g̃uarã hendive.

Apocalípsis 12:5

Ha pe kuña imemby peteĩ kuimba’e, oisãmbyhyva’erãva opaite tetãnguérape yvyra po’i hierroguiguápe. Ha imemby ojehupi Ñanderuete rendápe iguapyhaguasu renondépe.

Apocalípsis 3:21

Upe ombopoguýva mba’evai Che amboguapýta ichupe chendive che guapyhaguasúpe, Che ambopoguy haguéicha mba’evai ha ko’ág̃a aguapy’aína avei Ñanderuete ndive iguapyhaguasúpe.

Apocalípsis 4:1

Ko’ã mba’e rire ama’ẽ ha ahecha peteĩ okẽ jepe’apyréva yvágape, ha pe ñe’ẽvopu ahendu tenonderãme turúicha oñe’ẽva’ekue chendive he’ívo: Ejupi ko’ápe ha ahechaukáta ndéve umi mba’e ojehútava uperire.