Apocalípsis 1:16

Ñanderuete Ñe’ẽ Porã 2015

Ipo akatúape oguereko 7 jasytata, ha ijurúgui osẽ peteĩ kyse akua pukuete hãimbe jováiva, ha hova ojajái ku kuarahy asajerõguáicha.

Referencias Cruzadas

Job 38:7

Umi mbyja ko’ẽtĩ megua omoherakuã porã hembiapo techapyrãva ha ovy’a joa Ñanderuete ra’ykuéra (angelkuéra).

Salmokuéra 45:3

Emoĩ nde ku’a rehe nde kyse puku, nde ningo pe ipy’aguasuetéva, ha ne mburuvichaguasu reko omimbipáva.

Cantar de los cantáres 6:10

Máva piko ku ko’ẽjúicha iñapysẽva, jasýicha iporãitéva, kuarahýicha oñemyesakãva, ha oporomopy’andýiva ku ñorãirõhára atýicha.

Isaías 11:4

ombojovakéta hekoitépe umi imboriahúvape, ha ijustíciape ombojovakéta umi tetãygua oñemomirĩvape, oinupãta katu umi iñañávape ha Ipytu Porãitépe ojukáta umi hese ojeroviase’ỹvape.

Isaías 24:23

Pe jasy ha pe kuarahy otĩta yvága atykuéra Járagui, ou vove Ha’e oiko hag̃ua tetã ruvichaguasu ramo Sion cérrope ha Jerusalénpe. Upérõ Ha’e oisãmbyhýta ha umi karai ancianokuéra ohecháta heko jajaipa.

Isaías 49:2

Che jurúgui ojapo kyse puku hakuávaicha, ipo rupi chemo’ã porã; ha che’apo ihu’y hakuávaicha, ha chemoinge ihu’y ryrúpe;

Daniel 12:3

Umi mbo’ehára omimbíta, pe yvága omimbi háicha; ha umi oipytyvõva hapichápe ojohu hag̃ua pe justícia Ñanderuete ndive, omimbiva’erã tapia g̃uarã ku mbyjáicha.

Daniel 8:10

Ha oñembotuicha rire oñemoĩ yvága pegua aty rehe; ha umíva pa’ũgui ha mbyjakuéra apytégui oity yvy rehe ha opyrũmba hesekuéra.

Malaquías 4:2

Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.

Matéo 17:2

Ha upépe Hesu rete oñemoambue hemimbo’ekuéra renondépe; hova ojajái kuarahýicha ha ijao katu morotĩ tesapéicha.

Apostolkuéra 26:13

Asaje pytévo katu, che ruvicha Agrípa, ahecha tapére yvága resape imbaretevéva kuarahy resapégui, cheaho’ipáva ha che irũnguérape avei.

Efesoyguakuérape 6:17

Pejapyhy avei pene akã mo’ãha, kóva he’ise pejejokóke pende salvacionrã rehe, ha pejapyhy pe kyse puku, kóva he’ise peñemo’ã ha pendyry Ñanderuete ñe’ẽ (Bíblia) reheve umi oñemoĩvare penderehe.

hebreoyguakuerape 4:12

Ñanderuete ñe’ẽ oikove, ipu’aka ha hakuave opaite kyse haimbe jováivagui, ha oike ánga ha pytu porã pa’ũ meve, omboja’o peve kangue joajuha ha karaku, ombojovake hag̃ua avei ñane pensamientokuéra ha ñande py’apy rembipota.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 10:1

Upéi ahecha ambue yvága rembiguái mbarete oguejýva yvágagui arai apytépe, iñakã ári oĩ pe árco de Noe (jy’y) hova omimbi kuarahýicha ha ipykuéra tata oñembo’yetévaicha.

Apocalípsis 12:1

Ha ojehecha ára rehe, peteĩ techaukaha (señal) ndetuicháva: Peteĩ kuña oñemondéva kuarahýpe ha pe jasy oĩ ipy guýpe, ha iñakã ári oĩ peteĩ akã jeguaka (coróna) oguerekóva 12 jasytata.

Apocalípsis 19:15

Ha ijurúgui osẽ peteĩ kyse puku hakua ha hãimbe jováiva oikutu hag̃ua tetãnguérape (oñemoĩva guive hese), Ha’e (Hesu Crísto) oisãmbyhýta ichupekuéra ivarílla hierroguiguápe. Ha’e voi opyrũ pochypópe pe parral’akuéra rehe Ñanderuete parral jehykue’ohápe, ha Ha’e ho’ukáta ichupekuéra Ñanderuete, pe Ipu’akapáva jehavira ipohyietéva rehegua víno.

Apocalípsis 19:21

Ha umi ambue oñembyatyva’ekue katu ojejuka kyse puku rupi, osẽva pe kavaju arigua jurúgui, ha opaite guyrakuéra hyg̃uatãmba ho’okuéragui.

Apocalípsis 2:1

Ehai Eféso iglésia rembijokuáipe g̃uarã: Péicha he’i pe ojokóva umi 7 jasytata ipo akatúape, ha pe oikóva umi 7 tataindyenda oroguiguáva apytépe.

Apocalípsis 2:12

Ehai Pérgamo iglésia rembijokuáipe g̃uarã: Péicha he’i pe oguerekóva pe kyse akua pukuete ha hãimbe jováiva ipópe:

Apocalípsis 2:16

Upévare eñembyasýke, ha epoi ne angaipágui, upeicha’ỹ ramo, pya’e ajúta ne rendápe ha añorãirõta hendivekuéra che kyse pukuete reheve osẽva che jurúgui.

Apocalípsis 3:1

Ehai Sárdes iglésia rembijokuáipe g̃uarã: Péicha he’i pe oguerekóva umi 7 Ñanderuete Pytu Porãite ha umi 7 jasytata ipópe: Aikuaa porã ne rembiapokue, oje’e ningo nde reikoveha, remanóma ramojepe.

Juéces 3:16

Ha Eud ojapouka peteĩ kyse puku hãimbe jováiva, ipuku hãimete médio métro; ha omoĩ iku’áre, ijao guýpe, ijakatúa gotýo.

Juéces 5:31

Péicha ore Ruete, tomanomba umi nderehe ija’e’ỹva, ha umi nderayhúva katu toiko ku kuarahy osẽ ramoguáicha imbaretekuépe. Ha pe yvy opytu’u 40 áño pukukue.