Apocalípsis 1:7

Ñanderuete Ñe’ẽ Porã 2015

Peikuaa porãke Hesu Crísto ou jeyva’erã arai reheve, ha opaite umi oikutuva’ekue ichupe ohecha jevyva’erã ichupe ha opaite tetã yvy arigua ojahe’o soróta ohecha vove ichupe. Taupéicha.

Referencias Cruzadas

Job 33:26

Ha ha’e oñembo’e jevýta Ñanderuetépe ha Ha’e ohayhu jevýta ichupe ha ohechaukáta ichupe heko jajaipa ha osalváta ichupe.

Salmokuéra 22:16

Jaguakuéra oĩ che jerekuévo, kuimba’e cherayhu’ỹva ojerepa cherehe, tekove ñañáva aty chemongora leõnguéraicha, Nde chemoñeno ñemano yvy timbópe.

Salmokuéra 68:1

Ñanderuete opu’ã umi hese ija’e’ỹvare omosarambipa hag̃ua, ha ijypýgui okañymba hag̃ua umi ohayhu’ỹva ichupe.

Salmokuéra 97:2

Arai iñypytũva oĩ ijerekuévo, justícia ha ñembojovake heko peguáva ojokohína iguapyhaguasu.

Isaías 19:1

Marandu Egípto rehe. Pema’ẽ porãkena, Ñanderuete ou peteĩ arai ipya’évape ha oikéta Egíptope, upérõ ijára gua’u oryryipáta ha umi Egiptoygua ipy’amanombáta.

Daniel 7:13

Ama’ẽve pe ojehechaukava’ekue rehe payetépe pyharekuépe, ha péina ápe ahecha umi arai apytépe ouhína pe Yvyarigua Ra’y, ha omog̃uahẽ ichupe pe itujaitéva renondépe.

Nahum 1:3

Ñanderuete hasy ipochy hag̃ua ha ipu’aka tuichaiterei, henonderãme ndaipóri ánga ipotĩva, Ha’e ndohejái ohavira’ỹre iñañávape. Ñanderuete og̃uahẽ pe ára vai ha pe yvytu jepoka rupi, ha umi arai ipykuéra yvy timbokuénte.

Zacarías 12:10

Ha Che añohẽta David ñemoñare ha Jerusalenguakuéra ári che Pytu jeporiahuvereko ha ñembo’e reheguáva, ha upéi oma’ẽva’erã hikuái cherehe, ha’ekuéra oikutuva’ekuépe, ha ojahe’ova’erã hikuái ku ta’ýra peteĩmi rehe ojejahe’o háicha (omano ramo) térã ombyasyva’erã ichupe ku ta’ýra ypykuére oñembyasy háicha.

Zacarías 12:11

Upe ára upévape jahe’oguasu oikóta Jerusalénpe, ku jahe’oguasu ojejapóvaicha pe jára gua’u Hadad-rimon rehe Megído cérro pa’ũme.

Números 24:17

Ahecha ichupe ndaha’éi ko’ág̃a; ama’ẽ hese, ndaha’éi ag̃ui guive; mbyja osẽva’erã Jacóbogui, ha opu’ãta Israélgui tetã ruvichaguasu yvyra po’i, ombokua hag̃ua Moab syva yke, ha ojokava’erã umi oñorãirõséva akã.

Matéo 16:27

Yvyarigua Ra’y ningo ouva’erã Itúva reko jajaipápe hi’angelkuéra ndive, ha upépe ohepyme’ẽta peteĩteĩvape hembiapokue repy.

Matéo 16:28

Añetehápe Che ha’e peẽme: Ko’ãva apytépe oĩ nomanomo’ãiva ohecha mboyve yvyarigua Ra’ýpe ou ramo ijyvága pegua retãguasu pu’aka reheve.

Matéo 24:30

Ha ojehechaukáta ára rehe pe yvyarigua Ra’y techaukaha; ha opaite yvyariguakuéra oĩva guive yvy apére ojahe’opa joáta oñembyasýgui ha ohechava’erã pe yvyarigua Ra’y oúva arai ári ipu’akaguasu ha heko jajaipa reheve.

Matéo 25:31

Pe yvyarigua Ra’y ou vove heko jajaipa reheve, ha yvága rembiguaikuéra hendive, upe árape Ha’e oguapýta iguapyha omimbipávape.

Matéo 26:64

Ha Hesu he’i ichupe: Añete, Che ha’e peẽme: Ko’ág̃a guive pehecháta yvyarigua Ra’y oguapy ramo Ñanderuete, pe Ipu’akapáva akatúa gotýo, ha ou jevýtava arai ári.

Márcos 13:26

Ha upérõ Ñanderuete Ra’y oúta arai ári, tuicha pu’aka ha heko jajaipa reheve.

Márcos 14:62

Ha Hesu he’i: Che ha’e, ha pehecháta Ñanderuete Ra’y oguapýrõ pe Ipu’akapaitéva akatúa gotýo ha oútava arai ári.

Lúcas 21:27

Upéramo ojehecháta yvyarigua Ra’y ouvahína peteĩ arai ári, ipu’akaguasu ha heko jajaipa reheve.

Juan 19:34

Peteĩ soldádo oikutu Hesu rete yképe ijyvyra puku akua apỹime, oĩháme kyse haimbe’e jováiva, ha ojekutu haguégui osẽ tuguy y reheve.

Juan 19:37

Ambue ñe’ẽ he’i avei: Oma’ẽva’erã hikuái pe oikutuva’ekue rehe, (Zacarías 12,10).

1 Tesalonicayguakuérape 1:10

ha mba’éichapa peẽ peha’ãrõ Hesu Crísto ou jevy hag̃ua yvagakuéragui, Ñanderuete omoingoveva’ekue ichupe omanova’ekue apytégui, ha Ha’e ñandesalváta pe ñembojovakerã pohyietégui.

1 Tesalonicayguakuérape 4:17

ha uperire ñande jaikovéva ha japytáva gueteri, jajehupíta avei hendivekuéra araipýpe, jajojohu hag̃ua Hesu Crísto ndive (yvate yvytúpe), arai apytépe, japyta hag̃ua tapia g̃uarã hendive.

hebreoyguakuerape 10:29

Katuete ipohyive pe jehavira upe opyrũvape g̃uarã Ñanderuete Ra’y rehe ha oguerekóva mba’e rei ramo Hesu Crísto ruguy ha pe ñembopy’apeteĩ pyahu ruguy, omotĩvo pe Pytu Oiporiahuverekóvape, pe omopotĩmava’ekue ichupe.

hebreoyguakuerape 6:6

ha uperire opoi jevýrõ hikuái (Hesu Crístogui); umíva ndaikatumo’ãvéima oñembyasyete jevy ojapo vai haguére, upe hembiapo vai rupi ha’ekuéra omosãingo jevýre Ñanderuete Ra’ýpe ikurusúre ha omotĩre Hesu Crístope.

1 Juan 3:2

Che rayhuparakuéra, ko’ág̃a jaikóma ita’ýra ha itajýra ramo, ndojehechaukáigui gueteri upe oikótava ñandehegui. Jaikuaa ningo upe ára Ha’e ojehechaukatahápe ñandéve, ñande jajoguataha ichupe, ha jahecháta Ha’e oĩ haichaite.

Júdas 1:14

Enoc, pe ñemoñare 7-ha (7 generaciónes) Adan guive oprofetizava’ekue hesekuéra he’ívo: Pema’ẽ porã, Ñandejára ouva’erã katuete heta 10.000-kuéra heko potĩva apytépe,

Apocalípsis 22:20

Pe oikuaaukapáva ko’ã mba’e, he’i: Néi, Che aju pya’e (térã pe hóra oñeha’ãrõ’ỹva) Amen, eju ore Jára, Hesu Crísto.

Apocalípsis 22:4

Ha’ekuéra ohecháta hova, ha héra oĩta isyvakuéra rehe.

Juéces 5:31

Péicha ore Ruete, tomanomba umi nderehe ija’e’ỹva, ha umi nderayhúva katu toiko ku kuarahy osẽ ramoguáicha imbaretekuépe. Ha pe yvy opytu’u 40 áño pukukue.