Apocalípsis 10:1

Ñanderuete Ñe’ẽ Porã 2015

Upéi ahecha ambue yvága rembiguái mbarete oguejýva yvágagui arai apytépe, iñakã ári oĩ pe árco de Noe (jy’y) hova omimbi kuarahýicha ha ipykuéra tata oñembo’yetévaicha.

Referencias Cruzadas

Salmokuéra 104:3

Nde remopu’ã nde róga y mbytépe, Nde remoĩ umi arai nde cárro ramo. Nde reveve pe yvytu pepo ári.

Salmokuéra 97:2

Arai iñypytũva oĩ ijerekuévo, justícia ha ñembojovake heko peguáva ojokohína iguapyhaguasu.

Éxodo 16:10

Ha Aaron oñe’ẽ jave mayma Israel ñemoñarenguéra atýpe, oma’ẽ hikuái desiérto rehe, ha péina ojekuaa Ñanderuete reko jajaipa arai rehe.

Cantar de los cantáres 5:15

Hetyma ha’ete ku itatĩguigua (mármol) horcõicha ha oguapy ipyenda oroguigua porãite ári ha ojoguaite umi cédro Líbano pegua iporavopyrévape.

Isaías 19:1

Marandu Egípto rehe. Pema’ẽ porãkena, Ñanderuete ou peteĩ arai ipya’évape ha oikéta Egíptope, upérõ ijára gua’u oryryipáta ha umi Egiptoygua ipy’amanombáta.

Isaías 54:9

Ojehu haguéicha Noe árape, ame’ẽ che ñe’ẽ ichupe ha’évo: Ndejaho’imo’ãvéima ýpe ko yvy tuichakue; upéicha ame’ẽ ko’ág̃a che ñe’ẽ, ndachepochyveimaha nendive, ha ndorohaviramo’ãveimaha avei.

Lamentaciónes 3:44

Araípe reñeñu’ã ani hag̃ua ore ñembo’e og̃uahẽ ne rendápe.

Ezequiel 1:28

Ku jýi (árco de Noe) osẽ háicha arai rehe oky jave, péicha ojajái Ñanderuete reko jajaipa ijerekuévo. Ha ahecha vove péva, ajeity che rova yvy rehe, ha ahendu peteĩ oñe’ẽva chéve.

Daniel 10:6

Hete ojogua ita vera sa’yju ha hovýpe, hova ha’ete ku aratiri, hesakuéra ku tata hendývaicha, ijyva ha ipykuéra ku brónce oñemboverapyrévaicha, ha iñe’ẽ ryapu ku atyguasu ñe’ẽ ryapúicha.

Daniel 7:13

Ama’ẽve pe ojehechaukava’ekue rehe payetépe pyharekuépe, ha péina ápe ahecha umi arai apytépe ouhína pe Yvyarigua Ra’y, ha omog̃uahẽ ichupe pe itujaitéva renondépe.

Levítico 16:2

Ha Ñanderuete he’i Moiséspe: Ere nde ryke’y Aarónpe, ha’e ndikatúi oike pe kotyguasu oñemboykéva pende Ruetépe ha pa’iguasúpe g̃uarã ha’e oipota háicha, pe aosãingo pererĩ kupépe, pe karameg̃ua renondépe pende Ruete reko jajaipa oĩháme, ani hag̃uátei omano ha’e avei; Che ajehechaukahápe arai rupi pe karameg̃ua ape ári.

Matéo 17:2

Ha upépe Hesu rete oñemoambue hemimbo’ekuéra renondépe; hova ojajái kuarahýicha ha ijao katu morotĩ tesapéicha.

Lúcas 21:27

Upéramo ojehecháta yvyarigua Ra’y ouvahína peteĩ arai ári, ipu’akaguasu ha heko jajaipa reheve.

Apostolkuéra 26:13

Asaje pytévo katu, che ruvicha Agrípa, ahecha tapére yvága resape imbaretevéva kuarahy resapégui, cheaho’ipáva ha che irũnguérape avei.

Apocalípsis 1:7

Peikuaa porãke Hesu Crísto ou jeyva’erã arai reheve, ha opaite umi oikutuva’ekue ichupe ohecha jevyva’erã ichupe ha opaite tetã yvy arigua ojahe’o soróta ohecha vove ichupe. Taupéicha.

Apocalípsis 18:1

Ko’ã mba’e rire ahecha ambue yvága rembiguái oguejýva yvágagui tuicha pu’aka reheve ha pe yvy ohesapepa imimbi rendýpe.

Apocalípsis 18:21

Ha peteĩ yvága rembiguái mbarete ohupi peteĩ itaguasu, ita molíno reheguávaicha, ha oity yguasúpe, he’ívo: Peichaite, mbaretepópe, oñemombóta Babilónia, pe tavaguasuete, ha mamove ndojejohumo’ãvéima.

Apocalípsis 20:1

Ha che, Juan, ahecha peteĩ yvága rembiguái oguejýva yvágagui, ipópe oĩ pe yvykua pypukuete rehegua lláve ha peteĩ cadéna tuicháva,

Apocalípsis 4:3

Ha pe Oguapýva pe guapyhaguasúpe ojogua peteĩ ita vera sakã hovy kangy ha pytãũvape ha pe guapyhaguasu jerekuévo oĩ pe árco de Noe (jy’y) omimbíva ita vera hovy kangývaicha.

Apocalípsis 5:2

Ha ahecha peteĩ yvága rembiguái imbaretéva hatã oporandu: Mávapepa ija oipe’a hag̃ua ko kuatiañe’ẽ kóva ha ojora hag̃ua umi 7 ta’ãnga jopyha.

Apocalípsis 8:13

Ha ama’ẽvo ahecha peteĩ ñapykani ovevéva ára mbyte rupi ha ahendu he’íva ñe’ẽpuguasúpe: Angái, angái, angái umi oikóva yvy apére ohasa asyetereiva’erã umi mbohapy yvága rembiguái ombopu vove avei iturukuéra.