Apocalípsis 11:10

Ñanderuete Ñe’ẽ Porã 2015

Ha umi tetãyguakuéra ovy’a ha hory joaitégui oguerahaukáta ojupekuéra jopói, ko’ã mokõi techahare omyangekõiete haguére umi yvy ári oikóvape.

Referencias Cruzadas

1 Réyes 18:17

Acab ohechávo Elíaspe he’i ichupe: Nde piko Israel mbyaihára.

1 Réyes 21:20

Ha Acab he’i Elíaspe: Cherayhu’ỹva piko chejohu jevy. Ha Elías ombohovái ichupe he’ívo: Rojohu rejapo vaígui Ñanderuete renondépe, remondágui Nabot yvy pehẽngue.

1 Réyes 22:18

Ha Israel retã ruvicha he’i Josafátpe: Nda’éi piko ndéve ra’e, ndoprofetizaiha chéve g̃uarã mba’eveichagua mba’e porãva, ivaívamante.

1 Réyes 22:8

Israel retã ruvicha he’i Josafátpe: Oime gueteri peteĩ kuimba’e ikatúva omba’eporandu porã Ñanderuetépe, Miquéas, Imla ra’y; che katu ndache’a’éi hese, araka’eve nomombe’úigui chéve mba’eporã, ivaívamante. Ha Josafat he’i: Anítei tetã ruvicha péicha reñe’ẽ.

Salmokuéra 13:4

Ani hag̃ua cherayhu’ỹva he’i: Chepu’aka hese. Anítei ovy’aite umi cherehe ija’e’ỹva, che añepysãnga ramo.

Salmokuéra 35:19

Oñembohory rei umi cherehe ija’e’ỹva ha cherayhu’ỹva reiete oñembyesa’i cherehe.

Salmokuéra 89:42

Nde remombarete umi hese ija’e’ỹva, ha rembovy’a ichupekuéra.

Mga Kawikaan 24:17

Ho’a ramo nderehe ija’e’ỹva, ani revy’átei; ha oñepysãnga ramo, anítei ndepy’a rory.

Jeremías 38:4

Ha he’i umi mburuvicha tetã ruvichápe: Ko kuimba’e omanova’erãmante, ỹrõ omokangypáta ñande soldádo hembýva gueteri ko távape, ko’ã ñe’ẽ rupi omokangýta avei opaite tetãyguakuérape; ko kuimba’e ndohekái py’aguapy ko tetãme g̃uarã, mba’evaínte oheka ñandéve guarã.

Jeremías 50:11

Pevy’aite ha pendepy’arory asy haguére pembyai jave che retã Israel ha peñemohyg̃uatã haguére ha pepopo ku vaka pyahúvaicha omba’apo jave, ha pendeayvu cojúdo mbaretéicha.

Abdías 1:12

nderevy’aiva’erãmo’ã nde ryvy jehasa asyha árape, nandepy’aroryiva’erãmo’ã Juda ra’ykuéra oñehundívo, nderejererovuiva’erãmo’ã ijepy’apyha árape,

Miquéas 7:8

Nde, reñemoĩva cherehe, ani repukátei. Ha’a ramojepe apu’ã jevýta, aiko ramo jepe pytũmbýpe Ñanderuete che resape.

Matéo 10:22

Ha opavave ndaija’eiva’erã penderehe che réra rayhupápe, ha upe ogueropu’akáva ipahaite peve, upéva ojesalvava’erã.

Juan 16:20

Añetehápe, añetehápe, ha’e peẽme: Peẽ penerasẽta ha pejahe’osoróta, ambue tetãyguakuéra katu ovy’áta, opáichavo pene ñembyasy oñemyengoviáta vy’a rehe.

Juan 7:7

Pene retãygua ndaikatúi ndaija’éi penderehe, ha’ekuéra katu cherehe ndaija’éi, ahechaukágui heko ha hembiapokuéra ivaiha.

Apostolkuéra 5:33

Ha’ekuéra ohendúvo umi mba’e, ipochyeterei ha ojukase ichupekuéra.

1 Corintoyguakuérape 13:6

ndovy’ái ohendúvo hapicha oikoha hekope’ỹ, ovy’a añetegua reheve uvei.

Apocalípsis 12:13

Ha pe tejujagua ohechávo oñemombo hague yvy ári omuña pe kuñáme, imembyva’ekue peteĩ mitãkuimba’épe.

Apocalípsis 13:14

ombotavy hag̃ua ichupekuéra umi mba’e techapyrã rupi, oñeme’ẽgui ichupe pu’aka ojapo hag̃ua ko’ã mba’e techapyrãva pe mymba tenondegua resa renondépe, oguerekova’ekue pe jekutu vai kyse pukuetégui ha oikove jevy, upévare upe mymba mokõiha ojapouka peteĩ ta’ãnga tuicháva upe mymba tenondeguápe g̃uarã.

Apocalípsis 13:8

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

Apocalípsis 16:10

Ha pe yvága rembiguái 5-ha oñohẽvo iña’ẽmbe upe mymba guapyhaguasu ári inypytũmba ha’e oisãmbyhyha rupi, ha umi yvyarigua oisu’upa ikũnguéra jepe,

Apocalípsis 3:10

Nde rejapo haguére hekoitépe Che ñe’ẽ, Che añangareko porãta nderehe ou vove pe jehasa asyguasu ohupitýtava opaite tetãyguakuérape oikóva guive yvy ape ári, ojepy’ara’ã hag̃ua.