Apocalípsis 1:12

Ñanderuete Ñe’ẽ Porã 2015

Ha ajerévo ahecha pe oñe’ẽva chendive, ha ahecha 7 tataindyenda oroguiguáva.

Referencias Cruzadas

Éxodo 25:37

Ha pe tataindyenda oguerekóta 7 temiendy hi’ári ohesape hag̃ua henonde gotýo.

Éxodo 37:23

Ojapo oroitégui avei umi 7 temiendy, tataindy mopotĩha ha ña’ẽmbekuéra.

Miquéas 6:9

Pehendúke, pende Ruete ohenói itávape. Ñande ñanearanduñaína jakyhyje ramo héragui. Peẽ peikóva táva térã ñúme pejapysaka porãke pe jehavira oútava rehe.

Zacarías 4:2

Ha oporandu chéve: Mba’épa rehecha. Ha che ambohovái: Ahecha peteĩ tataindyenda oroguiguáva ha hi’ári oĩ peteĩ mba’yru acéitepe g̃uarã, ha oĩ avei 7 hemiendy pe tataindyenda ári, 7 acéite rape omongarúva acéite reheve umi 7 hemiendy.

Apocalípsis 1:13

Ha umi tataindyenda mbytépe ahecha peteĩ ojoguáva yvyarigua Ra’ýpe, oñemondéva póncho pukúpe ipy peve ha peteĩ ku’a jokuaha oroguiguápe.

Apocalípsis 1:19

Ehaipa rehecháva guive, umi mba’e oikóva ha ojehútava uperire.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.

Apocalípsis 2:1

Ehai Eféso iglésia rembijokuáipe g̃uarã: Péicha he’i pe ojokóva umi 7 jasytata ipo akatúape, ha pe oikóva umi 7 tataindyenda oroguiguáva apytépe.

Apocalípsis 4:1

Ko’ã mba’e rire ama’ẽ ha ahecha peteĩ okẽ jepe’apyréva yvágape, ha pe ñe’ẽvopu ahendu tenonderãme turúicha oñe’ẽva’ekue chendive he’ívo: Ejupi ko’ápe ha ahechaukáta ndéve umi mba’e ojehútava uperire.