Apocalípsis 1:18

Ñanderuete Ñe’ẽ Porã 2015

pe aikovéva, ajejukava’ekue ha péina aikove ára atyguasukuéra guive umi ára atyguasurãnguéra peve ha Che poguýpe oĩ pe ñemano ha pe añaretã rokẽ lláve.

Referencias Cruzadas

Job 19:25

Che katu aikuaa porã che Salvador (Pytyvõharaite) oikoveha ha ipahápe opu’ãtaha chepytyvõ jevy hag̃ua ko yvy apére,

Job 38:17

Ojehechauka piko ndéve pe mano rokẽ, ha ojepe’a piko mano retã rokẽnguéra ne renondépe.

Salmokuéra 18:46

Toikove Ñanderuete, toñemomba’eguasu che Járape ha toñemboete che salvadórpe.

Salmokuéra 68:20

Ñanderueténte, ore Jára añeteguáva, Ha’e ñaneguenohẽ jejopy vaígui. Ha’émante omboykekuaa pe ñemano.

Isaías 22:22

Ha amoĩta ijati’y ári David róga rokẽ lláve, ha oipe’áta hokẽ ha avave nombotymo’ãi, ombotýta ha avave ndoipe’amo’ãi.

Matéo 11:23

Ha nde, Capernaum, rejehupíva yvága peve rejeitýta aña retã meve: Sodómape ojejapo rire umi tembiapo techapyrãva ojejapomava’ekue pende apytépe, opytava’erãmo’ã gueteri ko’ag̃aite peve.

Matéo 16:19

Ha ame’ẽta ndéve pe yvága rokẽ lláve ha reñapytĩva guive ko yvy ári, oñeñapytĩta avei yvágape; ha rejoráva yvy ape ári, ojejorava’erã yvágape.

Lúcas 24:5

Ha kyhyjepópe itĩndy hikuái yvýre, upérõ umi mokõi kuimba’e oporandu ichupekuéra: Mba’érehe piko peheka pe oikovéva omanóva apytépe.

Juan 11:25

Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã.

Juan 14:19

Ndahi’arevéima yvyariguakuéra ndacherechamo’ãvéi, peẽ katu cherecháta, Che aikovégui peẽ peikovéta avei.

Romayguakuérape 6:9

Jaikuaa porã ningo Hesu Crísto oñemoingove hague omanóva apytégui, nomanomo’ãvéi araka’eve, pe ñemano ndaipu’akavéigui hese.

2 Corintoyguakuérape 13:4

Hesu Crístope oñemoĩ kurusúre Ha’e ikangy jave, ko’ág̃a katu oikove jevy Ñanderuete pu’aka rupi. Upéicha ore kangy ramojepe avei, orembarete hendive Ñanderuete pu’aka rupi peẽme g̃uarã.

Galaciayguakuérape 2:20

Che añembokurusúmagui Hesu Crísto ndive, ndaikovéima che, Hesu Crísto oikógui chepype. Che aikove ramojepe che ro’ópe, aikove che jerovia rupi Ñanderuete Ra’y rehe, Ha’e cherayhúgui ha oñeme’ẽmava’ekue che aikove hag̃ua Ha’érupi.

Colosayguakuérape 3:3

Pemanova’ekue, ko’ág̃a katu pende rekove oñemihína Hesu Crísto ndive Ñanderuetepype.

hebreoyguakuerape 1:3

Hesu Crísto rupi ojehecha Ñanderuete reko jajaipa ha Hesu Crísto rupi Ñanderuete ohechauka avei mba’éichapa Ha’ehína. Hesu Crísto ningo ojokohína ko múndope (univérsope) ojejapóva guive iñe’ẽ pu’aka rupi. Hesu Crísto ombopoguyva’ekue angaipa pu’aka, ha oguapyhína ko’ág̃a yvágape Ñanderuete akatúape.

hebreoyguakuerape 12:2

Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.

hebreoyguakuerape 7:16

Hesu Crísto nonacéi kuimba’e pu’aka rupi, Ha’e onace uvei tekove opa’ỹva pu’aka rupi (Pytu Porãmbáva rupi).

hebreoyguakuerape 7:25

Upévare Ha’e ikatu osalva avei tapia g̃uarã umi og̃uahẽvape, Ha’érupi, Ñanderuete rendápe. Hesu Crísto oikovégui tapia g̃uarã, ha’e oñembo’e iñermanokuéra rehe Ñanderuetépe.

Apocalípsis 10:6

ha ome’ẽ iñe’ẽ (juraménto) pe Oikovéva tapia g̃uarãva rérape, ojapova’ekue pe yvága ha oĩva guive ipype, pe yvy ha oĩva guive ipype, pe yguasu ha oĩva guive ipype, ha he’i Ñanderuete poriahuvereko arakuéra opava’erãha.

Apocalípsis 15:7

Ha peteĩ umi irundy tekove (apytégui) ome’ẽ umi 7 yvága rembiguáipe 7 ña’ẽmbe oroguiguáva, henyhẽva Ñanderuete pochýgui, Ha’e ningo pe oikovéva ára atyguasu guive umi ára atyguasurãme g̃uarã.

Apocalípsis 2:8

Ehai Esmírna iglésia rembijokuáipe g̃uarã: Péicha he’i pe Iñepyrũha ha pe Ipaháva, pe ojejukava’ekue ha oikove jevýva.

Apocalípsis 20:13

Ha pe yguasu opoi umi omanomava’ekuégui oĩva guive ipype ha pe ñemano ha pe añaretã opoi avei opavave oĩva guive ipype oñembojovake hag̃ua avei hembiapokuéra rehe.

Apocalípsis 20:14

Ha pe ñemano ha pe añaretã oñemombo pe lágo tataguiguápe. Pe lágo tataguigua ningo ha’e pe ñemano mokõiha.

Apocalípsis 3:7

Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.

Apocalípsis 4:9

Ha umi tekove oikovéva omomba’eguasu, omboete ha oagradece pe Oguapývape iguapyhaguasúpe, ha oikovéva ára atyguasukuéra guive umi ára atyguasurãme g̃uarã,

Apocalípsis 5:14

Ha umi irundy tekove he’i: Amen (taupéicha). Ha umi 24 karai anciáno ojeity omomba’eguasu hag̃ua Ñanderuetépe, pe Oikovéva tapia g̃uarã renondépe.

Apocalípsis 6:8

Ha ama’ẽvo ahecha peteĩ kavaju sa’yju, ha pe oguapýva hi’ári oñembohéra ñemano, ha hapykuéri ouhína omanómava retãyguakuéra ha ome’ẽ ichupe pu’aka ojuka hag̃ua kyse pukúpe irundy rundýpe (pe vore cuatrohápe) opaite tetãyguakuéra oĩva guive yvy apére, ñembyahýi rupi, térã mba’asy rupi, térã mymba ñarõ rupi.

Apocalípsis 9:1

Ha pe yvága rembiguái 5-ha ombopúvo ituru ahecha peteĩ jasytata ho’áva áragui yvýpe, ha oñeme’ẽ ichupe pe yvykua pypukuete lláve.

1 Samuel 2:6

Ñanderuete oporojuka ha Ha’e oporomoingove; Ha’e oporomboguejy omanóva retãme, ha oporogueru jevy.