Apocalípsis 10:4

Ñanderuete Ñe’ẽ Porã 2015

Oñe’ẽ rire umi 7 arasunu che ahaise iñe’ẽnguéra peteĩ kuatiañe’ẽme, upérõ ahendu peteĩ oñe’ẽva yvágagui ha he’íva chéve: Ani reikuaauka avavépe umi arasunu he’iva’ekue, eñongatu porã uvei ha anítei rehai peteĩ kuatiañe’ẽme.

Referencias Cruzadas

Isaías 29:11

Ko’ág̃a guive opaite pende techapáy noñemohesakãmo’ãvéima, opyta reietéta peẽme g̃uarã ku kuatiañe’ẽ oñembotývaicha. Ha peme’ẽ ramojepe pe kuatiañe’ẽ oñembotýva peteĩ omoñe’ẽkuaávape, he’íta peẽme: Ndaikatúi amoñe’ẽ peẽme ko kuatiañe’ẽ oñeñapytĩ su’úgui.

Isaías 8:1

Ñanderuete he’i chéve: Eiporavo peteĩ itapeguasu, ha ehai porã hese ko’ã ñe’ẽ: Maher-salal-hasbaz.

Isaías 8:16

Eñongatu porãke che ñe’ẽ ha ehechauka che remimbo’ekuérape.

Daniel 12:4

Ha nde, Daniel, ejokua hatã ha eñongatu porã ko kuatiañe’ẽ umi ára paha peve. Heta oĩta oipyguaráva ágotyo pégotyo, ha upépe ae oñemyesakãve ohóvo.

Daniel 12:9

Ha ha’e he’i chéve: Tereho, Daniel, ko’ã ñe’ẽ ko’ãva ningo oñemboty ha oñeñongatu ñemiháme og̃uahẽ meve umi ára paha.

Daniel 8:26

Ha umi mba’e ojehechaukava’ekue payetépe ka’aru ha pyharevépe katuete oikóta, eñongatu porãmba nde py’apýpe, heta ára katu hi’aréta ojehupa peve ko’ã mba’e.

Deuteronómio 29:29

Umi mba’e ñemi yma ndojekuaáiva Jahve, Ñanderuete mba’e (ha natekotevẽi ñaha’ã jaipyguara hag̃ua); umía Ha’e ko’ág̃a oikuaauka porã ñandéve ha ñande ra’ykuérape g̃uarã, Ha’e ome’ẽ ñandéve jajapo hag̃ua hekoitépe.

Apocalípsis 1:11

he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 1:19

Ehaipa rehecháva guive, umi mba’e oikóva ha ojehútava uperire.

Apocalípsis 10:8

Ha pe ñe’ẽ ahendúva yvágaguio, oñe’ẽ jevy chendive ha he’i: Tereho erecibi pe kuatiañe’ẽ michĩva ojepe’áva pe yvága rembiguái pógui, oñembo’ýva yguasu ha yvy ári,

Apocalípsis 22:10

Ha he’i chéve: Anítei reroñemi ko’ã profecía ko’ãva oĩva ko kuatiañe’ẽme, hi’ag̃uímagui pe ára ojehupa hag̃ua.