Apocalípsis 10:5

Ñanderuete Ñe’ẽ Porã 2015

Upéi pe yvága rembiguái ahecháva ha oñembo’ýva yguasu ha yvy ári, omopu’ã ipo akatúa yvága gotýo,

Referencias Cruzadas

Genesis 14:22

Ha Abram he’i Sodóma táva ruvichápe: Che amopu’ã che po ame’ẽ hag̃ua che ñe’ẽ che Ruete, pe Ipu’akapaitéva rérape ha umi yvága ha yvy apohare renondépe,

Nehemías 9:6

Nde añoite ningo ore Ruete, Nde rejapova’ekue yvagakuéra, ha pe yvága ijyvatevéva opaite imba’eita hyepy pegua reheve; yvy ha opaite mba’e ipy peguáva guive, umi yguasu ha opaite mba’e ipype oĩva guive ha Nde remoingovereína opaite ko’ã mba’e, ha ángel aty yvagakuéra pegua omomba’eguasu joa nde réra.

Salmokuéra 146:5

Ovy’aite upe oguerekóva Jacóbo Jára ipytyvõhára ramo, ha upe ojeroviáva Ñanderuete rehe Ijaratee ramo.

Éxodo 20:11

Nde Ruete ojapo rire yvagakuéra ha yvy, pe yguasu ha opaite mba’e ipype oĩva guive, opytu’u avei pe ára 7-hápe; upévagui nde Ruete ohovasa ha omboarete pe pytu’uha ára (sábado).

Éxodo 6:8

Che pomoingéta pene retãrãme upévare ahupimava’ekue che po ha’évo Abraham, Isaac ha Jacóbope, che ame’ẽtaha peẽme pene mba’erã, Che, pende Ruete ha’e ko’ã mba’e ko’ãva.

Ezequiel 20:15

Desiértope amopu’ã avei che po ame’ẽ hag̃ua che ñe’ẽ ndaguerahamo’ãiha ichupekuéra pe yvy ame’ẽva’ekuépe Israélpe, osyryhápe kamby eíra, ha iporãitevéva opaite ambue tetãnguéragui,

Ezequiel 20:23

Upévare ahupi che po desiértope ko tetã kóvare, ha ame’ẽ che ñe’ẽ Che amosarambipataha ichupekuéra tetãnguéra apytépe, opaite yvy apére,

Ezequiel 20:28

Che ame’ẽma che ñe’ẽ ame’ẽtaha ichupekuéra ko yvy kóva ha agueru avei ichupekuéra ko yvy kóvape, ha’ekuéra katu oma’ẽ mayma cérro ijyvatéva rehe ha mayma yvyra ikuarahy’ã porãva rehe, ha upépe oikuave’ẽ ambue járape chembopochy hag̃ua, ha upépe avei omoĩ hikuái imba’e ryakuã porãva, ha upépe oikuave’ẽ avei ivíno.

Ezequiel 20:42

Ha peikuaáta Che ha’eha pende Ruete, ág̃a Che pogueru jevy ramo Israel yvýpe, pe yvy Che ame’ẽmava’ekue pende rukuérape, ame’ẽ haguépe che ñe’ẽ ahupívo che po.

Ezequiel 20:5

ha ere ichupekuéra, péicha he’i pende Ruete: Upe ára aiporavo ramoguare Israélpe che mba’e ramo ame’ẽ hag̃ua che ñe’ẽme’ẽ Jacóbo róga ñemoñarenguérape, ha ajehechauka ramoguare ichupekuéra Egípto retãme, amopu’ãvo che po ame’ẽ hag̃ua che ñe’ẽ ichupekuéra, Che ha’emava’ekue: Che ningo pende Ruete, pende Jarateetéva.

Ezequiel 36:7

Upévare pende Ruete he’i: Che amopu’ãma che po, ha ame’ẽma che ñe’ẽ umi tetã pende jerekuévo oikóva guive oñemotĩva’erãha katuete avei.

Ezequiel 47:14

Ha oñondive pemboja’o joja peteĩteme imba’eteéva, upévare Che amopu’ãva’ekue che po ame’ẽvo che ñe’ẽ pende rukuérape; ha’évo ame’ẽtaha ichupekuéra, kóva ha’ehína pe yvy pene mba’erãva.

Daniel 12:7

Ha ahendu pe ángel oñemondéva ao línope, oĩva pe ysyry ári, omopu’ã jave ijakatúa ha ijasu yvága gotýo, ha ome’ẽ iñe’ẽ omoañetéva Ñanderuete renondépe, pe Oikove tapia g̃uarãva, he’i: Hi’aréta mbohapy áño imédio. Upe ára upévape opava’erã pe mbyaihára pu’aka Israel retãme.

Apostolkuéra 14:15

Kuimba’ekuéra, mba’e piko pejapopeína. Ore ningo kuimba’e peẽichaguánte avei, ore romombe’únte peẽme pe salvacion rape pepoi hag̃ua pende jarakuéra ipu’aka’ỹvagui, pejevy hag̃ua yvága Jára Añeteguáva ha Oikovéva, Ñanderuete rendápe; Ha’e ningo ojapo pe yvága ha yvy, yguasu ha opaite mba’e oñemomýiva guive ipype, (Éxodo 20,11).

Apostolkuéra 17:23

Ahasávo pende jára rogakuéra rupi ahecha peteĩ kuave’ẽmby renda, ojehaihápe: Pe jára ojekuaa’ỹvape g̃uarã. Upe Jára peẽ peikuaa’ỹva, péva che aikuaaukase peẽme.

Romayguakuérape 1:20

Ñanderuete reko ha ipu’aka ojehecha’ỹva ojekuaa katu hembiapokue porã rupi voi, Ha’e ojapo guive ko yvy ha opaite mba’e oĩva guive ipype, upévare umi iñañáva ha omboykéva Ñanderuetépe ipy’apýgui ndojohumo’ãi peteĩ discúlpa (pe ñembojovake árape).

Deuteronómio 32:40

Che ahupi che po yvagakuéra rehe ha ha’e: Che rekovére,

hebreoyguakuerape 6:13

Ñanderuete ome’ẽ ramoguare iñe’ẽ Abrahámpe, ome’ẽ iñe’ẽ ijehe, ndaipórigui tuichavéva ichugui.

Apocalípsis 1:18

pe aikovéva, ajejukava’ekue ha péina aikove ára atyguasukuéra guive umi ára atyguasurãnguéra peve ha Che poguýpe oĩ pe ñemano ha pe añaretã rokẽ lláve.

Apocalípsis 10:2

Ha ipópe oguereko peteĩ kuatiañe’ẽ michĩ jepe’apyréva. Ha ipy akatúa omoĩ yguasu ári, ha ipy asu yvy ári,

Apocalípsis 14:7

hatã oñe’ẽ ha he’i: Pekyhyje Ñanderuetégui ha pemomba’eguasu ichupe, Ha’e voi ningo ojapova’ekue pe ára ha yvy, yvukuéra ha yguasu.

Apocalípsis 16:17

Ha pe yvága rembiguái 7-ha oñohẽvo iña’ẽmbe yvytu rehe osẽ ñe’ẽpu Ñanderuete rogaguasu guapyhaguasúgui he’íva: Oikopáma.

Apocalípsis 4:11

Ore Jára ha ore Ruete, ndéve añoite ija opaite ñemboete, ñembotuicha ha ñemomba’eguasu, Nde remoingo haguére opaite mba’e, ha ne rembipota rupi oikopaitégui, ha nde pu’aka rupi oñemoingopa haguére.

Apocalípsis 4:9

Ha umi tekove oikovéva omomba’eguasu, omboete ha oagradece pe Oguapývape iguapyhaguasúpe, ha oikovéva ára atyguasukuéra guive umi ára atyguasurãme g̃uarã,