Apocalípsis 1:1

Ñanderuete Ñe’ẽ Porã 2015

Ko’ã mba’e Ñanderuete ohechaukava’ekue Hesu Crístope, Ha’e ombohasa hag̃ua umi mba’e pya’e oikova’erãva hembiguaikuérape; Hesu Crísto oikuaauka ko’ã mba’e yvága rembiguái rupi Juánpe, Hesu Crísto rembiguái.

Referencias Cruzadas

Salmokuéra 25:14

Ñanderuete ohayhuhína umi okyhyjévape ichugui ha umi mba’e ha’ekuéra oikuaa’ỹva Ha’e omoarandúta ichupekuéra omoirũ porã guive ichupe.

Daniel 8:16

Ha ahendu peteĩ kuimba’e ñe’ẽ Ulái rembe’ýgui, osapukái hatãva ha he’i: Gabriel, emombe’u ichupe mba’épa he’ise umi mba’e ojehechaukava’ekue ichupe.

Daniel 9:21

pya’e ou ovevehápe che rendápe, oiméne pe kuave’ẽmby ka’arugua hórape, Ñanderuete rembiguái Gabriel, ojehechaukamava’ekue chéve ñepyrũrãme avei.

Daniel 9:23

Nde reñepyrũvo reñembo’e, Ñanderuete he’i chéve aju hag̃ua rombo’e, Ha’e ningo nderayhuete, upévare ejapysaka porã katu upe oje’étava ndéve reikuaa porã hag̃ua mba’épa he’ise umi mba’e rehechava’ekue.

Amos 3:7

Pende Ruete ndojapomo’ãi mba’eve, oikuaauka’ỹre hembiguái profetakuérape umi mba’e Ha’e ojapótava.

Juan 12:49

Chejehegui rei nda’éi mba’evete, che Ruete chembouva’ekue ñe’ẽ ambohasa jevy hag̃uánte peẽme aju, umi ñe’ẽ Ha’e omoĩva che jurúpe Che añe’ẽ ha aporombo’emanteva’erã.

Juan 15:15

Napomboheramo’ãvéima tembiguái, pe tembiguái ndoikuaáigui ijára ojapóva, pombohéra uvei angirũ (amígo) ambohasapámagui peẽme opaite mba’e ahendúva guive che Ruetégui.

Juan 17:8

Opaite ñe’ẽ ambohasámava ichupekuéra, ha’ekuéra ojapyhy porãma, ohechakuaa porãgui Che añetehápe aju hague ndehegui, ha ogueroviáma hikuái Nde chembou hague.

Juan 3:32

Umi mba’e Ha’e ohecha ha ohendúmava Ha’e oikuaauka, upéicha ramojepe ndogueroviáiri hikuái iñe’ẽ.

Juan 8:26

Heta mba’e ningo ha’eva’erã penderehe ikatúvaambojovake. Pe chemboúva ningo ha’e pe añetegua, ha Che ahendúva guive ichugui, upévante ambohasa tetayguakuérape.

Romayguakuérape 16:25

Ñanderuete tapenemombarete ha tapenemokyre’ỹ Hesu Crísto evangélio rupi, che amoherakuãva pende apytépe Hesu Crísto rembipota rupi, Ha’érupi jaikuaa umi mba’e ñemi, ndojekuaaiva’ekue ambue ára atyguasukuérape,

Galaciayguakuérape 1:12

Che ningo ndahupitýi ko evangélio yvyarigua pógui ni yvyarigua juru nachembo’eiva’ekue, Hesu Crísto voi ome’ẽ chéve ko evangélio kóva, Ha’e ojehechauka ramoguare chéve.

Efesoyguakuérape 3:3

Upévare Hesu Crísto ojehechauka avei chéve omyesakã hag̃ua chéve Ñanderuete ñemimby, che ahai mbykymi haguéicha peẽme.

Títope 1:1

Che, Páblo, Ñanderuete rembiguái ha Hesu Crísto apóstol, Ha’e cheporavo ajerovia hag̃ua hese ha ahupity hag̃ua ikuaapy añeteguáva, ojehechaukáva tekopotĩ rupi.

Apocalípsis 1:19

Ehaipa rehecháva guive, umi mba’e oikóva ha ojehútava uperire.

Apocalípsis 1:9

Che, Juan, che avei pene hermáno ha pene irũ umi jepy’ara’ã jahasáva Hesu Crísto ha hetãguasu rehehápe. Ko’ág̃a che aĩ préso pe ypaũ (ísla) Pátmospe, yguasu pa’ũme, ajeroviágui Hesu Crístore ha amyasãi haguére Hesu Crísto evangélio.

Apocalípsis 17:1

Ha peteĩ umi 7 yvága rembiguái oguerekóva umi 7 ña’ẽmbe ou che rendápe ha he’i: Eju, ahechaukáta ndéve pe kuña reko vai oñembojovakétavape, oisãmbyhýva iguapyhaguasúgui, oñemohendáva yeta rembe’ýpe,

Apocalípsis 19:10

Ha che ajeity pe yvága rembiguái renondépe amomba’eguasu hag̃ua ichupe, ha’e katu he’i chéve: Cháke, che ningo tembiguáinte avei, nendive ha ne hermanokuéra ndive, ha opaite umi ambue omyasãi avei Hesu Crístope (ijuru ha hekove rupi). Pe Pytu Añeteguáva ombohasa Hesu Crísto ñe’ẽ ijiglésiape.

Apocalípsis 19:9

Ha pe yvága rembiguái he’i chéve: Ehai: Ovy’aite umi oñehenóiva (oñeconvidáva), pe Ovechara’y menda karuguasúpe (céna del Señor) g̃uarã. Ha ha’e he’ive chéve: Ko’ã Ñanderuete ñe’ẽ ningo añete ha katuete oikopáta.

Apocalípsis 21:2

Ha pe táva Ñanderuete omboykéva, pe Jerusalen pyahu, ahecha oguejy yvágagui, oñembosako’íva tembirekorã ojeguávaicha imenarãme g̃uarãicha.

Apocalípsis 21:9

Ha ou che rendápe peteĩ yvága rembiguái umi 7 ángel apytégui, ipopekuéra oĩva’ekue umi 7 ña’ẽmbe henyhẽva umi 7 plága pahaguiguáva ha he’i chéve: Eju ahechaukáta ndéve pe tembirekorã, pe Ovechara’y rembireko.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.

Apocalípsis 22:16

Che, Hesu, amondo che yvága rembiguái aikuaauka hag̃ua peẽme, che iglesiayguakuérape umi mba’e oikova’erãva. Che ningo David rapo, ha iñemoñare, pe jasytata ojajái porãva ko’ẽjúvo.

Apocalípsis 22:6

Uperire pe yvága rembiguái he’i chéve: Ko’ã ñe’ẽ añete ha katuete oikopáta hekoitépe, ha Ñandejára Ñanderuete, umi proféta pytukuéra Jára, ohechauka ijyvága rembiguái rupi hembiguaikuérape umi mba’e ojehu pya’eva’erãva.

Apocalípsis 22:8

Che ningo, Juan, ahendu ha ahecha ko’ã mba’e. Ha ahendu ha ahechapa rire ajeity pe yvága rembiguái py renondépe amomba’eguasu hag̃ua ichupe, ohechaukava’ekuégui chéve opaite ko’ã mba’e.

Apocalípsis 22:9

Ha’e katu he’i chéve: Anítei rejeity, che ningo tembiguáinte avei nendive ha ne hermanokuéra ha umi profetakuéra ndive, emomba’eguasu katu Ñanderuetépe.

Apocalípsis 4:1

Ko’ã mba’e rire ama’ẽ ha ahecha peteĩ okẽ jepe’apyréva yvágape, ha pe ñe’ẽvopu ahendu tenonderãme turúicha oñe’ẽva’ekue chendive he’ívo: Ejupi ko’ápe ha ahechaukáta ndéve umi mba’e ojehútava uperire.

Apocalípsis 5:7

Ha pe Ovechara’y ou ha orecibi pe kuatiañe’ẽ pe guapyhaguasúpe Oguapýva po akatúagui.