Apocalípsis 1:8

Ñanderuete Ñe’ẽ Porã 2015

Che ningo pe “a” ha pe “zéta” he’iséva iñepyrũmby ha ipaha, he’i Ñanderuete pe yvága Jára, pe Oikovahína, pe Oikova’ekue ha pe Ouva’erãva, pe Ipu’akapáva.

Referencias Cruzadas

Genesis 17:1

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

Genesis 28:3

Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.

Genesis 35:11

He’i avei ichupe: Che ningo pe Jára ipu’akapáva; eñemoña ha eñembohetavéke, tetã ha tríbu atýra osẽ hag̃ua ndehegui, ha heta tetã ruvicha osẽta ndehegui.

Genesis 43:14

Ha Ñanderuete, pe Ipu’akapáva, tome’ẽ pe karai py’ápe poriahuvereko, ha topoi jevy pende ryke’y Simeóngui ha avei ko Benjamíngui. Ha apytáta ramo ta’yra’ỹre, taupéicha avei.

Genesis 48:3

Ha he’i Josépe: Ñanderuete, pe Ipu’akapáva, ojehechauka chéve Lúzpe, Canaan retãme, ha cherovasa,

Genesis 49:25

Nde ru Jára nepytyvõta, Ñanderuete, pe Ipu’akapáva, nderovasáta yvagakuéra jehovasa reheve, pe yvykua pypuku jehovasa reheve, káma ha memby ryru jehovasa reheve.

Éxodo 3:14

Ha Ñanderuete he’i Moiséspe: Che ningo HA’ÉVA (Jahve), ha he’i avei: Péicha eréta Israel ñemoñarenguérape: HA’ÉVA chembou pene rendápe.

Éxodo 6:3

ajehechaukava’ekue Abraham, Isaac ha Jacóbope, Ijára Ipu’akapáva ramo. Ha che réra Jahve rupi, ndajekuaaukaiva’ekue gueteri ichupekuéra.

Isaías 41:4

Máva piko ojapóra’e ko’ã mba’e. Pe ohenóiva iñepyrũ guive tetãnguérape. Che, pende Jára, Che ningo pe tenondegua ha pe ipaha pegua, nañemoambuemo’ãi.

Isaías 43:10

Peẽ ningo che rechahare, he’i pende Ruete, ha che rembiguaikuéra, Che aiporavomava’ekue. Peẽ chekuaa ha pejerovia cherehe, ha peikuaa porã ndaiporiha ambue Jára; Che mboyve ndojejapói ambue jára, ha Che aikota’aína opa rire umi jára gua’u paha.

Isaías 44:6

Péicha he’i pende Ruete, Israel retã ruvichaguasu, ipytyvõhára ha yvága atykuéra Jára: Che ha’e pe Tenondegua, Che ha’e pe Ipahapegua, ha che ykére ndaipóri ambue Jára.

Isaías 48:12

Nde Jacóbo cherendu, ha nde Israel avei, Che rohenoiva’ekue: Che voi, pe tenondevegua ha che avei pe ipaha pegua.

Isaías 9:6

Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.

Números 24:4

pe ohendúva Ñanderuete ñe’ẽ, pe ohecháva Ñanderuete omboúva ipáype, iképe ramoguáicha; pe ho’áva, hesa ojepe’a porã hag̃ua,

2 Corintoyguakuérape 6:18

Che ningo pende Ru, ha peẽ peikóta che ra’ykuéra ha che rajykuéra ramo, he’i ningo pende Jára Ipu’akapáva.

Apocalípsis 1:11

he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 1:17

Ha ahechávo ichupe, ha’a ipy renondépe amanorõguáicha, upéi Ha’e omoĩ ipo akatúa che’ári ha he’i: Ani rekyhyje, Che ha’e pe ñepyrũmby ha pe paha,

Apocalípsis 1:4

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Apocalípsis 11:17

ha he’i hikuái: Ore roagradece ndéve, ore Jára Ndepu’akapáva, Nde reikovevareína, reikomava’ekue ha rejuva’erãva, nde reñepyrũma reisãmbyhy hag̃ua nde pu’akapa rupi.

Apocalípsis 15:3

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.

Apocalípsis 16:14

Ko’ãva ningo mba’epochy pytukuéra, ojapóva mba’e techapyrã ndetuicháva opaite tetã ruvichakuéra renondépe ombyatypa oñorãirõ hag̃ua Ñanderuete ndive, pe Ipu’akapáva árape.

Apocalípsis 16:7

Ha che, Juan, ahendu pe kuave’ẽmby renda he’i: Néi, Nde ore Jára, ore Ruete, rembojovake hekópe ha añetehápe.

Apocalípsis 19:15

Ha ijurúgui osẽ peteĩ kyse puku hakua ha hãimbe jováiva oikutu hag̃ua tetãnguérape (oñemoĩva guive hese), Ha’e (Hesu Crísto) oisãmbyhýta ichupekuéra ivarílla hierroguiguápe. Ha’e voi opyrũ pochypópe pe parral’akuéra rehe Ñanderuete parral jehykue’ohápe, ha Ha’e ho’ukáta ichupekuéra Ñanderuete, pe Ipu’akapáva jehavira ipohyietéva rehegua víno.

Apocalípsis 19:6

Upérõ ahendu tetãygua atyguasu ñe’ẽpúicha, ku yguasu ryapúicha ha arasunu mbarete ryapúicha, he’íva: Alelúia! Oisãmbyhýma Ñandejára, Ñanderuete, pe Ipu’akapáva.

Apocalípsis 2:8

Ehai Esmírna iglésia rembijokuáipe g̃uarã: Péicha he’i pe Iñepyrũha ha pe Ipaháva, pe ojejukava’ekue ha oikove jevýva.

Apocalípsis 21:22

Ha pe tavaguasu ryepýpe ndahechái Ñanderuete rogaguasu, Ñanderuete, pe Ipu’akapáva voi ha pe Ovechara’y oikógui ipype, ha opyta pe táva Ñanderuete rogaguasu ramo.

Apocalípsis 21:6

Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 22:13

Che ha’e pe “a” ha pe “zéta”, he’iséva pe tenondegua ha pe ipaha peguáva, pe ñepyrũ ha pe ipaha.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.