Apocalípsis 1:13

Ñanderuete Ñe’ẽ Porã 2015

Ha umi tataindyenda mbytépe ahecha peteĩ ojoguáva yvyarigua Ra’ýpe, oñemondéva póncho pukúpe ipy peve ha peteĩ ku’a jokuaha oroguiguápe.

Referencias Cruzadas

Éxodo 39:5

Pe ku’a jokuaha oĩva pe póncho mbyky rehe ojejapo avei aorã hovýva, pytãva, pytãũva ha líno inimbo ojepokapyrégui, Ñanderuete he’i haguéicha Moiséspe.

Isaías 11:5

Ha pe justícia iku’a jokuaha, ha teko jeroviaha (fidelidad) hete mo’ãha.

Daniel 10:16

Ha péina ápe, ojoguáva peteĩ kuimba’épe opoko che rembe rehe, ha upévo ajejurupe’a ha añe’ẽ che renondépe oĩvape, ha’évo: Che jára umi mba’e ojehechaukava’ekue rupi ou chéve ko mba’asy ha chekangypa.

Daniel 7:13

Ama’ẽve pe ojehechaukava’ekue rehe payetépe pyharekuépe, ha péina ápe ahecha umi arai apytépe ouhína pe Yvyarigua Ra’y, ha omog̃uahẽ ichupe pe itujaitéva renondépe.

Daniel 7:9

Ha ama’ẽvévo ahecha oñemoĩ guapyhaguasúpe peteĩ Itujaitéva oguapy hag̃ua, ijao morotĩ ama rayvi rypy’áicha, ha iñakã rague imorotĩ ovecha rague ñemopotĩmbyréicha, iguapyhaguasu ha iruéda tata rendýicha.

Levítico 8:7

Ha omoĩ hese pe camisa ipukúva ha pe ku’a jokuaha; upéi omonde hese pe póncho puku ha hi’ári pe póncho mbyky (efod), ha hi’ári jevy peteĩ ku’a jokuaha, ojopy porãva hese.

hebreoyguakuerape 4:15

Jaguereko ningo peteĩ pa’iguasu oñembyasyvahína ñanekangy ramo. Ha’e voi ohasava’ekue avei opaite umi jepy’ara’ã ñande jahasavañaína, upéicharamo jepe Ha’e ndo’aiva’ekue angaipápe,

Apocalípsis 14:14

Ama’ẽ ha ahecha peteĩ arai morotĩ, ha hi’ári oguapy peteĩ ojoguáva yvyarigua Ra’ýpe oguerekóva iñakãre peteĩ akã jeguaka oroguiguáva ha ipópe peteĩ kyse ty’ãi (foice’i, hoz) hãimbéva.

Apocalípsis 15:6

ha osẽ 7 yvága rembiguái Ñanderuete rogaguasúgui, oñemondéva ao linoguigua omimbipávape ha ipyti’áre oiporu peteĩ ku’a jokuaha oroguiguáva, ha’ekuéra oguereko umi 7 plága (paha).

Apocalípsis 2:1

Ehai Eféso iglésia rembijokuáipe g̃uarã: Péicha he’i pe ojokóva umi 7 jasytata ipo akatúape, ha pe oikóva umi 7 tataindyenda oroguiguáva apytépe.