Apocalípsis 1:14

Ñanderuete Ñe’ẽ Porã 2015

Iñakã ha hi’áva morotĩmba, ovecha rague morotĩ sakãicha, térã yro’y rypy’áicha (niéve) ha hesa tata rendýicha.

Referencias Cruzadas

Daniel 10:6

Hete ojogua ita vera sa’yju ha hovýpe, hova ha’ete ku aratiri, hesakuéra ku tata hendývaicha, ijyva ha ipykuéra ku brónce oñemboverapyrévaicha, ha iñe’ẽ ryapu ku atyguasu ñe’ẽ ryapúicha.

Daniel 7:9

Ha ama’ẽvévo ahecha oñemoĩ guapyhaguasúpe peteĩ Itujaitéva oguapy hag̃ua, ijao morotĩ ama rayvi rypy’áicha, ha iñakã rague imorotĩ ovecha rague ñemopotĩmbyréicha, iguapyhaguasu ha iruéda tata rendýicha.

Matéo 28:3

Ha hete ojoguaite araverápe, ha ijao morotĩ ku yro’y rypy’áicha (nievéicha).

Apocalípsis 19:12

Hesakuéra tatarendýicha ha iñakã ári oĩ heta akã jeguaka (coróna), ha héra ojehaíma, avave ndoikuaái katu, Ha’e añoitémante.

Apocalípsis 2:18

Ehai Tiatíra iglésia rembijokuáipe g̃uarã: Péicha he’i Ñanderuete Ra’y, hesa hendýva tata rendýicha ha ipy ojoguáva bróncepe: