Apocalípsis 1:9

Ñanderuete Ñe’ẽ Porã 2015

Che, Juan, che avei pene hermáno ha pene irũ umi jepy’ara’ã jahasáva Hesu Crísto ha hetãguasu rehehápe. Ko’ág̃a che aĩ préso pe ypaũ (ísla) Pátmospe, yguasu pa’ũme, ajeroviágui Hesu Crístore ha amyasãi haguére Hesu Crísto evangélio.

Referencias Cruzadas

Matéo 20:23

Ha Hesu he’i jevy ichupekuéra: Pey’uva’erã pe che hay’úvagui, peguapy hag̃ua che akatúa térã che asu gotýo, katu ndachéi ame’ẽva’erã, upéva oñeme’ẽta umi che Ru ombosako’ívape g̃uarã.

Márcos 10:39

Ha ha’ekuéra he’i: Ikatu. Ha Hesu he’i ichupekuéra: Katuete pey’úta pe váso che hay’úvape, ha pejebautizaukáta che bautísmope.

Juan 16:33

Ko’ã mba’e ko’ãva Che ha’éma peẽme, peẽ pendepy’aguapy hag̃ua chepype. Peẽ ningo pehasa asyva’erã ko yvy ape ári, pejerovia katu ko múndo kóva oĩmaha che poguýpe.

Apostolkuéra 1:15

Umi ára umívape, Pédro opu’ã hermanokuéra apytépe, oñembyatýva hikuái 120 rupi, ha he’i ichupekuéra:

Apostolkuéra 14:22

Opárupi omokyre’ỹ hikuái hermanokuérape ha ohekombo’e ichupekuéra ojerovia mbareteve hag̃ua ohóvo, ha omombe’u porã avei ichupekuéra heta sufrimiénto (jehasa asy) rupi jaikeva’erã Ñanderuete retãguasúpe.

Romayguakuérape 8:17

Ha ñande ramo Ñanderuete ra’y ha itajyrakuéra, Ñanderuete ome’ẽta ko yvy kóva ñandéve g̃uarã ñane mba’erã ramo, Hesu Crísto poguýpe katu. Ñande jahasa asy ramo Hesu Crísto rehehápe, uperire jaikóta avei hendive Ñanderuete reko jajaipápe.

Romayguakuérape 8:25

Ha ñaha’ãrõ ramo ñaína umi mba’e jahecha’ỹva, he’ise ñaha’ãrõhañaína paciéncia reheve.

2 Corintoyguakuérape 1:7

Ore roha’ãrõ porã, roikuaágui peẽ pehasa asy háicha, peichaite peẽ peñemoangapyhy jevyva’erã.

Filipoyguakuérape 1:7

Péicha apensa opavave penderehe, che poguerekógui che py’apýpe ha aĩ ramojepe cárcelpe térã mbojovakehára renondépe peẽ chemoirũ (pende pytu porãme) amombe’u porã hag̃ua Ñanderuete ñe’ẽ ha apyta hatã hag̃ua Ñanderuete mborayhúpe.

Filipoyguakuérape 4:14

Peẽ pejapo porã katu chepytyvõvo che jehasa asýpe.

2 Tesalonicayguakuérape 3:5

Hesu Crísto tapenepytyvõ pehechakuaa porã hag̃ua pende py’apýpe Ñanderuete mborayhu añeteguáva ha peha’ãrõkuaa hag̃ua Hesu Crísto ou jevy peve.

2 Timotéope 1:8

Upévare ani retĩ remyasãi hag̃ua Hesu Crísto ñe’ẽ porãite, ha ani retĩ cherehe aimeháre cárcelpe Hesu Crísto rehehápe, ehasa asykuaa uvei chendive pe evangélio rehehápe Ñanderuete pu’aka rupi.

hebreoyguakuerape 10:36

Peikotevẽ paciéncia rehe, pejapo hag̃ua Ñanderuete rembipota ha pehupity hag̃ua Ha’e oprometemava’ekue peẽme.

1 Pédro 5:1

Che poavisase peẽ karai ancianokuérape, (pemyakãva pe iglésia rembiapo), che voi peteĩ pende reheguáva, che ningo peteĩ techahare ohechava’ekue Hesu Crísto ohasa asy hague, ha oñeme’ẽta chéve che rendag̃ua Ha’e ou vove heko jajaipa reheve.

Apocalípsis 1:1

Ko’ã mba’e Ñanderuete ohechaukava’ekue Hesu Crístope, Ha’e ombohasa hag̃ua umi mba’e pya’e oikova’erãva hembiguaikuérape; Hesu Crísto oikuaauka ko’ã mba’e yvága rembiguái rupi Juánpe, Hesu Crísto rembiguái.

Apocalípsis 1:2

Ha Juan ningo oikuaaukava’ekue ko Ñanderuete ñe’ẽ (iglesiayguakuérape), ha’e omombe’u opaite mba’e Hesu Crísto ohechaukava’ekue ichupe.

Apocalípsis 1:4

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Apocalípsis 1:6

Ha’e ojapo ñandehegui mburuvichakuéra ha pa’ikuéra ñamba’apo hag̃ua Ñandejára Ñanderuetépe g̃uarã. Ñemomba’eguasu ha pu’aka topyta ichupe g̃uarãnte ára atyguasukuéra guive umi ára atyguasurã meve, taupéicha (amen).

Apocalípsis 11:7

Ha ha’ekuéra ojapopávo hembiapo, pe mymba vai ojupíta pe yvykua pypukuetégui (yvypore’ỹgui) oñorãirõ hag̃ua hendivekuéra ha ombopoguy rire, ojukáta ichupekuéra.

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.

Apocalípsis 12:17

Ipochyeterei pe tejujagua pe kuña ndive, upévare oho oñorãirõ hag̃ua ambue iñemoñare ndive, umi ojapóva Ñanderuete rembiapoukapykuéra ha ojeroviáva Hesu Crísto rehe.

Apocalípsis 13:10

Upe oporomoingéva cárcelpe, oikeva’erã avei cárcelpe, ha upe oporojukáva, ojejukava’erã avei. Upejave umi heko potĩva oikotevẽ paciéncia ha jerovia mbarete rehe.

Apocalípsis 14:12

Upévare umi ojeroviáva Hesu Crístore oha’ãrõva’erã paciéncia reheve, iñe’ẽrenduva’erã ha ojapova’erã Ñanderuete rembiapoukapy.

Apocalípsis 19:10

Ha che ajeity pe yvága rembiguái renondépe amomba’eguasu hag̃ua ichupe, ha’e katu he’i chéve: Cháke, che ningo tembiguáinte avei, nendive ha ne hermanokuéra ndive, ha opaite umi ambue omyasãi avei Hesu Crístope (ijuru ha hekove rupi). Pe Pytu Añeteguáva ombohasa Hesu Crísto ñe’ẽ ijiglésiape.

Apocalípsis 20:4

Ha ahecha guapyhaguasukuéra ha oguapy hikuái hi’arikuéra, ha oñeme’ẽ ichupekuéra pu’aka oporombojovake hag̃ua; ha ahecha umi oñe’akã’ova’ekue ánga ojerovia haguére Hesu Crístore ha omyasãi haguére Ñanderuete ñe’ẽ, umiva nomomba’eguasuiva’ekue upe mymbápe térã ha’ãngápe, ha ndohejáiva’ekue oñemoĩ upe mymba márca isyva térã ipo rehe; ko’ãva oikove jevy ha oisãmbyhy hikuái Hesu Crísto ndive 1.000 áño pukukue.

Apocalípsis 3:10

Nde rejapo haguére hekoitépe Che ñe’ẽ, Che añangareko porãta nderehe ou vove pe jehasa asyguasu ohupitýtava opaite tetãyguakuérape oikóva guive yvy ape ári, ojepy’ara’ã hag̃ua.

Apocalípsis 6:9

Ha Ha’e oipe’ávo pe ta’ãnga jopyha 5-ha ahecha pe kuave’ẽmby renda guýpe umi ojejukava’ekuépe, omombe’u haguére Ñanderuete ñe’ẽ.

Apocalípsis 7:14

Ha che ambohovái ichupe: Che jára, nde ningo reikuaa. Ha ha’e he’i chéve: Ko’ãva ningo umi ouva’ekue upe jehasa asyguasúgui, ha’ekuéra ojohéi ha omomorotĩva’ekue ijaokuéra pe Ovechara’y ruguýpe.