Apocalípsis 1:4

Ñanderuete Ñe’ẽ Porã 2015

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Referencias Cruzadas

Salmokuéra 90:2

Umi cérro oiko mboyve ha rejapo mboyve ko yvy ha umi mbyja atykuéra, ymaiterei guive opaite ára peve, Nde, ore Ruete, reĩreína.

Éxodo 3:14

Ha Ñanderuete he’i Moiséspe: Che ningo HA’ÉVA (Jahve), ha he’i avei: Péicha eréta Israel ñemoñarenguérape: HA’ÉVA chembou pene rendápe.

Isaías 11:2

Ñanderuete Pytu Porãite oguejyva’erã hi’ári; Pytu oikuaapáva ha arandu reheguáva, Pytu ohekombo’éva ha ipu’akapáva, Pytu omoarandúva ha omongyhyjéva oúta Ñanderuetégui.

Isaías 41:4

Máva piko ojapóra’e ko’ã mba’e. Pe ohenóiva iñepyrũ guive tetãnguérape. Che, pende Jára, Che ningo pe tenondegua ha pe ipaha pegua, nañemoambuemo’ãi.

Isaías 57:15

Péicha he’i pe Ijyvatetéva, pe oisãmbyhypáva tapia g̃uarã iguapyhágui ha hérava Heko porãitéva: Che aisãmbyhy ijyvatehágui ha aiko ikane’õva ha ojepy’apýva ndive, amokyre’ỹ jevy hag̃ua umi ikane’õva ha oñemomirĩvape.

Miquéas 5:2

Belen, Efráta pegua, nde ningo pe táva michĩvéva Juda tavakuéra apytépe, ndehegui katu osẽta Israel retã ruvichaguasurã oikómava ijypy guive.

Zacarías 3:9

Pema’ẽ pe itaguasu amoĩva’ekue rehe Josue renondépe, ko itaguasu kóvape oĩ 7 tesa, ha Che voi ahaíta hi’ári, he’i ángel atykuéra Jára, ha aipe’áta peteĩ árape che retã rembiapo vaikue.

Zacarías 4:10

Umi ohechakuaa’ỹva jepe ohecháta vy’apópe pe ita paha pegua Zorobabel pópe. Ha ko’ã 7 temiendy ojogua umi 7 Ñanderuete resápe, oguatáva ohóvo ko yvy apére.

Zacarías 6:5

Ha pe yvága rembiguái he’i chéve: Ko’ãva hína umi irundy yvytu ára pegua oñemoĩva ko yvy Jarateéva renondépe ha upéi osẽ henondégui.

Juan 1:1

Ñepyrũmbýpe oikomava’ekue pe Ñe’ẽ ha pe Ñe’ẽ oĩ Ñanderuete ndive, ha pe Ñe’ẽ ningo Ñandejára Hesu Crísto voi.

Apostolkuéra 19:10

Mokõi áño pukukue Páblo omyasãi upépe Hesu Crísto evangélio ha hetápe ombo’e, upéicha opaite oikóva guive Ásia retãme, Judaygua ha Greciayguakuéra, ohendu Hesu Crísto evangélio Páblo juru rupi.

Apostolkuéra 2:9

Partiaygua ñe’ẽme, Mediaygua, Elamgua, Mesopotamiaygua, Judaygua, Capadociaygua, Pontoygua, Asiaygua,

Romayguakuérape 1:7

Opaite peẽ peiméva guive Rómape Ñanderuete penderayhu ha pendeporavo pende reko porã hag̃ua. Ñandejára, Ñanderuete ha Ñandejára Hesu Crísto poriahuvereko ha ipy’aguapy toĩ penendive.

1 Corintoyguakuérape 1:3

Ñandejára Ñanderuete ha Ñandejára Hesu Crísto poriahuvereko ha ipy’aguapy tomyenyhẽ pende rekove.

2 Corintoyguakuérape 1:2

Ñandejara Ñanderuete ha Ñandejára Hesu Crísto tapenembopy’a porã ha tapenembopy’aguapy.

hebreoyguakuerape 13:8

Hesu Crísto ningo naiñambuéi, peteĩchánte kuehe, ko ára ha ára atyguasurãme g̃uarã (por los síglos).

Tiágo 1:17

Opaite me’ẽmby iporãva ha opaite jopói hekoite peguáva ou yvatégui, Ñanderuetégui; Ha’e ningo pe tesape Ru, Ha’e noñemoambuéi ha hendive ndaipóri ypytũ.

Apocalípsis 1:1

Ko’ã mba’e Ñanderuete ohechaukava’ekue Hesu Crístope, Ha’e ombohasa hag̃ua umi mba’e pya’e oikova’erãva hembiguaikuérape; Hesu Crísto oikuaauka ko’ã mba’e yvága rembiguái rupi Juánpe, Hesu Crísto rembiguái.

Apocalípsis 1:11

he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 1:17

Ha ahechávo ichupe, ha’a ipy renondépe amanorõguáicha, upéi Ha’e omoĩ ipo akatúa che’ári ha he’i: Ani rekyhyje, Che ha’e pe ñepyrũmby ha pe paha,

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 1:8

Che ningo pe “a” ha pe “zéta” he’iséva iñepyrũmby ha ipaha, he’i Ñanderuete pe yvága Jára, pe Oikovahína, pe Oikova’ekue ha pe Ouva’erãva, pe Ipu’akapáva.

Apocalípsis 1:9

Che, Juan, che avei pene hermáno ha pene irũ umi jepy’ara’ã jahasáva Hesu Crísto ha hetãguasu rehehápe. Ko’ág̃a che aĩ préso pe ypaũ (ísla) Pátmospe, yguasu pa’ũme, ajeroviágui Hesu Crístore ha amyasãi haguére Hesu Crísto evangélio.

Apocalípsis 16:5

Ha ahendu pe yvága rembiguái opytáva y rerekua ramo he’i: Nendivémante oĩ ñembojovake hekópe, Nde ningo, heko porãitéva, Nde reikovevareína, Nde rembojovake hekoitépe ichupekuéra.

Apocalípsis 2:12

Ehai Pérgamo iglésia rembijokuáipe g̃uarã: Péicha he’i pe oguerekóva pe kyse akua pukuete ha hãimbe jováiva ipópe:

Apocalípsis 2:18

Ehai Tiatíra iglésia rembijokuáipe g̃uarã: Péicha he’i Ñanderuete Ra’y, hesa hendýva tata rendýicha ha ipy ojoguáva bróncepe:

Apocalípsis 2:8

Ehai Esmírna iglésia rembijokuáipe g̃uarã: Péicha he’i pe Iñepyrũha ha pe Ipaháva, pe ojejukava’ekue ha oikove jevýva.

Apocalípsis 22:16

Che, Hesu, amondo che yvága rembiguái aikuaauka hag̃ua peẽme, che iglesiayguakuérape umi mba’e oikova’erãva. Che ningo David rapo, ha iñemoñare, pe jasytata ojajái porãva ko’ẽjúvo.

Apocalípsis 22:8

Che ningo, Juan, ahendu ha ahecha ko’ã mba’e. Ha ahendu ha ahechapa rire ajeity pe yvága rembiguái py renondépe amomba’eguasu hag̃ua ichupe, ohechaukava’ekuégui chéve opaite ko’ã mba’e.

Apocalípsis 3:1

Ehai Sárdes iglésia rembijokuáipe g̃uarã: Péicha he’i pe oguerekóva umi 7 Ñanderuete Pytu Porãite ha umi 7 jasytata ipópe: Aikuaa porã ne rembiapokue, oje’e ningo nde reikoveha, remanóma ramojepe.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.

Apocalípsis 3:7

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.

Apocalípsis 4:5

Ha pe guapyhaguasúgui osẽ aratiri, ñe’ẽpu ha arasunu; ha 7 tataindy ohesape pe guapyhaguasu renondépe, umíva ha’e umi 7 Ñanderuete Pytu Porãite.

Apocalípsis 4:8

Ha umi irundy tekove oikovéva peteĩteĩ 6 ipepo, ijerekuévo henyhẽ teságui okávo ha hyepývo, ha ndopytu’úi ára ni pyhare, he’ívo: Heko porã, heko porã, heko porã Ñanderuete, pe Karaiguasuetéva, pe Ipu’akapáva, pe Ha’eva’ekue, pe Ha’éva ha pe Ouva’erãva.

Apocalípsis 5:6

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.

Apocalípsis 8:2

Ha ahecha umi 7 yvága rembiguái oñembo’ýva Ñanderuete renondépe, ha oñeme’ẽ ichupekuéra 7 turu.